پیراگراف نمبر1 سبق چغل خور

  aufsurani.blogspot.com

                                                                      سبق: چغل خور 

                                               پیراگراف نمبر1

                                                                 ✍  اقتباس:

                                            اگلے وقتوں کی بات ہے ۔۔۔۔۔۔۔۔ارادے میں ناکام ہوجاتا ہے۔

                                                             ✍  حوالۂ متن: 

                                                   سبق کا عنوان:                   چغل خور

                                                  مصنف کا نام:                   شفیع عقیل

                                                          صنف:                  لوک داستان

                                                            ماخذ:                 پنجابی لوک داستانیں

                                                      ✍    خط کشیدہ الفاظ کے معانی:

                           اگلے وقتوں ۔۔۔۔ پرانے دور۔                            چغل خور ۔۔۔۔ چغلی کھانے والا۔

                               عادت ۔۔۔۔ خصلت ۔                            لاکھ کوشش ۔۔۔۔ بہت زیادہ کوشش۔

                                بارہا ۔۔۔۔ متعدد بار، کئی بار ۔                          ارادہ ۔۔۔۔ نیت، منصوبہ۔

                          ناکام ہونا ۔۔۔۔ شکست کھانا، ہار جانا۔                      دراصل ۔۔۔۔ اصل میں۔حقیقت میں۔

                              مجبور ۔۔۔۔ بےبس، لاچار۔                           ہاتھ دھونا ۔۔۔۔ گنوا دینا، کھو دینا۔

             ✍ سیاق و سباق:

                                 تشریح طلب اقتباس درسی سبق "چغل خور " کا ابتدائی پیراگراف ہے۔ مصنف ایک چغل خور کے بارے میں بتاتا ہے کہ وہ چغلی کھانے کی عادت سے بےحد مجبور تھا۔ اپنی اس  عادت کی وجہ سے نوکری سے بھی ہاتھ دھو بیٹھا مگر پھر بھی چغل خوری جیسی بُری عادت سے باز نہ آیا۔جب اس کا جمع شدہ سرمایہ ختم ہوگیا تو اس نے نوکری اور مزدوری کےلیے سرتوڑ کوشش شروع کر دی۔ اس کی بری عادت کی وجہ سے کوئی بھی اسے ملازم رکھنے کےلیے تیار نہ ہوتا تھا۔

             ✍     تشریح: 

                                لوک داستان کسی معاشرے ، تہدیب اور ثقافت کی ایسی کہانی ہوتی ہے جو سینہ بہ سینہ سفر کرتے ہوئے ایک نسل سے دوسری نسل میں منتقل ہوتی ہے۔ اس کے مصنف کا کوئی پتا نہیں ہوتا۔ اردو کے نامور ادیب شفیع عقیل نے مختلف تہذیب و ثقافت سے تعلق رکھنے والی  لوک داستانوں کے اردو تراجم کرکےبڑی علمی و ادبی اور ثقافتی خدمات سرانجام دیں۔" چغل خور " بھی ایسی ہی لوک داستان ہے جس میں چغل خوری کے نقصان اور اس کے معاشرے پر پڑنے والے گہرے اثرات کو اجاگر کیا گیا ہے۔

                         تشریح طلب اقتباس میں مصنف پرانے وقتوں کا واقعہ بیان کرتے ہوئے کہتے ہیں کہ کسی گاؤں میں ایک چغل خور رہتا تھا۔اس کے اندر چغلی کھانے کی بری عادت پائی جاتی تھی۔وہ لگائی بجھائی کرتا رہتا تھا۔اِدھر کی بات اُدھر اور اُدھر کی بات اِدھر کرنا اس کی سرشت میں شامل ہوگیا تھا۔وہ اپنے طور پر پوری کوشش بھی کرتا تھا کہ چغل خوری جیسی بری عادت کو چھوڑ دے مگر وہ اسے چھوڑنے میں کامیاب نہ ہوسکا۔

                   چغل خور نے متعدد بار یہ کوشش کی کہ وہ کسی کی کسی سے کوئی چغلی کھائے اور نہ ہی ادھر کی بات ادھر کو لگائے مگر  وہ اس کوشش میں مکمل ناکام ہو گیا۔ وہ اپنی اس عادت سے جان نہیں چھڑا پاتا تھا۔چغل خوری کرنا اس کی مجبوری بن چکی تھی اس لیے اس سے بچنے کی  اس کی تمام کوشش رائیگاں ہو جاتی اور وہ چغل خوری چھوڑنے میں ناکام رہتا۔ بقول شاعر:

                                                ؎        ایک عادت سی بن گئی ہے تُو 

                                                         اور    عادت   کبھی    نہیں جاتی 

                                                    aufsurani.blogspot.com