درخواست برائے رخصت ضروری کام

       بخدمت جناب ہیڈماسٹر،گورنمنٹ ہائی سکول الف۔ب۔ج

                                                           عنوان:    درخواستِ رخصت برائے ضروری کام ۔                                                    

                                                                        جناب عالی!

گزارش ہے کہ میں آپ کے مدرسے میں جماعت نہم کا طالب علم ہوں اورگزشتہ تین سال سے باقاعدگی کے ساتھ مدرسے میں حاضر ہوکر زیورِ علم سے آراستہ ہو رہا ہوں۔ اساتذہ کا دیا ہوا درس اور میرا ضمیر اس بات کی اجازت نہیں دیتا کہ مدرسے سے غیرحاضری کروں مگر بہت مجبوری کے ساتھ کہنا پڑ رہا ہے کہ ایک ضروری کام کے سلسلے میں مجھے ایک دن کی رخصت کی ضرورت پڑ گئی ہے۔

         جناب عالی! اس کا سبب یہ ہے کہ میرے والدین کو عمرہ کی سعادت حاصل کرنے کا موقع ملا ہے۔وہ اس مقدس سعادت کو سرانجام دینے کےلیے حجازِ مقدس کی طرف روانہ ہو رہے ہیں۔ گھر کے تمام افراد ان کو ملتان ائیرپورٹ تک الوداع کرنے جارہے ہیں۔بیٹا ہونے کی حیثیت سے میری بھی خواہش ہے کہ میں ان کو ملتان ائیرپورٹ تک چھوڑنے کی سعادت حاصل کروں۔ اس لیے علم کے قیمتی موتیوں سے محرومی کے دکھ کو سینے میں سمو کر آپ سے ملتمس ہوں کہ مجھے ایک یوم مورخہ ۱۱۔مئی ۲۰۲۱ء کی رخصت عنایت فرمائیں۔ مجھے امید ہےکہ آپ میری مجبوری کو مدِنظر رکھ کر مجھ پر شفقت فرمائیں گے۔

                                                                                 اللہ تعالیٰ آپ کا اقبال بلند فرمائے۔

             ۱۰۔مئی ۲۰۲۱ء                                                            درخواست گزار

                                                                                       آپ کا تابع فرماں

                                                                                     الف ۔ ب ۔ ج