پیراگراف نمبر15 نام دیومالی

 aufsurani.blogspot.com                                                              aufsurani.blogspot.com

                                                                          سبق:  نام دیو مالی

                                                پیراگراف نمبر15

                                                                                  اقتباس:

                                                      ہر شخص میں قدرت نے ۔۔۔۔۔۔ خلق اللہ کو کیا فیض پہنچایا۔

                                                                              حوالۂ متن:

                                                           سبق کا عنوان:                      نام دیو مالی

                                                           مصنف کا نام:                       مولوی عبدالحق

                                                                  صنف:                      خاکہ نگاری

                                                                     ماخذ:                       چند ہم عصر

                                                                         خط کشیدہ الفاظ کے معانی:

                                          قدرت ۔۔۔۔ فطرت۔                                      صلاحیت ۔۔۔۔ طاقت، ہنر،  کاری گری۔

                                          درجۂ کمال ۔۔۔۔ اعلیٰ ترین درجہ۔                           بڑائی ۔۔۔۔ برتری۔

                                           کندن ۔۔۔۔ خالص سونا۔                                    استعداد ۔۔۔۔ صلاحیت، لیاقت، قابلیت، مہارت۔

                                          ودیعت ۔۔۔۔ امانت و عطا۔                                  خلق اللہ ۔۔۔۔ اللہ کی مخلوق۔

                                          فیض ۔۔۔۔ فائدہ، نفع۔

               سیاق و سباق: 

                                  تشریح طلب اقتباس درسی سبق " نام دیو مالی " کا اختتامی اقتباس ہے۔ اس کا سیاق و سباق یہ ہے کہ نام دیو مالی نیکی کا احساس دل میں رکھے بغیر دوسروں کی خدمت کرتا تھا۔ نام دیو مالی کی خدمات سے ہی پتا چلتا ہے کہ نیکی کیا ہے اور بڑا آدمی کسے کہتے ہیں؟ اللہ تعالیٰ نے ہر شخص میں کوئی نہ کوئی صلاحیت رکھی ہوتی ہے جن کو بروئے کار لا کر وہ نیکی اور اچھائی کاکام کرتا ہے اور دوسروں کی خدمت کرتا ہے۔ حساب کے دن اس کی جانچ پڑتال ہوگی۔ نیکی اور بڑائی کا جو معیار رکھا جائے ہم نام دیو مالی کو اس معیار کے مطابق نیک اور بڑا ہی پائیں گے۔

                    تشریح: 

                                  مولوی عبدالحق اردو ادب کے نامور اور بلند پایہ محقق ، نقاد ، خاکہ نگار اور عمدہ انشاپرداز تھے۔انھوں نے اردو زبان و ادب کے فروغ میں نمایاں کردار ادا کیا۔ اردو کے حوالے سے نمایاں خدمات پر انھیں " بابائے اردو"  کا لقب ملا۔ درسی سبق " نام دیو مالی " ان کی خاکہ نگاری کا عمدہ نمونہ ہے۔ اس میں وہ نام دیو مالی کی محنت ، ایمانداری اور اس کے پُرعظمت کام کو اجاگر کرتے ہیں۔

                      تشریح طلب اقتباس میں مصنف، انسان کو اپنی صلاحیتوں کے مطابق آگے بڑھنے اور خدمت خلق کرنے کے جذبے کو اجاگر کرتا ہے۔ مصنف کہتا ہے کہ اللہ تعالیٰ نے  ہر شخص کو کسی نہ کسی صلاحیت سے نواز رکھا ہوتا ہے۔ اگر انسان میں کوئی صلاحیت نہ ہوتی تو شاید اس کا کائنات میں آنا ہی بےمعنی ہوتا۔ جیسا کہ اقبالؒ  فرماتے ہیں

                                                               ؎        نہیں    ہے    چیز نکمی کوئی    زمانے میں

                                                                      کوئی برا نہیں    قدرت کے کارخانے میں

اس لیے انسان پر لازم ہے کہ وہ اللہ تعالیٰ کی طرف سے عطا کردہ صلاحیتوں کو بروئے کار لاکر اس کو اونچے سے اونچے درجے پر پہنچانے کی کوشش کرے اور اس سے دوسروں کو بھی فائدہ دے کیونکہ یہی نیکی اور برتری کا بہترین معیار ہے۔ یہاں سوال یہ پیدا ہوتا ہے کہ بلندترین درجے کی آخری حد کون سی ہے؟ اس کا واضح جواب یہ ہے کہ اعلیٰ اور ارفع درجے کی حد کوئی نہیں اور نہ ہی اس مقام تک کبھی پہنچا جاسکتا ہے۔ انسان صرف اچھے سے اچھا تر بننے کی کوشش کرکے اس مقام تک پہنچنے کی جدوجہد ہی کرسکتا ہے۔اعلیٰ اور اونچے درجے تک پہنچنے کی کوشش اور جدوجہد کرکے ہی انسان انسانیت کے تقاضوں کو پورا کرسکتا ہے۔وہ اگر خود کو اچھا بنانا چاہتا ہے تو اس پر لازم ہے کہ وہ اپنی صلاحیتوں سے کام لے کر خود کو آگے بڑھائے اور اس سےفلاحی کام کرکے دوسروں کو بھی فائدہ پہنچائے۔ اس طرح وہ نہ صرف دنیا کےلیے اہم ہوجائے گا بلکہ خالص سونے کی حیثیت بھی اختیار کرلے گا جس کی ہرطرف چاہت ہوتی ہے۔ بقول شاعر:

                                                                  ؎     مرنا بھلا ہے اس کا جو اپنے لیے جیئے 

                                                                      جیتا ہے وہ جو    مرچکا    انسان کےلیے 

روز آخرت جب ہم سے حساب کتاب ہوگا تو ہم سے ان صلاحیتوں کے متعلق بھی سوال کیا جائے گا جو اللہ تعالیٰ نے ہمیں عطا کی ہیں۔ ہم سے اللہ تعالیٰ نے یہ پوچھنا ہے کہ میں نے جو تمھیں طاقت، استطاعت اور صلاحیت سے نوازا تھا اس کو اعلیٰ درجے تک لے جانے میں تم نے کون سا کردار ادا کیا ہے اور تمھاری ان صلاحیتوں سے میری مخلوق کو کیا فائدہ پہنچا؟ کہیں ایسا تو نہیں کہ تم نے اپنی صلاحیتوں کو رائیگاں جانے دیا۔ بقول اقبالؒ :

                                                            ؎         عمل سے زندگی بنتی ہے جنت بھی جہنم بھی

                                                                   یہ خاکی اپنی فطرت    میں نہ نوری ہے ناری

aufsurani.blogspot.com                                                                                        aufsurani.blogspot.com

پیراگراف نمبر14 نام دیو مالی

      aufsurani.blogspot.com                                                               aufsurani.blogspot.com

                                                                            سبق: نام دیو مالی

                                                   پیراگراف نمبر14

                                                                                    اقتباس:

                                                 گرمی ہو یا جاڑا، دھوپ ہو یا سایا ۔۔۔۔۔۔۔۔ نیکی نیکی  نہیں رہتی۔

                                                                                 حوالۂ متن: 

                                                            سبق کا عنوان:                        نام دیو مالی

                                                            مصنف کا نام:                         مولوی عبدالحق

                                                                    صنف:                        خاکہ نگاری

                                                                       ماخذ:                        چند ہم عصر

                                                                           خط کشیدہ الفاظ کے معانی:

                                           جاڑا ۔۔۔۔ سردی کا موسم۔                                   برابر ۔۔۔۔ مساوی۔

                                           خیال ۔۔۔۔ تصور، سوچ۔                                     بہتر ۔۔۔۔ اچھا، مناسب۔

                                           فخر ۔۔۔۔ ناز۔                                              غرور ۔۔۔۔ تکبر۔

                                           بیر ۔۔۔۔ دشمنی، عداوت۔                                  جلاپا ۔۔۔۔ حسد، جلن۔

                                          احساس ہونا ۔۔۔۔ محسوس ہونا۔                              نیک ۔۔۔۔ اچھا۔

                                          نیکی ۔۔۔۔ اچھائی۔

                 سیاق و سباق: 

                                        تشریح طلب اقتباس درسی سبق " نام دیو مالی" کے آخری حصے سے اخذ کیا گیا ہے۔ اس کا سیاق و سباق یہ ہے کہ نام دیو مالی بہت سادہ مزاج اور بھولا بھالا تھا۔ وہ محنت اور لگن سے اپنا کام کرتا تھا۔ اس کے چہرے پر بشاشت اور لبوں پر ہمیشہ مسکراہٹ رہتی تھی۔ وہ ہمیشہ غریبوں کی اپنی بساط سے زیادہ مدد کرتا تھا۔ اسے یہ کبھی احساس نہ ہوا کہ وہ کوئی نیک کام کر رہا ہے۔

                  تشریح:       

                                     مولوی عبدالحق اردو ادب کے نامور اور بلند پایہ محقق ، نقاد ، خاکہ نگار اور عمدہ انشاپرداز تھے۔انھوں نے اردو زبان و ادب کے فروغ میں نمایاں کردار ادا کیا۔ اردو کے حوالے سے نمایاں خدمات پر انھیں " بابائے اردو"  کا لقب ملا۔ درسی سبق " نام دیو مالی " ان کی خاکہ نگاری کا عمدہ نمونہ ہے۔ اس میں وہ نام دیو مالی کی محنت ، ایمانداری اور اس کے پُرعظمت کام کو اجاگر کرتے ہیں۔

                        تشریح طلب اقتباس میں مصنف نام دیو مالی کی عظمت ، اس کی اپنے کام سے محبت اور لگاؤ کو بیان کرتے ہوئے کہتا ہے کہ وہ ہمیشہ اپنے کام کو ایمانداری اور لگن کے ساتھ کرتا تھا۔ وہ دن رات مسلسل کام کرتا اور کام ہی اس کا اوڑھنا بچھونا تھا۔ وہ کسی پل اپنے کام سے کنارہ کشی اختیار نہیں کرتا تھا۔ پودوں کی خدمت اور ان کی دیکھ بھال کا جذبہ اسے ہمہ وقت کام پر مصروف رکھتا تھا۔ وہ  ہمہ قسمی موسمی تغیر ،گرمی، سردی ، دھوپ اور چھاؤں کی پروا کیے بغیر اپنا کام کرتا رہتا تھا ۔ جیسا کہ قائداعظمؒ  کا فرمان ہے:

                            " میں آپ کو مصروفِ عمل ہونے کی تاکید کرتا ہوں، کام، کام اور بس کام کے تحت سچی خدمت کرتے رہیں۔"

                    نام دیو مالی جہد مسلسل کا نام تھا۔ اپنے کام میں اس قدر مگن رہتا کہ اسے خود بھی پتا نہیں چلتا تھا کہ وہ بہت زیادہ کام کر رہا ہے اور نہ ہی  اس نے اس بارے میں کچھ غور کیا کہ اس کا کیا گیا کام دوسرے مالیوں سے بہت اچھا ہوتا ہے۔ سیدھا سادہ ہونے کی وجہ سے اس نے کبھی اپنے کام پر تکبر کیا اور نہ ہی کسی قسم کا ناز محسوس کیا۔ اسے تو پتا ہی نہیں تھا کہ تکبر اور غرور کیا ہوتا ہے۔ وہ ان جذبوں سے بےنیاز ہو کر صرف کام کرنا جانتا تھا۔ نام دیو مالی کا دل شفاف اور کشادہ تھا۔ وہ نہ تو کسی سے دشمنی رکھتا اور نہ ہی اس کے دل میں کسی کےلیے حسد اور کینہ تھا۔ وہ ہر کسی سے محبت اور خلوص سے پیش آتا اور سب کو اچھا سمجھتا تھا۔ اس کے دل میں سب کےلیے محبت اور خلوص ہوتا تھا۔ بقول شاعر:

                                                                ؎      مرنا بھلا ہے اس کا جو اپنے لیے جیئے

                                                                      جیتا ہے وہ جو مرچکا    انسان کےلیے

                یہ نام دیومالی کی کشادہ دلی اور ہرکسی سے پُرخلوص رویوں کا ہی نتیجہ ہے کہ وہ غریبوں کی ہر ممکن مدد کرتا۔اس کی خدمت سے نہ صرف انسان مستفید ہوتے بلکہ وہ جانوروں اور پودوں کی بھی برابر خدمت کرتا تھا۔ اپنا کام ہمیشہ وقت پر کرنا اس کا شیوہ تھا۔ اس نے کبھی اپنے دل میں بھی یہ خیال نہیں آنے دیا کہ وہ کوئی نیکی کا کام کر رہا ہے۔ نیکی کا کوئی بھی کام اس وقت تک نیکی رہتا ہے جب تک اس میں دکھاوا اور نمودونمائش نہ ہو بلکہ اس میں خلوص دل اور خلوص نیت شامل ہو اور انسان کو معلوم ہی نہ ہو کہ وہ کوئی نیک کام کر رہا ہے۔ جب انسان نے نیکی پر اِترانا شروع کر دیا اس وقت اس کی نیکی نیکی نہیں رہے گی بلکہ دکھاوا اور نمود بن جائے گی اور ایسی نیکی کا کچھ اجر نہیں ہوتا۔ نیکی کا اصول اس کہاوت میں پوشیدہ ہے:

                                                                        " نیکی کر دریا میں ڈال۔"

   aufsurani.blogspot.com                                                                           aufsurani.blogspot.com

پیراگراف نمبر13 نام دیو مالی

                                aufsurani.blogspot.com

                                                                 سبق: نام دیو مالی

                                        پیراگراف نمبر13

                                                                       اقتباس: 

                                       وہ بہت سادہ مزاج، بھولا بھالا ۔۔۔۔۔۔ اس دنیا سے رخصت ہوگیا۔

                                                                    حوالۂ متن: 

                                                 سبق کا عنوان:                     نام دیو مالی

                                                  مصنف کا نام:                    مولوی عبدالحق

                                                          صنف:                    خاکہ نگاری

                                                             ماخذ:                    چند ہم عصر

                                                                خط کشیدہ الفاظ کے معانی:

                        سادہ مزاج ۔۔۔۔ سادہ طبیعت والا۔                                   بھولا بھالا ۔۔۔۔ سیدھا سادھا، معصوم۔

                        منکسرالمزاج ۔۔۔۔ عجزوانکساری والا۔                                  بشاشت ۔۔۔۔ تروتازگی۔

                         مسکراہٹ ۔۔۔۔ ہنسی۔                                                جھک کر ۔۔۔۔ ادب کے ساتھ۔

                        بساط ۔۔۔۔ طاقت،استطاعت، حیثیت، اوقات۔                        عشق ۔۔۔۔ جنون، جذبہ، لگاؤ۔

                        رخصت ہونا ۔۔۔۔ چلے جانا۔

          سیاق و سباق: 

                               تشریح طلب اقتباس درسی سبق " نام دیو مالی " کے آخری حصے سے اخذ کیا گیا ہے۔ اس کا سیاق و سباق یہ ہے کہ نام دیو مالی پودوں کے ساتھ لگاؤ رکھتا تھا۔ وہ محنت اورلگن سے پودوں کی خدمت کرکےان کی پرورش کرتا۔ گرمی ہو یا جاڑا، وہ دن رات برابر کام کرتا رہتا۔ اس کا کام دوسروں سے بہتر ہوتا مگر اس نے کبھی اس پر غرور نہ کیا۔ ایک دن شہدکی مکھیوں کی یُورش ہوئی تو وہ اس سے بےخبر رہا۔ وہ مکھیوں کے حملے کی تاب نہ لاسکا اور دنیا سے رخصت ہوگیا۔

               تشریح:       

                            مولوی عبدالحق اردو ادب کے نامور اور بلند پایہ محقق ، نقاد ، خاکہ نگار اور عمدہ انشاپرداز تھے۔انھوں نے اردو زبان و ادب کے فروغ میں نمایاں کردار ادا کیا۔ اردو کے حوالے سے نمایاں خدمات پر انھیں " بابائے اردو"  کا لقب ملا۔ درسی سبق " نام دیو مالی " ان کی خاکہ نگاری کا عمدہ نمونہ ہے۔ اس میں وہ نام دیو مالی کی محنت ، ایمانداری اور اس کے پُرعظمت کام کو اجاگر کرتے ہیں۔

                    تشریح طلب اقتباس میں مصنف، نام دیو مالی کی خصوصیات اجاگر کرتے ہوئے کہتاہے کہ اس کی طبیعت میں انتہا درجے کی سادگی پائی جاتی تھی۔ وہ نہ صرف سیدھی سادھی طبیعت کا تھا بلکہ عجز و انکساری بھی اس میں کوٹ کوٹ کر بھری ہوئی تھی۔ وہ بہت خوش مزاج انسان تھا اس لیے خوشی ، تروتازگی اور زندہ دلی اس کے چہرے سے ہی عیاں ہوتی تھی۔ وہ ہر وقت ہنستا مسکراتا رہتا اور لوگوں کے ساتھ بھی خندہ پیشانی سے ملتا تھا۔

                  احترامِ آدمیت اس کے مزاج کا حصہ تھا اس لیے وہ چھوٹے بڑے کا فرق کیے بغیر سب سے عزت اور احترام سے ملتا  اور ہر ایک کا ادب کرتا۔وہ غریب تھا اس لیے غربت زدہ زندگی گزار رہا تھا۔ اس کی آمدنی بھی اتنی زیادہ نہیں تھی۔ مالی کی خدمات کے طور پر اسے جو تنخواہ ملتی تھی وہ بھی بہت کم تھی۔ ان سب مشکلات کے باوجود بھی وہ کھلے دل کا مالک تھا۔ دوسروں کی مدد کرنا اس کی سرشت میں شامل تھا اس لیے اپنی استطاعت اور حیثیت سے بڑھ کر دوسروں کی مدد کرتا تھا۔  بقول شاعر: 

                                                        ؎       اپنے لیے تو سبھی جیتے ہیں اس جہاں میں

                                                              ہے   زندگی کا مقصد    اوروں کے کام آنا

نام دیو مالی جہاں دیگر اچھی خصوصیات کا حامل انسان تھا وہیں وہ اپنے کام میں بھی انتہائی مخلص تھا۔ اسے اپنے کام سے جنون کی حد تک لگاؤ تھا اس لیے وہ نہایت ایمانداری اور لگن سے کام کرتا تھا۔ یہ اس کی کام سے لگن ہی تھی کہ وہ مکھیوں کے حملے سے بےخبر ہوکر پودوں کی خدمت میں مصروف رہا اور  یہی کام کرتے کرتے اس فانی دنیا کو ہمیشہ ہمیشہ کےلیے خیرآباد کہ گیا۔ بقول شاعر:

                                                          ؎       چمن میں نہ گل ہے نہ حسنِ نظر ہے

                                                                نہ اب داغ ہے وہ نہ اب وہ جگر ہے

                                                                               یا

                                                    ؎          گلشن میں نہ ہم ہوں گے پھر سوگ ہمارا

                                                               گل پیرہن و غنچہ دہن    کرتے رہیں گے

aufsurani.blogspot.com                                                                         aufsurani.blogspot.com

پیراگراف نمبر12 نام دیو مالی

 aufsurani.blogspot.com                                                    aufsurani.blogspot.com

                                                          سبق: نام دیو مالی

                                  پیراگراف نمبر12

                                                                اقتباس : 

                              ایک دن نہ معلوم کیا بات ہوئی ۔۔۔۔۔۔ آخر اسی میں جان دے دی۔

                                                            حوالۂ متن:

                                         سبق کا عنوان:                    نام دیو مالی

                                         مصنف کا نام:                    مولوی عبدالحق

                                                صنف:                    خاکہ نگاری

                                                   ماخذ:                     چندہم عصر

                                                    خط کشیدہ الفاظ کے معانی:

                            یُورش ۔۔۔۔ یلغار، حملہ۔                                قضا ۔۔۔۔ موت۔

                            سرپرکھیلنا ۔۔۔۔ وارد ہونا۔                              غضب ناک ۔۔۔۔ شدید برہم۔

                            جھلڑ ۔۔۔۔ شہد کی مکھیوں کا دَل، ہجوم۔                ٹوٹ پڑنا ۔۔۔۔ حملہ کر دینا۔

                            بےدم ہونا ۔۔۔۔ بےحس و حرکت ہونا۔

          سیاق و سباق:

                                      تشریح طلب اقتباس درسی سبق " نام دیو مالی "کے آخری حصے سے اخذ کیا گیا ہے۔ اس کا سیاق و سباق یہ ہےکہ نام دیو مالی پودوں کی خدمت کا کام انتہائی لگن اور ذمہ داری سے کرتا تھا۔ اس کا کام مہا کاج ہوتا تھا۔ وہ انتہائی شریف تھا۔ نہ شراب پیتا اور نہ ہی کسی سے لڑتا تھا۔ بس وہ تھا اور اس کا کام۔وہ بہت سادہ مزاج اور بھولابھالا تھا۔ چہرےپر بشاشت اور مسکراہٹ ہمیشہ کھیلتی رہتی تھی۔ وہ سب سے عزت اور احترام سے پیش آتا تھا۔ وہ بےچارہ باغ میں شہد کی مکھیوں  کے اچانک حملے سے ناگہانی موت کا شکار ہوگیا۔

               تشریح:     

                                     مولوی عبدالحق اردو ادب کے نامور اور بلند پایہ محقق ، نقاد ، خاکہ نگار اور عمدہ انشاپرداز تھے۔انھوں نے اردو زبان و ادب کے فروغ میں نمایاں کردار ادا کیا۔ اردو کے حوالے سے نمایاں خدمات پر انھیں " بابائے اردو"  کا لقب ملا۔ درسی سبق " نام دیو مالی " ان کی خاکہ نگاری کا عمدہ نمونہ ہے۔ اس میں وہ نام دیو مالی کی محنت ، ایمانداری اور اس کے پُرعظمت کام کو اجاگر کرتے ہیں۔

                       تشریح طلب اقتباس میں مصنف، نام دیو مالی کی ناگہانی موت کے متعلق بتاتا ہے کہ ایک دن نام دیو مالی حسبِ معمول باغ میں پودوں کی خدمت میں مصروف تھا کہ اچانک شہد کی مکھیوں کے یلغار ہوگئی۔ باغ میں کام کرنے والے تمام مالی  شہد کی مکھیوں کے اچانک حملے سے بچنے کےلیے ادھر ادھر بھاگ گئے اور خود کو محفوظ مقام پر پہنچا کر اس حملے سے بچا لیا۔ نام دیومالی اپنے کام میں مگن رہا۔ وہ دنیا و مافیہا سے بےخبر ہوکر اپنے کام میں مصروف رہا اس وجہ سے اسے پتا ہی نہ چلا کہ لوگ کیا کرتے پھر رہے ہیں؟ اس کی یہ بےخبری اس کےلیے مصیبت کا باعث بن گئی۔ اسےاس بات کا معمولی سا بھی ادراک نہ ہوا کہ کسی لمحے وہ مکھیوں کے حملے کا نشانہ بن کر موت کے منھ میں جانے والا ہے۔

                    چناں چہ  نام دیو مکمل اطمینان اور گرد و نواح سے بےخبر ہوکر اپنے کام میں مصروف تھا کہ شہد کی مکھیوں کے ایک ہجوم نے اس غریب پر شدت سے حملہ کر دیا۔ وہ اس اچانک حملے کےلیے بالکل بھی تیار نہ تھا۔ شہد کی مکھیوں نے اس کو بہت زیادہ کاٹنا شروع کر دیا۔نام دیو نہ تو خود کو مکھیوں کے حملے سے بچا پایا اور نہ ہی مکھیوں کے حملے کا مقابلہ کرسکا۔ اسے کچھ حفاظتی تدابیر اختیار کرنے کا بھی موقع نہ مل سکا۔مکھیوں کےمسلسل کاٹنے کی وجہ سے نام دیو بےحس و بےحرکت ہوکر رہ گیا اور اس کے جسم میں کوئی دم خم باقی نہ رہا۔ وہ اس اچانک ہونے والے حملے کی تاب نہ لا کر خالقِ حقیقی سے جاملا۔ بقول شاعر:

                                            ؎      گلشن میں نہ ہم ہوں گے تو پھر سوگ ہمارا

                                                  گل  پیرہن  و  غنچہ  دہن    کرتے    رہیں   گے

aufsurani.blogspot.com                                                           aufsurani.blogspot.com

         

پیراگراف نمبر11 نام دیو مالی

 سبق: نام دیو مالی

پیراگراف نمبر11

اقتباس: 

میں نے اس بےمثل کارگزاری ۔۔۔۔۔۔۔ ہرحال میں کرنا ہی پڑتا ہے۔

حوالۂ متن:

 سبق کا عنوان: نام دیو مالی

مصنف کا نام : مولوی عبدالحق

صنف:  خاکہ نگاری

ماخذ:  چند ہم عصر

خط کشیدہ الفاظ کے معانی:

بےمثل ۔۔۔۔ جس کی مثال نہ ملتی ہو

کارگزاری ۔۔۔۔ کارکردگی۔

پالناپوسنا ۔۔۔۔ پرورش کرنا۔

انعام ۔۔۔۔ تحفہ، نعمت

ہرحال میں ۔۔۔۔ ہر صورت میں۔

مستحق ۔۔۔۔ حق دار۔

تنگی ترشی ۔۔۔۔ مشکل حالات، تنگ حالی۔

سیاق و سباق: 

                  تشریح طلب اقتباس درسی سبق " نام دیو مالی " کے درمیان سے اخذ کیا گیا ہے۔ اس کا سیاق و سباق یہ ہے کہ مصنف ، نام دیومالی کی پودوں سے محبت کے بارے میں بتاتا ہے کہ جب پانی کی قلت ہوئی اور لوگوں کو پینے کا پانی تک میسر نہ تھا تو ایسے وقت میں بھی نام دیومالی کا باغ ہرابھرا تھا۔وہ راتوں کو کہیں نہ کہیں سے پانی ڈھو ڈھو کر لے آتا جو آدھا پانی اور آدھی کیچڑ ہوتی تھی مگر یہی پانی پودوں کےلیے آب حیات تھا۔ اس کارکردگی پر اس نے انعام لینے سے بھی انکار کر دیا۔نام دیو مالی کی اپنے کام سے ایسی لگن کو دیکھ کر ڈاکٹر سید سراج الحسن بھی اس کے بڑے قدردان تھے۔ وہ نام دیو مالی کو شاہی باغ میں لے گئے تو نام دیو مالی کا وہاں بھی وہی رنگ تھا۔

تشریح: 

                  مولوی عبدالحق اردو ادب کے نامور اور بلند پایہ محقق ، نقاد ، خاکہ نگار اور عمدہ انشاپرداز تھے۔انھوں نے اردو زبان و ادب کے فروغ میں نمایاں کردار ادا کیا۔ اردو کے حوالے سے نمایاں خدمات پر انھیں " بابائے اردو"  کا لقب ملا۔ درسی سبق " نام دیو مالی " ان کی خاکہ نگاری کا عمدہ نمونہ ہے۔ اس میں وہ نام دیو مالی کی محنت ، ایمانداری اور اس کے پُرعظمت کام کو اجاگر کرتے ہیں۔

                  تشریح طلب اقتباس میں مصنف نام دیو مالی کی پودوں سے محبت اور لگاؤ کو اجاگر کرتے ہوئے کہتا ہے کہ نام دیو مالی پانی کی قلت کی وجہ سے بننے والے  برے حالات میں بھی پودوں کی اچھی دیکھ بھال کرتا تھا۔اس کا یہ کام ایسا تھا جس کی نظیر ملنا مشکل تھی۔ مصنف کہتاہے کہ اس کی اس شاندار اور لائق تحسین کارکردگی اور عمدہ کام کی بدولت میں نے ستائش کے طور پر اسے انعام دینے کی کوشش کی تو اس نے انعام لینے سے مکمل انکار کر دیا کیونکہ اس کا مطمعٔ نظر نہ تو انعام تھااور نہ ہی ستائش۔ وہ بےلوث ہوکر کام کرتا تھا۔ بقول شاعر: 

      زندہ رہنا ہے تو میرِکارواں بن کر رہو

اس زمیں کی پستیوں میں آسماں بن کر رہو

          نام دیو مالی نے پودوں کی دیکھ بھال اور ان کی خدمت کے صلے میں  انعام لینے سے اس لیے انکار کردیا کیونکہ وہ پودوں کو اپنی اولاد سمجھتا تھا۔ اس کے نزدیک اولاد کی خدمت کرنا والدین کے فرائض میں شامل ہوتا ہے ۔ ان کی پرورش کے سلسلے میں کوئی انعام کا حق دار  ہوتا ہے اور نہ ہی کوئی اپنی اولاد کی پرورش اس لیے کرتا ہے کہ دوسرے اس کے اس کام کی تعریف کریں گے یا اسے اس کے صلے کے طور پر انعام دیں گے۔ان کی اچھی پرورش ، دیکھ بھال اور ان پر خرچ کرنا والدین کی ذمہ داری کا حصہ ہوتا ہے۔ جیساکہ حدیث مبارکہ ہے: 

" اللہ تعالیٰ تم سے کسی کو مال و دولت عطا کرے تواسے چاہیے کہ پہلے اپنی ذات اور اہل وعیال پر خرچ کرے۔"  (صحیح مسلم)۔

چناں چہ اولاد کی خدمت اور پرورش کرنا ہم پر ضروری ہے۔ خواہ ہمیں تنگ اور کٹھن حالات سے گزر کر ہی ان کی پرورش اور ضروریات زندگی کیوں نہ پوری کرنی پڑیں کیونکہ یہ ہماری ذمہ داری کا حصہ ہے۔

پیراگراف نمبر10 نام دیو مالی

 aufsurani.blogspot.com                                                                            aufsurani.blogspot.com

                                                                           سبق: نام دیو مالی

                                                    پیراگراف نمبر10 

                                                                               اقتباس:

                                           یہ وہ وقت تھا کہ قحط ۔۔۔۔۔۔۔۔ پودوں کے حق میں آبِ حیات تھا۔

                                                                           حوالۂ متن:

                                                       سبق کا عنوان:                    نام دیو مالی

                                                         مصنف کانام:                    مولوی عبدالحق

                                                              صنف:                    خاکہ نگاری

                                                                ماخذ:                     چند ہم عصر

                                                                  خط کشیدہ الفاظ کے معانی:

                                  قحط ۔۔۔۔ قلت، خشک سالی .                             اوسان خطا ہونا ۔۔۔۔ ہوش اڑنا۔

                                  میسر ہونا ۔۔۔۔ دستیاب ہونا، فراہم ہونا۔                  قلت ۔۔۔۔ کمی۔

                                  ڈھو ڈھو کر ۔۔۔۔ اٹھا اٹھا کر۔                               گدلا ۔۔۔۔ گندا، غیرشفاف۔

                                   آب حیات ۔۔۔۔ زندگی بخشنے والا پانی۔

              سیاق و سباق: 

                                 تشریح طلب اقتباس درسی سبق" نام دیو مالی" کے درمیان سے اخذ کیا گیا ہے۔ اس کا سیاق و سباق یہ ہے کہ مصنف انسان کی فطرت کے بارے میں بتاتا ہے کہ انسان فطرتاً کاہل اور کام چور واقع ہوا ہے۔آرام طلبی ہم میں موروثی ہوگئی ہے لیکن نام دیو مالی کو کبھی کچھ کہنے سننے کی نوبت نہ آئی۔وہ دنیا و مافیہا سے بےخبر ہوکر کام کرتا تھا۔ مصنف کہتا ہے کہ اس کی اس بےمثل کارگزاری پر میں نے اسے انعام دینا چاہا تو اس نے لینے سے انکار کر دیا۔ وہ سمجھتا تھا کہ اپنے بچوں کے پالنے پوسنے میں کوئی انعام کا مستحق نہیں ہوتا۔     

                  تشریح:

                                مولوی عبدالحق اردو ادب کے نامور اور بلند پایہ محقق ، نقاد ، خاکہ نگار اور عمدہ انشاپرداز تھے۔انھوں نے اردو زبان و ادب کے فروغ میں نمایاں کردار ادا کیا۔ اردو کے حوالے سے نمایاں خدمات پر انھیں " بابائے اردو"  کا لقب ملا۔ درسی سبق " نام دیو مالی " ان کی خاکہ نگاری کا عمدہ نمونہ ہے۔ اس میں وہ نام دیو مالی کی محنت ، ایمانداری اور اس کے پُرعظمت کام کو اجاگر کرتے ہیں۔

                       تشریح طلب اقتباس میں مصنف بارشوں کی کمی اور پانی کی قلت کی وجہ سے لوگوں اور نام دیو مالی کو پیش آنے والی مشکلات کو بیان کرتے ہوئے کہتا ہے کہ پانی کی شدید کمی کے باعث لوگوں کی زندگی اجیرن ہوچکی تھی۔انھیں اپنی پیاس بجھانے کےلیے بھی پانی کہیں سے نہیں ملتا تھا۔ جیسا کہ کسی نے کیا خوب کہا ہے:

      "پانی اللہ تعالیٰ کی بہت بڑی نعمت ہے اس کی قدر وہاں محسوس کی جاتی ہے جہاں پانی قطرہ قطرہ جمع ہوتا ہے اور لوگ اس کی بوند بوند کو ترستے ہیں۔"

پانی کی شدید قلت نے لوگوں کو تڑپا کر رکھ دیا تھا۔ ایسے بُرے اور کٹھن حالات میں بھی نام دیو مالی نے پانی کی  تلاش کےلیے دوڑ دھوپ کرنا شروع کر دی تھی۔ اسے جہاں سے بھی پانی ملتا لے آتا اور اس سے اپنے پودوں کی پیاس بجھاتا تھا جس سے پودوں میں نئی زندگی کی لہر پیدا ہوجاتی تھی۔

      قحط زیادہ ہوا تو پانی کی قلت میں بھی مزید بڑھ گئی۔ نام دیومالی کی پانی کےلیے جدوجہد میں بھی تیزی آگئی۔ وہ ہمت ہارنے والا نہیں تھا۔ اس نے پانی کی تلاش میں دن رات ایک کردی۔وہ راتوں کو بھی پانی کی تلاش میں نکل پڑتا تھا اور کہیں نہ کہیں سے پانی بھر کر لے آتا تھا۔ بقول راحت اندوری:

                                                    ؎        میں نے اپنی خشک آنکھوں سے لہو چھلکا دیا

                                                            اک    سمندر    کہ رہا تھا    مجھ کو پانی چاہیے

                    نام دیو مالی پودوں سے انتہائی لگاؤ رکھتا تھا اس وجہ سے اسے جس طرح کا پانی میسر آتا پودوں کی زندگی بچانے کےلیے لے آتا تھا۔قلت کی وجہ سے پانی کی مانگ بہت بڑھ چکی تھی اور لوگ اس کی تلاش میں مارے مارے پھرتے تھے لیکن پانی ملنے کا نام نہیں لے رہا تھا۔ ایسے کڑے وقت میں نام دیو مالی جو پانی تلاش کرکے لاتا وہ پانی کم ہوتا تھا بلکہ پانی اور کیچڑ کا آمیزہ زیادہ ہوتا تھا۔ گارے اور مٹی کی کثرت کی وجہ سے پانی بہت گندا اور غیرشفاف ہوتا تھا لیکن قلت اور قحط کے اس دور میں یہی پانی بھی غنیمت تھا اور پودوں کو نئی زندگی دے رہا تھا اور ان کےلیے آب حیات سے کم نہیں تھا۔ بقول شاعر: 

                                                   ؎        خون جگر دے کے نکھاریں گے رخِ برگِ گلاب

                                                          ہم    نے    گلشن    کے    تحفظ کی قسم کھائی ہے

aufsurani.blogspot.com                                                                                  aufsurani.blogspot.com

پیراگراف نمبر9 نام دیو مالی

 aufsurani.blogspot.com                                                           aufsurani.blogspot.com

                                                               سبق: نام دیو مالی

                                      پیراگراف نمبر9

                                                                    اقتباس: 

                                  ایک سال بارش بہت کم ہوئی ۔۔۔۔۔۔۔ اٹھا کر لاتا اور پودوں کو سینچتا۔

                                                                 حوالۂ متن: 

                                              سبق کا عنوان:                     نام دیو مالی

                                               مصنف کا نام:                   مولوی عبدالحق

                                                      صنف:                   خاکہ نگاری

                                                        ماخذ:                  چند ہم عصر

                                                        خط کشیدہ الفاظ کے معانی:

                باؤلی ۔۔۔۔ وہ کنواں جس میں سیڑھیاں اتاری گئی ہوں۔                         برائے نام ۔۔۔۔ نہ ہونے کے برابر۔

                آفت ٹوٹ پڑنا ۔۔۔۔ مصیبت آ جانا۔                                            پیڑ ۔۔۔۔ درخت۔ 

                تلف ہونا ۔۔۔۔ ضائع ہونا۔                                                      نڈھال ۔۔۔۔ کمزور، ناتواں، بدحال۔

                دق ۔۔۔۔ تپ محرقہ۔                                                            ہرابھرا ۔۔۔۔ سرسبزوشاداب۔

                سینچنا ۔۔۔۔ پانی دینا۔

              سیاق و سباق: 

                                  تشریح طلب اقتباس درسی سبق " نام دیومالی"کے درمیان سےاخذ کیا گیا ہے۔ اس کا سیاق و سباق یہ ہے کہ مقبرہ رابعہ دورانی اورنگ آباد کے باغ میں مالی کے طور پر کام کرنے والا نام دیو محنت اور لگن کے ساتھ کام کرتا تھا۔ اس کے برعکس باغ کے دوسرے مالی کاہل اور کام چور واقع ہوئے تھے اس لیے انھیں ڈانٹ ڈپٹ کا سامنا ہوتا تھا لیکن نام دیو مالی دنیا و مافیہا سے بےخبر اپنے کام میں مصروف رہتا۔اسے کچھ کہنے سننے کی نوبت نہ آتی۔ وہ ستائش کی تمنا اور صلے کی پروا کیے بغیر محنت سے کام کرتا۔کم بارشوں کی وجہ سے پانی کی قلت نے جب لوگوں کے اوسان خطا کر رکھے تھے اور ان کے پاس پینے کا پانی تک نہیں تھا۔ نام دیو مالی اس وقت بھی کہیں نہ کہیں سے پانی لے آتا اور پودوں کی پیاس بجھاتا تھا۔

                  تشریح: 

                                 مولوی عبدالحق اردو ادب کے نامور اور بلند پایہ محقق ، نقاد ، خاکہ نگار اور عمدہ انشاپرداز تھے۔انھوں نے اردو زبان و ادب کے فروغ میں نمایاں کردار ادا کیا۔ اردو کے حوالے سے نمایاں خدمات پر انھیں " بابائے اردو"  کا لقب ملا۔ درسی سبق " نام دیو مالی " ان کی خاکہ نگاری کا عمدہ نمونہ ہے۔ اس میں وہ نام دیو مالی کی محنت ، ایمانداری اور اس کے پُرعظمت کام کو اجاگر کرتے ہیں۔

                        تشریح طلب اقتباس میں مصنف مقبرہ رابعہ دورانی اورنگ آباد میں مالی کی حیثیت سے کام کرنے والے نام دیو کے متعلق بیان کرتا ہے کہ نام دیو پودوں سے لگاؤ رکھتا اور ان کا بہت زیادہ خیال رکھتا تھا۔ اس کی پودوں سے انسیت کا اندازہ اس بات سے لگایا جاسکتا ہے کہ ایک سال جب بارش بہت کم ہوئی اور پانی کی کمی ہوگئی بلکہ پانی کا قحط پڑ گیا تو پانی دوسرے کنوؤں کے ساتھ ساتھ ان خاص کنوؤں کی تہ سے بھی نیچے چلا گیا جن میں اترنے کےلیے سیڑھیاں لگائی گئی ہوتیں ہیں۔ 

                      پانی کی شدید قلت کی وجہ سے باغ کی حالت ابتر ہونے لگی۔ پودے ناگہانی مصیبت کا شکار ہوگئے۔ بہت سے پودے اور درخت پانی نہ ملنے کی وجہ سے ضائع ہوگئے۔جن پودوں میں زندگی کے آثار پائے جاتے تھے، وہ بالکل کمزور ہوکر مرجھا گئے تھے۔ ان کی رونق ماند پڑنے لگی اور ان کے پتے آہستہ آہستہ ایسے زرد پڑنے لگےجیسے تپ دق کے مریضوں کا چہرہ بیماری کی وجہ سے پیلا پڑ چکا ہوتا ہے۔ جیسا کہ کسی نے خوب کہا ہے:

  "پانی اللہ تعالیٰ کی بہت بڑی نعمت ہے اس کی قدر وہاں محسوس کی جاتی ہے جہاں پانی قطرہ قطرہ جمع ہوتا ہے اور لوگ اس کی بوند بوند کو ترستے ہیں۔"

مقبرہ رابعہ دورانی اورنگ آباد کے وسیع و عریض باغ کا جو حصہ نام دیومالی کے سپرد تھا، وہ پانی کی شدید قلت کے باوجود بھی سرسبزوشاداب تھا۔نام دیو مالی کے باغ کی تروتازگی اور شادابی کی وجہ یہ تھی کہ اس نے اس مشکل وقت میں بھی پودوں کی خدمت کرنا نہ چھوڑی۔ وہ پانی کی تلاش میں نکل جاتا اور دُور دُور سے تھوڑا یا زیادہ جو پانی ملتا گھڑے میں بھر کر لے آتا اور اس سے اپنے پودوں کی پیاس بجھاتا تھا۔ بقول شاعر:

                                                   ؎    خون جگر دے کے نکھاریں گے رخِ برگِ گلاب

                                                      ہم نے    گلشن کے    تحفظ کی    قسم    کھائی  ہے

aufsurani.blogspot.com                                                                       aufsurani.blogspot.com

پیراگراف نمبر8 نام دیو مالی

                                              aufsurani.blogspot.com                                                                                             سبق: نام دیو مالی

                                                   پیراگراف نمبر8

                                                                      ✍    اقتباس: 

                           باغ کے داروغہ( عبدالرحیم خان فینسی) خود بھی ۔۔۔۔۔ نہ ستائش کی تمنا نہ صلے کی پروا۔

                                                                  ✍     حوالۂ متن:

                                                   سبق کا عنوان:                      نام دیو مالی

                                                   مصنف کا نام:                       مولوی عبدالحق

                                                          صنف:                      خاکہ نگاری

                                                             ماخذ:                      چند ہم عصر

                                                    ✍    خط کشیدہ الفاظ کے معانی:

                        داروغہ ۔۔۔۔ محافظ،نگران۔                           کارگزار ۔۔۔۔ اچھا کام کرنے والا، کام میں مستعد۔

                        مستعد ۔۔۔۔ چست و چالاک، ہوشیار۔              کھینچ تان ۔۔۔۔ سختی سے کام لینا۔

                        ڈانٹ ڈپٹ ۔۔۔۔ جھاڑ پلانا۔                        نگرانی ۔۔۔۔ دیکھ بھال، نظر رکھنا۔

                         ڈھیل ۔۔۔۔ رعایت،کوتاہی، کمی۔                    بیڑی ۔۔۔۔ درخت کے پتے سے بنی سگریٹ۔

                        فطرتاً ۔۔۔۔ قدرتی طور پر۔                          کاہل ۔۔۔۔ سست ۔

                        آرام طلبی ۔۔۔۔کام چوری۔ سستی اور کاہلی۔        موروثی ۔۔۔۔ وراثتی ۔

                        نوبت ۔۔۔۔حالت ۔                                دنیا و مافیہا ۔۔۔۔ دنیا جہان۔

                        بےخبر ۔۔۔۔ لاعلم، لاپروا۔                          ستائش ۔۔۔۔ تعریف۔

                         صلہ ۔۔۔۔ بدلہ ، معاوضہ۔

          ✍      سیاق و سباق: 

                                       تشریح طلب اقتباس درسی سبق " نام دیو مالی" کےدرمیان سے اخذ کیا گیا ہے۔ اس کا سیاق و سباق یہ ہے کہ نام دیو مالی بہت نفاست پسند تھا۔وہ خود بھی صاف ستھرا رہتا اور چمن کو بھی صاف ستھرا رکھتا تھا۔ پودوں کو پانی دینے سمیت شاخوں کی کانٹ چھانٹ سب کچھ وقت پر کرتا تھا۔ایک سال جب بارش کم ہوئی تو پانی کی کمی ہوگئی اور باغ پر آفت ٹوٹ پڑی۔ایسے وقت میں بھی نام دیو مالی نے کہیں نہ کہیں سے پانی لا کر اپنے چمن کو ہرابھرا رکھا۔

               ✍      تشریح: 

                                      مولوی عبدالحق اردو ادب کے نامور اور بلند پایہ محقق ، نقاد ، خاکہ نگار اور عمدہ انشاپرداز تھے۔انھوں نے اردو زبان و ادب کے فروغ میں نمایاں کردار ادا کیا۔ اردو کے حوالے سے نمایاں خدمات پر انھیں " بابائے اردو"  کا لقب ملا۔ درسی سبق " نام دیو مالی " ان کی خاکہ نگاری کا عمدہ نمونہ ہے۔ اس میں وہ نام دیو مالی کی محنت ، ایمانداری اور اس کے پُرعظمت کام کو اجاگر کرتے ہیں۔

                        تشریح طلب اقتباس میں مصنف کہتا ہے کہ مقبرہ رابعہ دورانی اورنگ آباد کے باغ کی پہرہ داری اور حفاظتی امور کی ذمہ داری کا کام عبدالرحیم خان فینسی کے سپرد تھا۔ وہ کام کے حوالے سے بہت چست اور چالاک تھے اور دوسروں سے کام لینا اچھی طرح جانتے تھے۔ وہ یہ بھی بخوبی جانتے تھے کام چور مالیوں سےکیسے کام لیا جاتا ہے۔ وہ باغ کی حفاظت اور اس کی نگرانی  میں کبھی کوتاہی نہیں کرتے تھے۔ انھیں اچھی طرح معلوم تھا کہ اپنی ذمہ داری سے ذرا سا بھی غافل ہوئے اور مالیوں سے چشم پوشی  کی  تو وہ  آرام طلب بن جاتے ہیں اور کام کرنے کی بجائے فارغ بیٹھے رہتے یا درختوں کے سائے میں آرام سے نکمے پڑے بیڑی پیتے رہتے ہیں۔

                        سستی اور کام چوری انسان کی فطرت اور جبلت میں شامل ہے۔انسان ہمیشہ سے آرام اور آسائش کا طلب گار رہا ہے اور یہ اس کی کمزوری بھی ہے کیونکہ کام میں سستی اور آرام کی چاہت انسان کے اندر وراثتی طور پر موجود ہے۔ یہی وجہ ہے کہ معمولی سی رعایت ملتے ہی باغ کے مالی کام چوری سے باز نہ آتے۔ نام دیو مالی باقی سب مالیوں سے منفرد خوبیوں کا مالک تھا۔ اسے اپنے کام کے دوران کبھی بھی ڈانٹ ڈپٹ ہوئی اور نہ ہی اسے کچھ کہنے سننے کی ضرورت پیش آئی کیونکہ وہ پوری لگن اور تندہی سے اپنا کام فرض سمجھ کر کرتا تھا۔ بقول شاعر:

                                                          ؎        نامی کوئی بغیر مشقت نہیں ہوا

                                                                  سو بار عقیق کٹا تب نگیں ہوا

نام دیو مالی دنیا جہان کی ہاؤ ہو سے بےپروا اور لاتعلق ہوکر اپنے کام سے کام رکھتا تھا۔وہ نہ تو کسی کو خوش کرنے کےلیے کام کرتا اور نہ ہی اسے اس بات کی کوئی لالچ تھی کہ اسے اچھے کام کا اچھا صلہ ملے گا بلکہ اسے اپنے کام سے لگاؤ تھا اس وجہ سے وہ اپنے کام میں مصروف رہتا تھا۔ بقول شاعر:

                                                  ؎       مت سہل اسے جانو ، پھرتا ہے فلک برسوں 

                                                          تب  خاک  کے پردے  سے  انسان  نکلتا  ہے

    aufsurani.blogspot.com                                                                  aufsurani.blogspot.com

پیراگراف نمبر7 نام دیو مالی

 سبق: نام دیو مالی

پیراگراف نمبر7

اقتباس:

 وہ خود بھی صاف ستھرا رہتا تھا ۔۔۔۔۔۔۔ چمن کو آئینہ بنا رکھا تھا۔

حوالۂ متن:

سبق کا عنوان: نام دیو مالی

مصنف کا نام: مولوی عبدالحق

صنف: خاکہ نگاری

ماخذ: چند ہم عصر

خط کشیدہ الفاظ کے معانی:

چمن ۔۔۔۔ باغ، گلشن۔

رسوئی ۔۔۔۔ کھانا پکانے کی جگہ، باورچی خانہ۔

چوکا ۔۔۔۔ چبوترا، تخت جو رسوئی کے اندر رکھا جاتا ہے

رسوئی کا چوکا ۔۔۔۔ کھانا پکانے کےلیے بنایا گیا تھڑا۔

مجال ۔۔۔۔ جرأت ، طاقت ، بساط۔

گھاس پھونس ۔۔۔۔ سوکھی اور خشک گھاس، تنکے اور جھاڑ جھنکار۔

روشیں ۔۔۔۔ کیاریاں۔

باقاعدہ ۔۔۔۔ منظم۔

تھانولے ۔۔۔۔ پودوں کے گرد بنایا گیا گڑھا، تھالا۔

سینچائی ۔۔۔۔ پودوں کو پانی دینا، آبیاری کرنا۔

شاخ ۔۔۔۔ ٹہنی۔

کانٹ چھانٹ ۔۔۔۔ اضافی ٹہنیوں کو کاٹنا، کتربیونت۔

جھاڑنابہارنا ۔۔۔۔ صفائی ستھرائی کرنا۔

آئینہ ۔۔۔۔ شیشہ۔

سیاق و سباق:

                       تشریح طلب اقتباس درسی سبق " نام دیو مالی " کے درمیان سے اخذ کیا گیا ہے۔ اس کا سیاق و سباق یہ ہے کہ نام دیو مالی مقبرہ رابعہ دورانی اورنگ آباد کے باغ میں پودوں کی دیکھ بھال کرتا تھا۔ باغوں میں کام کرتے کرتے اسے جڑی بوٹیوں کی بھی شناخت ہوگئی تھی۔ وہ بچوں کے علاج میں مہارت رکھتا تھا۔ دُور دُور سے لوگ اس کے پاس بچوں کے علاج کےلیے آتے تھے۔وہ کسی سے کچھ نہیں لیتا تھا۔باغ کے داروغہ عبدالرحیم خان فینسی دوسرے مالیوں سے کھینچ تان سے کام لیتے مگرنام دیو کو کبھی کچھ کہنے سننے کی نوبت نہ آئی۔ وہ مکمل لگن اور دنیا و مافیہا سے بےخبر ہوکر اپنا کام کرتا تھا۔اسے نہ ستائش کی تمنا تھی اور نہ صلے کی پروا۔

تشریح:                      

             مولوی عبدالحق اردو ادب کے نامور اور بلند پایہ محقق ، نقاد ، خاکہ نگار اور عمدہ انشاپرداز تھے۔انھوں نے اردو زبان و ادب کے فروغ میں نمایاں کردار ادا کیا۔ اردو کے حوالے سے نمایاں خدمات پر انھیں " بابائے اردو"  کا لقب ملا۔ درسی سبق " نام دیو مالی " ان کی خاکہ نگاری کا عمدہ نمونہ ہے۔ اس میں وہ نام دیو مالی کی محنت ، ایمانداری اور اس کے پُرعظمت کام کو اجاگر کرتے ہیں۔

                تشریح طلب اقتباس میں مصنف نام دیو مالی کی محنت ، لگن اور اس کی  باغ میں صفائی ستھرائی کے حوالے سے بیان کرتا ہے کہ نام دیو بہت صفائی اور نفاست پسند انسان تھا۔وہ خود کو بھی صاف ستھرا رکھتا اور باغ کی بھی صفائی کرتا تھا۔ اس کا باغ اس قدر صاف ستھرا ہوتا تھا جیسے  گھروں میں کھانا پکانے کےلیے بنائے گئے چولہے کی اردگرد کی جگہ کو مکمل صاف ستھرا رکھا جاتا ہے۔ حدیث مبارکہ ہے:

" صفائی نصف ایمان ہے"۔

                     نام دیو مالی نے باغ کو اس قدر صاف ستھرا اور خوب صورت بنایا ہوا تھا کہ پورے باغ میں کہیں بھی جھاڑ تنکار ، کنکر اور پتھر پڑے  دکھائی نہیں دیتے تھے۔ پودوں کو پانی دینے کےلیے اس نے انتہائی منظم انداز سے کیاریاں اور تھالے بنائے ہوئے تھے۔وہ وقت کا بھی بہت پابند تھا۔ وقت پر پودوں پانی دیتا تھا اور وقت پر ہی پودوں کی صفائی ستھرائی کرتا تھا۔پودوں کی اضافی ٹہنیوں کی کتربیونت اس انداز سے کرتا کہ پودے منظم دکھائی دیتے تھے۔ یہ تمام صفائی ستھرائی صبح اور شام پابندی کے ساتھ کرتا تھا۔ غرض یہ کہ نام دیو نے پورے باغ کو انتہائی نفیس اور خوب صورت بنا رکھا تھا۔ پورا باغ آئینے کی طرح چمک رہا تھا۔ بقول شاعر:

      مت سہل اسے جانو، پھر تا ہے فلک برسوں 

       تب  خاک  کے   پردے  سے  انسان نکلتا ہے 

                                   یا

      نامی کوئی بغیر مشقت نہیں ہوا

        سو بار عقیق کٹا تب نگیں ہوا

           

              

پیراگراف نمبر6 نام دیو مالی

 aufsurani.blogspot.com                                                                aufsurani.blogspot.com

                                                        سبق: نام دیو مالی

                                 پیراگراف نمبر6

                                                      ✍    اقتباس:

                                 باغوں میں رہتے رہتے اسے ۔۔۔۔۔۔ کسی سے کچھ نہیں لیتا تھا۔

                                                      ✍حوالۂ متن:

                                          سبق کا عنوان:                   نام دیو مالی

                                           مصنف کا نام:                  مولوی عبدالحق

                                                  صنف:                  خاکہ نگاری

                                                    ماخذ:                  چند ہم عصر

                                            ✍    خط کشیدہ الفاظ کے معانی:

                        شناخت ۔۔۔۔ پہچان، واقفیت۔                    مہارت ۔۔۔۔ کاری گری، ہنرمندی۔

                        شفقت ۔۔۔۔ مہربانی ، رحم دلی۔                  غور ۔۔۔۔ توجہ ، فکر۔

                        بلاتامل ۔۔۔۔ بغیر کسی ہچکچہاہٹ یا عذر کے۔       مفت ۔۔۔۔ بےدام۔

        ✍ سیاق و سباق: 

                                تشریح طلب اقتباس درسی سبق " نام دیو مالی" کے درمیان سے اخذ کیا گیا ہے۔ اس کا سیاق و سباق یہ ہے کہ نام دیو باغ میں پودوں کو لگن سے پروان چڑھاتا اور ان کی بہت فکر کرتا۔ اگر کسی پودے کو روگ لگ جاتا تو ہزار جتن کرکے اسے بچا لیتا تھا۔ وہ خود بھی صاف ستھرا رہتا اور چمن کو بھی اس نے رسوئی کے چوکے کی طرح چمکایا ہوا تھا۔

           ✍  تشریح:  

                                مولوی عبدالحق اردو ادب کے نامور اور بلند پایہ محقق ، نقاد ، خاکہ نگار اور عمدہ انشاپرداز تھے۔انھوں نے اردو زبان و ادب کے فروغ میں نمایاں کردار ادا کیا۔ اردو کے حوالے سے نمایاں خدمات پر انھیں " بابائے اردو"  کا لقب ملا۔ درسی سبق " نام دیو مالی " ان کی خاکہ نگاری کا عمدہ نمونہ ہے۔ اس میں وہ نام دیو مالی کی محنت ، ایمانداری اور اس کے پُرعظمت کام کو اجاگر کرتے ہیں۔

                       تشریح طلب اقتباس میں مصنف نام دیو مالی کی باغوں میں  پودوں کے ساتھ محبت ، اس کی محنت اور لگن کو اجاگر کرتا ہے۔ مصنف کہتا ہے کہ نام دیو مالی اس قدر پودوں سے محبت رکھتا اور ان کی دیکھ بھال کرتا کہ اس سے اسے باغوں میں اگنے والی مختلف جڑی بوٹیوں کی بھی اچھی طرح پہچان ہوگئی۔ وہ ان جڑی بوٹیوں کی تاثیر اور ان کے فوائد سے اچھی طرح واقف ہوگیا تھا۔ وہ ان جڑی بوٹیوں سے بچوں کی مختلف بیماریوں کا علاج کرنے میں ماہر ہوچکا تھا۔ اس کی اس نمایاں خصوصیت کو دیکھ کر دور دراز سے لوگ اس کے پاس اپنے بچوں کا علاج کرانے کےلیے آتے تھے۔ 

                    نام دیو مالی بچوں کی بیماری کو اچھی طرح پرکھتا اور پھر باغ میں سے جڑی بوٹیاں لے آتا اور بڑے پیار ، توجہ اور لگن کے ساتھ اس کا علاج کرتا تھا۔ کبھی کبھار ایسا ہوتا کہ دوسرےگاؤں سے لوگ اپنے بچوں کے علاج معالجے کےلیے اسے اپنے گھر لے جاتے۔ وہ بغیر کسی ہچکچاہٹ اور بغیر کسی بہانے سازی کے ان کے ساتھ چلا جاتا اور ان کے بچوں کا علاج کرتا تھا۔ نام دیو مالی کے اندر ہمدردی اور نیکی کا جذبہ اس قدر تھا کہ وہ بغیر کسی طمع، حرص و لالچ کے دوسروں کے کام آتا۔یہاں تک کہ اجرت لیے بغیر  لوگوں کےکام آتا اور بچوں کے علاج کی مد میں بھی کسی سے کچھ نہیں لیتا تھا۔ بقول شاعر:

                                           ؎       اپنے لیے تو سبھی جیتے ہیں اس جہاں میں

                                                 ہے  زندگی  کا  مقصد  اوروں  کے  کام   آنا

aufsurani.blogspot.com                                                          aufsurani.blogspot.com

                                                                                   

پیراگراف نمبر5 نام دیو مالی

 aufsurani.blogspot.com                                                           aufsurani.blogspot.com

                                                                  سبق: نام دیو مالی

                                            پیراگراف نمبر5

                                                                    ✍     اقتباس:

                                        کبھی کسی پودے میں اتفاق سے ۔۔۔۔۔۔ کبھی کوئی پیڑ ضائع نہ ہوا۔

                                                                ✍    حوالۂ متن: 

                                                   سبق کا عنوان:                   نام دیو مالی

                                                   مصنف کا نام:                   مولوی عبدالحق

                                                          صنف:                  خاکہ نگاری

                                                             ماخذ:                   چند ہم عصر

                                                        ✍    خط کشیدہ الفاظ کے معانی:

                       اتفاق سے ۔۔۔۔ اچانک ، حادثاتی طور پر۔                        روگ ۔۔۔۔ تکلیف، بیماری۔

                      فکر ۔۔۔۔ پریشانی۔                                                داروغا ۔۔۔۔ محافظ ، پہرہ دار۔

                     سیوا ۔۔۔۔ خدمت۔                                                ہمدرد ۔۔۔۔ رحم دل۔

                    نیک دل ۔۔۔۔ اچھے دل والا، ہمدرد۔                              عزیز ۔۔۔۔ پیارا۔

                    جتن ۔۔۔۔ کوشش۔                                               تندرست ۔۔۔۔ صحت مند ، توانا۔

                    چین ۔۔۔۔ آرام و سکون۔                                        پروان چڑھنا ۔۔۔۔ نشوونما پانا، پھلنا پھولنا۔

                    پیڑ ۔۔۔۔ درخت۔

           ✍   سیاق و سباق:   

                                 تشریح طلب اقتباس درسی سبق " نام دیو مالی " کے درمیان سے اخذ کیا گیا ہے۔ اس کا سیاق و سباق یہ ہے کہ نام دیو مالی پودوں کو اولاد کی طرح سمجھتا تھا۔ وہ ان کو سرسبز و شاداب دیکھ کر ایسے خوش ہوتا جیسے ماں اپنے بچوں کو دیکھ کر خوش ہوتی ہے۔پودوں کو پھلتے پھولتے دیکھ کر اس کے چہرے پر خوشی کی لہر دوڑ جاتی۔ اسے جڑی بوٹیوں کی بھی کافی شناخت تھی اس لیے وہ بچوں کے علاج میں بڑی مہارت رکھتا تھا۔

              ✍    تشریح: 

                                   مولوی عبدالحق اردو ادب کے نامور اور بلند پایہ محقق ، نقاد ، خاکہ نگار اور عمدہ انشاپرداز تھے۔انھوں نے اردو زبان و ادب کے فروغ میں نمایاں کردار ادا کیا۔ اردو کے حوالے سے نمایاں خدمات پر انھیں " بابائے اردو"  کا لقب ملا۔ درسی سبق " نام دیو مالی " ان کی خاکہ نگاری کا عمدہ نمونہ ہے۔ اس میں وہ نام دیو مالی کی محنت ، ایمانداری اور اس کے پُرعظمت کام کو اجاگر کرتے ہیں۔

                تشریح طلب اقتباس میں مصنف مقبرہ رابعہ دورانی اورنگ آباد کے باغ میں مالی کی حیثیت سے کام کرنے والے نام دیو کی پودوں سے محبت اور اپنے کام سے لگن کو بیان کرتا ہے۔ مصنف کہتا ہے کہتا ہے کہ نام دیو مالی پودوں کی بہت خدمت کرتا اور ان کو توانا دیکھ کر بہت خوش ہوتا۔اگر کسی پودے کو خدانخواستہ کیڑا لگ جاتا یا پودا کسی بیماری کا شکار ہوجاتا تو وہ بہت فکرمند ہوجاتا تھا۔ وہ ہرصورت اس پودے کو بچانے کی کوشش کرتا۔ وہ اس پودے کا علاج کرتا اور بازار سے اس کےلیے ادویات لے آتا۔ بعض اوقات اگر وہ خود کسی وجہ سے نہ جاسکتا تو باغ کے پہرے دار سے کہ کر پودے کےلیے دوا منگوا لیتا۔ وہ پودوں کا مکمل احساس رکھتا تھا اس لیے دن بھر ان کی فکر میں رہتا تھا۔ جیسا کہ قول ہے:

                                ✌    " احساس محبت کی پہلی سیڑھی اور ایک امید ہے کامیابی کی "۔ ✌

                نام دیو مالی تمام دن بیمار پودے کی خدمت میں لگا رہتا۔ وہ اس کی خدمت اس طرح کرتا جس طرح ایک نیک اور اچھا ڈاکٹر اپنے کسی عزیز رشتہ دار کی بیماری کا علاج مکمل توجہ اور لگن سے کرتا ہے۔وہ پودے کو مرجھانے سے بچانے کی ہرممکن کوشش کرتا۔ وہ بالکل بھی آرام نہ کرتا اور اس وقت تک کوشش جاری رکھتا جب تک پودا صحت مند اور توانا نہ ہو جاتا۔ جیسا کہ قول ہے: 

                                        ✌   " مسلسل جدوجہد کامیابی کی کنجی ہے۔ "  ✌

نام دیو مالی کی مسلسل محنت ، لگن اور اپنے کام سے لگاؤ کا ہی نتیجہ ہے کہ اس نے جتنے پودے بھی لگائے سب کے سب پھلے پھولے اور تن آور درخت بنے۔  اس کا لگایا ہوا کوئی پودا ضائع نہ ہوا کیونکہ وہ ان پر بہت محنت کرتا اور ان کی مکمل دیکھ بھال کرتا تھا۔ بقول شاعر: 

                                             ؎        نامی کوئی بغیر مشقت نہیں ہوا 

                                                    سو بار عقیق کٹا تب نگین ہوا

aufsurani.blogspot.com                                                           aufsurani.blogspot.com