درخواست برائے حصول سرٹیفکیٹ

                                                               بخدمت جناب ہیڈماسٹر،گورنمنٹ ہائی سکول ا۔ب۔

                                                                  عنوان:   درخواست برائے حصول سرٹیفکیٹ

                                                                                                جناب عالی!

نہایت ادب سے گزارش  ہے کہ میں آپ کے  مدرسے میں جماعت نہم کا طالب علم ہوں۔میں آپ کے باوقار تعلیمی ادارے میں  چار سال تک زیرِتعلیم رہا ہوں اور   آپ کے اس ادارے میں زیرِ تعلیم ہونا میرے لیے کسی اعزاز سے کم نہیں۔میرے والدِ محترم محکمہ ریلوے میں ملازم ہیں۔حکومت پنجاب کی پالیسی کے تحت   ملتان میں ان کا عرصہ ملازمت مکمل ہونے پر ان کا تبادلہ لاہور کر دیا گیا ہے۔گھر کے تمام افراد بھی ان کے ہمراہ ملتان سے لاہور منتقل ہورہے ہیں۔ 

             جناب عالی!  میں کبھی بھی اپنے مادرِ علمی سے دُور نہ ہوتا  مگر مجبوری یہ ہے کہ اس شہر میں میرا کوئی عزیز رشتہ دار نہیں جن کے پاس میں قیام کرسکوں اور آپ کے  مدرسے میں ہاسٹل کی سہولت بھی میسر نہیں۔ لہٰذا   آپ سے ملتمس ہوں کہ مجھے   مدرسہ چھوڑنے کا سرٹیفکیٹ عنایت فرما ئیں تاکہ میں جلد از جلد لاہور کے کسی اچھے تعلیمی ادارے میں داخلہ لے   کر اپنی تعلیم جاری  رکھ سکوں۔

                                                                                                                                اللہ تعالیٰ آپ کا اقبال بلند فرمائے۔

                              20۔اکتوبر 2020ء                                                                                        درخواست گزار             

                                                                                                                                       آپ کا تابع فرمان

                                                                                                                                            ا۔ ب ۔ج