پیراگراف نمبر5 چغل خور

 aufsurani.blogspot.com

                                                                         سبق: چغل خور

                                                 پیراگراف نمبر5

                                                                        ✍   اقتباس: 

                                       ادھر چغل خور کو کسان کے ہاں ۔۔۔۔۔۔ معاہدے کے مطابق میرا حق بھی ہے۔

                                                                     ✍   حوالۂ متن:

                                                          سبق کا عنوان:                  چغل خور

                                                          مصنف کا نام:                   شفیع عقیل

                                                                  صنف:                  لوک داستان

                                                                    ماخذ:                 پنجابی لوک داستانیں

                                                                ✍     خط کشیدہ الفاظ کے معانی:

                                    بیت جانا ۔۔۔۔ گزر جانا۔                                دل چاہنا ۔۔۔۔ خواہش ہونا، تمنا ہونا۔

                                       عادت ۔۔۔۔ خصلت۔                                      جبر ۔۔۔۔ سختی، ظلم و ستم۔

                                      معاہدہ ۔۔۔۔ عہد، وعدہ۔                                مدت ۔۔۔۔ عرصہ۔

                                    قابو ہونا ۔۔۔۔ گرفت رکھنا، سنبھالنا۔           بس میں نہ ہونا ۔۔۔۔ قابو میں نہ ہونا۔

                                      بالکل ۔۔۔۔ قطعی طور پر، بجا طور پر۔                  مجبور  ۔۔۔۔ بےبس، لاچار۔

                                   حق ہونا ۔۔۔۔ حق دار ہونا، مستحق ہونا۔

              ✍ سیاق و سباق: 

                                   تشریح طلب اقتباس درسی سبق " چغل خور " کے درمیان سے اخذ کیا گیا ہے۔ اس کا سیاق و سباق یہ ہے کہ ایک چغل خور کو اس کی چغل خوری جیسی بُری عادت کی وجہ سے اس کے گاؤں کے لوگ اسے کسی ملازمت پر رکھنے کو تیار نہ تھے۔اس نے دوسرے گاؤں جاکر ایک کسان کے ہاں اس شرط پر ملازمت اختیار کرلی کہ وہ صرف روٹی کپڑا لے گا اور چھے ماہ بعد کسان کی صرف ایک چغلی کھائے گا۔ اسے کسان کے ہاں کام کرتے کرتے جب چھے ماہ کا عرصہ گزرا تو اسے اس کی عادت نے مجبور کیا کہ اب اسے کسان کی چغلی کھا لینی چاہیے۔

               ✍   تشریح:

                                لوک داستان کسی معاشرے ، تہدیب اور ثقافت کی ایسی کہانی ہوتی ہے جو سینہ بہ سینہ سفر کرتے ہوئے ایک نسل سے دوسری نسل میں منتقل ہوتی ہے۔ اس کے مصنف کا کوئی پتا نہیں ہوتا۔ اردو کے نامور ادیب شفیع عقیل نے مختلف تہذیب و ثقافت سے تعلق رکھنے والی  لوک داستانوں کے اردو تراجم کرکےبڑی علمی و ادبی اور ثقافتی خدمات سرانجام دیں۔" چغل خور " بھی ایسی ہی لوک داستان ہے جس میں چغل خوری کے نقصان اور اس کے معاشرے پر پڑنے والے گہرے اثرات کو اجاگر کیا گیا ہے۔

                   تشریح طلب اقتباس میں مصنف اس چغل خور کے متعلق بتاتا ہے جو کسان کے ہاں اس شرط پر ملازمت کر رہا تھا کہ اسے چھے ماہ بعد کسان کی چغلی کھانے کی اجازت ہوگی۔ چغل خور کسان کے ہاں کام کرتا رہا اور وقت تیزی سے گزرتا گیا۔یہاں تک کہ چھے ماہ کا عرصہ بھی گزر گیا۔ چغل خور اسی وقت کے انتظار میں تھا۔ اس نے یہ چھے ماہ بڑی مشکل سے گزارے۔ وہ بڑی سختی سے اپنی چغل خوری کی عادت پر قابو پائے ہوئے تھا۔ معاہدے کے مطابق کسان نےخود اسے چھے ماہ بعد چغلی کھانے کی اجازت دے رکھی تھی۔

                   اب معاہدے کا عرصہ مکمل ہوگیا تھا اس لیے چغل خور کےلیے اپنے آپ پر قابو پانا مشکل ہوگیا تھا۔ اس کے دل میں شدت سے یہ خواہش جاگ اٹھی کہ وہ کسان کی چغلی کھائے۔  وہ طویل عرصہ خود پر جبر کرکے اپنی اس بری عادت پر قابو پائے ہوئے تھا۔ اب وہ اپنی عادت کے ہاتھوں بالکل مجبور ہوگیا اور اس سے صبر بھی نہیں ہو رہا تھا۔اس نے مکمل تہیہ کر لیا تھا کہ وہ  اب کسان کی  ضرور اور ہرصورت میں  چغلی کھائے گا کیونکہ  معاہدے کے مطابق چغلی کھانا اصولی طور پر اس کا حق بن چکا ہے۔ جیسا کہ کسی دانا کا قول ہے:

                             ✌" عادت جب پختہ ہو جائے تو مزاج کا حصہ ہی نہیں بلکہ خود مزاج بن جاتی ہے"۔✌

                                                           aufsurani.blogspot.com