سبق: ملمع
پیراگراف نمبر3
اقتباس:
عجیب مصیبت ہے! وہ دل ہی دل میں۔۔۔۔۔۔۔۔۔۔ پھیل پھیل کر بیٹھ جاتی ہیں۔
حوالۂ متن:
سبق کا عنوان: ملمع
مصنفہ کا نام: ہاجرہ مسرور
صنف: افسانہ
ماخذ: سب افسانے میرے
خط کشیدہ الفاظ کے معانی:
عجیب ۔۔۔۔ انوکھی۔ مصیبت ۔۔۔۔ تکلیف، آفت۔
دل ہی دل میں ۔۔۔۔ اپنے من میں۔ کم بخت ۔۔۔۔ بدنصیب۔
آ دھمکنا ۔۔۔۔ وارد ہونا، اچانک نازل ہونا۔ شوشہ ۔۔۔۔ انوکھی بات ، چُٹکلا۔
شوشہ چھوڑنا ۔۔۔۔ انوکھی بات کرنا، بدگمانی پیدا کرنا۔ کل کائنات ۔۔۔۔ تمام سرمایہ۔
اٹیچی کیس ۔۔۔۔ سامان رکھنے کا صندوق۔ ہولڈال ۔۔۔۔ بستر بند جو سفر میں استعمال ہوتا ہے۔
یادگار ۔۔۔۔ علامت، نشانی۔ چرمی ۔۔۔۔ چمڑے کا بنا ہوا۔
میلے کچیلے ۔۔۔۔ گندے، خراب۔ پھیل پھیل کر ۔۔۔۔ کھلے ڈھلے ہوکر۔
✍ سیاق و سباق:
تشریح طلب اقتباس درسی سبق " ملمع " کے ابتدائی حصے سےاخذ کیاگیا ہے۔ اس کا سیاق و سباق یہ ہے کہ ایک لڑکی اپنے بیمار چچا کی عیادت کو جانے کی غرض سے ریلوے سٹیشن پر موجود تھی۔وہاں اس کا سامنا ایک امیرزادے سے ہوا جو قلی کو کہ رہا تھا کہ اگر لڑکی یہاں نہیں بیٹھتی تو اسے زنانہ انٹر کلاس ویٹنگ روم میں لے جاؤ اور ساتھ میں یہ بھی پوچھ لیا کہ ٹکٹ سیکنڈ کا چاہیے یا انٹر کا؟ لڑکے کے اس طرح ٹکٹ کے متعلق پوچھنے پر وہ لڑکی مضطرب ہو کر رہ گئی اور اسی اضطراب میں ٹہلنے لگی۔ وہ اپنی حیثیت کے متعلق سوچنے لگی اور وہ یہ بھی سوچ رہی تھی کہ اپنے چچا کی بیماری کا خط ملنے پر کس حالت میں اکیلی ان کی عیادت کےلیے چل پڑی تھی۔
✍ تشریح:
ہاجرہ مسرور اردو ادب کی نامور مصنفہ اور افسانہ نگار تھیں۔ ان کے افسانوں میں خواتین کے مسائل کے ساتھ ساتھ دیگر معاشرتی مسائل کو بھی اجاگر کیا گیا ہے۔ " ملمع " بھی ان کا تحریر کردہ ایسا افسانہ ہے جس میں وہ معاشرتی رویوں میں پائی جانے والی ملمع کاری، دکھاوے اور نمودونمائش سے پردہ اٹھاتی ہیں۔
تشریح طلب اقتباس میں مصنفہ کہتی ہے کہ اپنے بیمار چچا کی عیادت کو جانے کی غرض سے ریلوے سٹیشن پر موجود لڑکی کا سامنا اس امیر زادے سے ہوا جس نے قلی سے یہ معلوم کرنا چاہا کہ لڑکی ٹکٹ سیکنڈ کلاس کا لے گی یا انٹر کلاس کا۔ اس کی یہ بات سن کر لڑکی اپنے دل ہی دل میں اپنی حیثیت پر غور کرتے ہوئے کُڑھ کر رہ گئی۔وہ خود کلامی کرتے ہوئے کہنے لگی کہ یہ مرد حضرات اپنی اہمیت جتلانے کےلیے کسی نہ کسی موقعے کی تلاش میں رہتے ہیں اور موقع ملتے ہی لڑکیوں کو متاثر کرنے کےلیے اچانک کہیں سے وارد ہوجاتے ہیں۔وہ اپنے آپ کو کوئی چیز ظاہر کرتے ہیں اور خود کے مقابلے میں دوسروں کی حیثیت جاننے کی کوشش کرتے ہیں۔ جب اور کوئی ذریعہ نہیں ملتا تو ٹکٹ کے متعلق پوچھ کر کہ انٹر کلاس کا ٹکٹ لینا ہے یا سیکنڈ کا اپنا مقصد حاصل کرنے کی کوشش کرتے ہیں۔
اب اس لڑکے کو کیا پتا کہ میری اصلیت کیا ہے؟ اس وقت میرے پاس جو کچھ ہے یہی میرا کُل سرمایہ ہے اور اسی کل سرمائے کو میں نے اپنی زندگی گزارنے کا ذریعہ بنایا ہوا ہے۔ ایک قول ہے:
✌ " غریب سے اس کی اصلیت کا پوچھو اور نہ ہی اسے اصلیت کا طعنہ دو کیونکہ وقت کبھی ایک جیسا نہیں رہتا"۔ ✌
میرے اس کل سرمائے میں معمولی ضرورت کے سامان کے ساتھ ساتھ ایک اٹیچی کیس اور ایک سفر کےلیے تیار کردہ بستر بند تھا جو گزرے ہوئے اچھے زمانے کی یاد دلاتا تھا۔ اس کے علاوہ چمڑے کا بنا ہوا بٹوہ تھا جو کہ میری ذاتی ملکیت نہیں تھا بلکہ ایک سہیلی نے تحفے میں دیا تھا۔میں نے جو برقع اوڑھ رکھا تھا وہ سفر پر روانہ ہونے سے پہلے اپنی خالہ سے مانگ لیا تھا۔ یہ برقع ان سے اس لیے مانگا کہ دوران سفر اس سے خواتین پر میری دھاک بیٹھ جائے گی کیونکہ سفر کے دوران میلا کچیلا برقع پہننے والی عورت کو دیکھ کر باقی عورتیں اس کی کوئی قدر و عزت نہیں کرتیں اور گاڑی کی سیٹ پر کھلی ڈھلی ہوکر بیٹھتی ہیں تاکہ گندے برقعے والی کو پاس نہ بیٹھنے دیا جائے۔ بقول شاعر:
؎ مٹتے ہوئے نقوشِ وفا کو ابھاریے
چہروں پر جو سجا ہے ملمع اتاریے
No comments:
Post a Comment