پیراگراف نمبر4 خطوط رشیداحمد صدیقی

                        03065976174          سبق: خطوط رشیداحمدصدیقی            aufsurani.blogspot.com

                                                            پیراگراف نمبر4

                                                                اقتباس:

                                  کچھ دنوں سے ہجوم ۔۔۔۔۔۔۔۔۔۔۔۔۔۔۔۔ ان سے کوئی فرق نہیں پڑتا۔

                                                              حوالۂ متن

                                 سبق کا عنوان:                                خطوط رشیداحمدصدیقی

                                 مصنف کا نام:                                 رشیداحمدصدیقی

                                       صنف:                                   خطوط نگاری

                                 مرتب کردہ:                                  ڈاکٹر سلیمان اطہر جاوید

                                                    خط کشیدہ الفاظ کے معانی:

                         ہجوم ۔۔۔۔۔ بھیڑ، رش۔                                ہم روزہ ۔۔۔۔۔ اسی روز۔

                       تنہائی ۔۔۔۔۔ اکیلاپن۔                                  روز بروز ۔۔۔۔۔ دن بدن۔

                     مطالعہ ۔۔۔۔۔ پڑھائی، مشاہدہ۔                               اشغال ۔۔۔۔۔ شغل کی جمع، مشغلہ، شوق۔  

               شب و روز ۔۔۔۔۔ رات دن۔                               سرد و گرم ۔۔۔۔۔ اچھے برے حالات، زندگی کے تغیرات۔

              تصدیق کرنا ۔۔۔۔۔ تسلیم کرنا، ماننا۔                                فرق ۔۔۔۔۔ امتیاز۔     

                   احوال ۔۔۔۔۔ حال کی جمع صورتحال،حالت،کیفیت۔۔

            تشریح:

                       رشیداحمدصدیقی اردو زبان کے بلندپایہ ادیب ہونے کے ساتھ ساتھ صاحب طرز انشاپرداز تھے۔بنیادی طور پر وہ مزاح نگار تھے۔طنزوظرافت اور سنجیدہ مزاح میں نمایاں مقام رکھتے تھے۔انھوں نے جہاں خوب صورت شخصی مرقعےتحریر کیے وہیں اپنے دوستوں کے نام بےشمار خطوط بھی لکھے ہیں۔

                       تشریح طلب اقتباس اس خط کی ابتدا سے اخذ کیا گیا ہے جو رشیداحمدصدیقی نے پروفیسر سیدبشیرالدین کے نام لکھا۔مصنف، سید بشیرالدین کو باور کراتے ہیں کہ مجھے آپ کے خط کا جواب دینے میں کچھ تاخیر ہوگئی ورنہ میں خط کا جواب اسی روز دیتا ہوں جس دن خط موصول ہوتا ہے۔اس حوالے سے میں کسی کا کچھ بار اپنے اوپر نہیں رکھتا۔مصنف سید صاحب کو مزید لکھتے ہیں کہ اگرچہ ہم دنیا کے رونق میلے میں زندگی گزار تو رہے ہیں لیکن میرا دل اس رونق میلے والی پُر ہجوم زندگی سے اکتا چکا ہے اور بےحد تنہائی محسوس کر رہا ہے۔میں خود کو تنہا محسوس کر رہا ہوں اور تنہائی کا یہ احساس گزرتے دنوں کے ساتھ ساتھ بڑھتا چلا جا رہا ہے۔ بقول شاعر:

                                            ؎        دنیا کی محفلوں سے اکتا گیا ہوں یارب

                                                   کیا لطف انجمن کا جب دل ہی بجھ گیا ہو

                                                                    یا  

             بقول شاعر:                         شورش سے بھاگتا ہوں دل ڈھونڈتا ہے میرا

                                               ایسا    سکوت    جس    پر    تقریر بھی فدا ہو

انسان دنیاوی زندگی کی رنگینی کا سامنا کرتے ہوئے حالات کے تغیرات کا سامنا بھی کرتا ہے۔زندگی کے ان بدلتے حالات میں وہ  کبھی کبھی خوشی محسوس کرتا ہے تو کبھی کبھی ناخوش گواری محسوس کرکے خود کو تنہا بھی محسوس کرنے لگتا ہے۔مصنف اپنی اسی کیفیت کو بیان کرتے ہوئے سیدصاحب کو مزید لکھتا ہے کہ آپ نے اپنے خط میں مطالعہ کرنے اور کتب بینی کے حوالے سے بہت کچھ بتایا۔ اپنے روزمرہ کے مشاغل کے متعلق بھی خط کے ذریعے آگاہ کیا۔اس کے علاوہ علی گڑھ میں گزری اپنی زندگی کے متعلق بھی لکھا اور ساتھ میں الہٰ آباد میں گزرے لمحات کے بارے میں بھی بہت کچھ بتایا۔آپ کی بیان کردہ تمام باتوں کو میں نہ صرف تسلیم کرتا ہوں بلکہ ان سب باتوں کی تصدیق بھی کرتا ہوں کیونکہ ہم عصر ہونے اور ایک ہی طرح کے ماحول میں رہنے کی وجہ سے دنیا کے جن اچھے بُرے حالات کا سامنا آپ کو کرنا پڑا ہے کم و بیش ان ہی حالات کا سامنا مجھے بھی کرنا پڑا ہے۔آپ کے اور میرے چند ایک حالات و واقعات ایک دوسرے سے منفرد ہوں بھی تو اس سے زیادہ فرق اس لیے نہیں پڑتا کہ ہمارے بیشتر حالات  تقریباً ایک ہی جیسے ہیں جو کبھی اچھے بھی ہوجاتے ہیں اور کبھی بُرے بھی مگر ان سردوگرم اور بدلتے حالات کے ساتھ جینا ہی اصل زندگی ہے کیونکہ بقول شاعر:

                                  ؎          خوشی کے ساتھ دنیا میں ہزاروں غم بھی ہوتے ہیں

                                            جہاں    بجتی    ہے شہنائی    وہاں   ماتم بھی ہوتے ہیں