پیراگراف نمبر13 مجھے میرے دوستوں سے بچاؤ

                                             سبق:    مجھےمیرے دوستوں سے بچاؤ

                            پیراگراف نمبر13

                                                         ✍        اقتباس:

                             شاکر صاحب موضع سلیم پور کے رئیس۔۔۔۔۔۔۔۔۔ امرا کے شایان شان ہے۔

                                                         ✍     حوالۂ متن:

                                           سبق کا عنوان:                     مجھے میرے دوستوں سے بچاؤ

                                           مصنف کا نام:                          سجاد حیدر یلدرم

                                                  صنف:                                افسانہ

                                                    ماخذ:                              خیالستان

                                                 ✍    خط کشیدہ الفاظ کے معانی:

                     رئیس ۔۔۔۔ سردار، جاگیردار۔                                        نہایت ۔۔۔۔ بہت زیادہ۔

                    معزز ۔۔۔۔ قابلِ احترام، عزت دار۔                                 لیاقت ۔۔۔۔ قابلیت۔

                   لٹریچر ۔۔۔۔ علم و ادب۔                                               لٹریری ۔۔۔۔ ادبی۔

                 تعارف ۔۔۔۔ جان پہچان، واقفیت۔                                      اہل علم ۔۔۔۔ علم رکھنے والے۔

              قدر کرنا ۔۔۔۔ عزت واحترام کرنا۔                                           امراء ۔۔۔۔ امیر کی جمع، دولت مند، مال دار۔

           شایانِ شان ۔۔۔۔ عزت و مرتبے کے مطابق، شان و شوکت کے لائق۔       اصرار ۔۔۔۔ زور دینا، ضد کرنا۔

          ✍  سیاق و سباق:

                                تشریح طلب اقتباس درسی سبق " مجھے میرے دوستوں سے بچاؤ کے درمیان سے اخذ کیا گیا ہے۔ اس کا سیاق و سباق یہ ہے کہ مصنف اپنے مختلف دوستوں کے احوال بیان کرنے کے دوران اپنے مقدمے باز دوست کے متعلق کہتا ہے کہ اس کے پاس اپنی ریاست کے جھگڑوں اور فریقِ مخالف پر مقدمے کرنے اور جج کی تعریف یا مذمت کے علاوہ اور کوئی کام نہیں تھا۔اپنے ایک اور دوست  شاکر خان کے متعلق مصنف کہتا ہے کہ وہ ایک بار مجھے یہ کہ کر اپنے ہاں سلیم پور لے گیا کہ شہر میں شوروشغب رہتا ہے،تم وہاں دیہات میں اچھے طریقے سے مضمون نگاری کرسکو گے۔

           ✍     تشریح:   

                               سجاد حیدر یلدرم اردو ادب کے نامور مصنف اور افسانہ نگار تھے۔ان کے افسانوں میں رومانیت کا رنگ غالب ہوتا ہے اور یہ انشائے لطیف کا بھی عمدہ نمونہ ہیں۔ ایسا ہی ان کا افسانہ "مجھے میرے دوستوں سے بچاؤ" ہے جس میں وہ اپنے مخلص دوستوں سے عاجز نظر آتے ہیں اور انھیں ہر صورت چھوڑ دینے کے درپے ہیں۔

                           تشریح طلب اقتباس میں مصنف اپنے دوست شاکر خان کا خصوصیت کے ساتھ ذکرکرتے ہوئے کہتا ہے کہ میرے دوست شاکر خان صاحب موضع سلیم پور کے ایک دولت مند اور انتہائی باعزت اور قابلِ قدر گھرانے سے تعلق رکھتے ہیں اور خود بھی انتہائی عزت و وقار کی نگاہ سے دیکھے جاتے ہیں۔ ان کی خاص بات یہ ہے کہ وہ اپنے شوق اور اپنی قابلیت کے مطابق علم و ادب  اور ادبی لوگوں میں بڑا گہرا شغف رکھتے ہیں۔ وہ ادبی کتابیں تو اتنی نہیں پڑھتے جتنا انھیں ادبی لوگوں سے ملنےاور ان سے اپنی واقفیت اور جان پہچان بڑھانے کا شوق ہے۔ جیسا کہ قول ہے: 

                                            ✌ " آدمی اپنی صحبت سے ہی پہچانا جاتا ہے "۔ ✌

 اس لیے ادبی لوگوں سے میل ملاپ رکھنا ،ان سے متعارف ہونا ، ان کے متعلق جان کاری حاصل کرکے اور ان سے تعلقات بڑھا کر اپنی زیادہ سے زیادہ واقفیت بڑھانا ان کی گھٹی میں شامل ہے۔وہ اکثر اپنے اس خیال کا اظہار بھی کرتے رہتے ہیں کہ صاحبِ علم اور علم و ادب سے وابستہ لوگوں کی قدر کرنے اور انھیں عزت بخشنے سے ہماری بھی عزت اور قدرومنزلت میں اضافہ ہوتا ہے۔ جیسا کہ ایک قول ہے:

                       ✌" علم سے محبت ادب والوں کو ہوتی ہےجبکہ دولت سے محبت قارون کی نشانی ہے"۔✌

پیراگراف نمبر12 مجھے میرے دوستوں سے بچاؤ

 

                                                        aufsurani.blogspot.com

                                                    سبق:    مجھے میرے دوستوں سے بچاؤ

                          پیراگراف نمبر12

                                                           ✍     اقتباس:

                                اسی طرح میرے مقدمے باز دوست۔۔۔۔۔۔۔۔۔خاص عنایت فرماتے ہیں۔

                                                          ✍   حوالۂ متن:

                                             سبق کا عنوان:                       مجھے میرے دوستوں سے بچاؤ

                                             مصنف کا نام:                              سجاد حیدر یلدرم

                                                   صنف:                                       افسانہ 

                                                     ماخذ:                                    خیالستان

                                                        ✍  خط کشیدہ الفاظ کے معانی:

                         مقدمے باز ۔۔۔۔ مقدمے کرنے والا، پرچے کرانے والا۔                ریاست ۔۔۔۔ جائیداد، زمینی ملکیت۔

                        فریقِ مخالف ۔۔۔۔ مدمقابل آنے والا۔                                     تعریف ۔۔۔۔ ستائش۔  

                             مضمون ۔۔۔۔ عنوان ، موضوع۔                                         مذمت ۔۔۔۔ مخالفت، تائید نہ کرنا۔

                          من جملہ ۔۔۔۔ مکمل ، تمام۔                                               عنایت ۔۔۔۔ شفقت ، مہربانی۔

             ✍     سیاق و سباق: 

                                        تشریح طلب اقتباس درسی سبق " مجھے میرے دوستوں سے بچاؤ " کے درمیان سے اخذ کیا گیا ہے۔ اس کا سیاق و سباق یہ ہے کہ مصنف اپنے دوستوں سے عاجز نظر آتا ہے اور انھیں چھوڑ دیناچاہتا ہے۔ اس حوالے سے وہ اپنے مختلف دوستوں کی کارستانی بیان کرتا ہے۔اپنے دوست محمد تحسین کے حوالے سے بیان کرتا ہے کہ وہ جس کسی سے ملتے ہیں اس سے اپنے گھر والوں کی بیماری کا ذکر کرتے رہتے ہیں پھر مقدے باز دوست کا احوال بیان کرنے کے ساتھ ساتھ شاکر خان کے متعلق کہتا ہے کہ وہ موضع سلیم پور کے رئیس اور نہایت معزز آدمی ہیں اور وہ اہلِ علم کی قدر کرنا امرا کی شایان شان سمجھتے ہیں۔

                ✍  تشریح:

                                          سجاد حیدر یلدرم اردو ادب کے نامور مصنف اور افسانہ نگار تھے۔ان کے افسانوں میں رومانیت کا رنگ غالب ہوتا ہے اور یہ انشائے لطیف کا بھی عمدہ نمونہ ہیں۔ ایسا ہی ان کا افسانہ "مجھے میرے دوستوں سے بچاؤ" ہے جس میں وہ اپنے مخلص دوستوں سے عاجز نظر آتے ہیں اور انھیں ہر صورت چھوڑ دینے کے درپے ہیں۔

                           تشریح طلب اقتباس میں مصنف اپنے ایک مقدمے باز دوست کے متعلق بیان کرتے ہوئے کہتا ہے کہ میرے اس دوست کو اپنے مخالفین پر مقدمے کرنے کے علاوہ اور کوئی کام نہیں۔انسانی زندگی میں تنازعات اور جائیداد کے حوالے سے جھگڑے وغیرہ ہوتے رہتے ہیں جنھیں باہم مل جل کر بہتر طریقے سے حل کرنا ہی بڑی اہمیت رکھتا ہے اور انھیں باہمی رضامندی سے سلجھا کر ختم کرنا ہی عقل مندی ہے۔ جیساکہ حدیث مبارکہ ہے:

 ✌" میں ضامن ہوں اس شخص کو وسط جنت میں گھر دلانے کا جس نے حق پر ہونے کے باوجود جھگڑا چھوڑ دیا"۔ (سنن ابوداؤد،حدیث نمبر1396)۔✌

لیکن میرا مقدمے باز دوست اپنی جائیداد کے تنازعات کو پُرامن طریقے سے حل کرنے کی بجائے وہ اپنے فریق کے خلاف مقدمے کرنے اور ان کی برائیاں کرنے میں مصروف رہتا ہے۔ جائیداد کے تنازع پر اسے اپنے مقدمات اور عدالتی معاملات کے علاوہ اور کسی چیز کی فکر نہیں ہوتی۔ فریقِ ثانی کو مقدمات میں گھسیٹتے ہوئے اگر میرا دوست مقدمہ جیت جاتا تو جج صاحب کی تعریف و ستائش میں زمین و آسمان کے قلابےملا دیتا اور مقدمہ ہار جانے کی صورت میں جج صاحب کی عیب جوئی شروع کر دیتا اور اس کے فیصلے کی مذمت اور مخالفت کرتے رہنے کے علاوہ اور کسی موضوع پر کوئی گفتگو کرتا ہی نہیں تھا۔ جیسا کہ کہاوت ہے

                                                  ✌"  میٹھا ہپ ہپ اور کڑوا تھو تھو "۔✌

        مصنف کہتا ہے کہ مختلف کردار اور سوچ کے حامل میرے اور بھی بہت سے دوست احباب ہیں لیکن ان سب سے زیادہ قابلِ ذکر دوست محمد شاکر خان صاحب ہیں اس لیے میں ان کا ذکر خاص طور پر کرنا چاہوں گا کیونکہ وہ میرے بہترین دوست ہیں۔ مجھ سے ہمیشہ شفقت اور مہربانی سے پیش آتے ہیں اور مجھ سے والہانہ لگاؤ بھی رکھتے ہیں۔ بقول ناصر کاظمی:

                                                   ؎          وہ کوئی دوست تھا اچھے دنوں کا

                                                            جو پچھلی رات سے یاد آ رہا ہے

                                                      

پیراگراف نمبر11 مجھےمیرے دوستوں سے بچاؤ

 

                                                        سبق:    مجھے میرے دوستوں سے بچاؤ

                                   پیراگراف نمبر11

                                                              ✍      اقتباس:

                                         ہاں بڑا خراب موسم ہے ۔۔۔۔۔۔۔۔۔ اتنی فرصت کہاں کہ اخبار پڑھوں۔

                                                              ✍  حوالۂ متن:

                                             سبق کا عنوان:                           مجھے میرے دوستوں سے بچاؤ

                                             مصنف کا نام:                                  سجاد حیدر یلدرم

                                                     صنف:                                         افسانہ

                                                       ماخذ:                                       خیالستان

                                                          ✍   خط کشیدہ الفاظ کے معانی:

                                       منجھلی ۔۔۔۔ درمیانی، بیچ والی۔                         مبتلا ہونا ۔۔۔۔ ملوث ہونا، پڑنا۔

                                    پالیٹکس ۔۔۔۔ سیاست۔                                    لٹریچر ۔۔۔۔ علم و ادب۔

                                       گفتگو ۔۔۔۔ بات چیت۔                               معذرت ۔۔۔۔ عذر ، بہانہ، معافی۔

                                    فرصت ۔۔۔۔ فراغت۔

                ✍  سیاق و سباق: 

                                      تشریح طلب اقتباس درسی سبق" مجھے میرے دوستوں سے بچاؤ " کے درمیان سے اخذ کیا گیا ہے۔ اس کا سیاق و سباق یہ ہے کہ مصنف اپنے دوسرے دوست محمد تحسین کے متعلق بتاتا ہے کہ وہ تیسرے پہر مجھ سے ملنے آتے ہیں جب میں تھکا ہوتا ہوں۔ان کے پاس اپنی بیوی بچوں کی بیماری کے علاوہ اور مضمون نہیں ہوتا۔انھیں ہروقت اپنے بیوی بچوں کی طبیعت کی ہی فکر رہتی ہے۔

                    ✍  تشریح:    

                                      سجاد حیدر یلدرم اردو ادب کے نامور مصنف اور افسانہ نگار تھے۔ان کے افسانوں میں رومانیت کا رنگ غالب ہوتا ہے اور یہ انشائے لطیف کا بھی عمدہ نمونہ ہیں۔ ایسا ہی ان کا افسانہ "مجھے میرے دوستوں سے بچاؤ" ہے جس میں وہ اپنے مخلص دوستوں سے عاجز نظر آتے ہیں اور انھیں ہر صورت چھوڑ دینے کے درپے ہیں۔

                         تشریح طلب اقتباس میں مصنف اپنے دوسرے دوست محمد تحسین کے متعلق آگاہ کرتے ہوئے کہتا ہے کہ ان کے ساتھ جب بھی بات کی جائے تو ان کی گفتگو کا محور اپنی بیوی بچوں کی بیماری ہوتا ہے۔ ان کے پاس اس کے علاوہ اور کوئی مضمون ہوتا ہی نہیں۔اگر ان سے موسم کے بارے میں بات کی جائے تو وہ تسلیم کرتے ہوئے کہتے ہیں کہ واقعی موسم بہت خراب ہوچکا ہے اور اسی خرابیٔ موسم کی وجہ سے میرے چھوٹے بچے کو بخار ہوگیا اور میری بڑی اور چھوٹی کے درمیان والی لڑکی کو کھانسی ہوگئی ہے۔ بیوی بچوں کی بیماری اور اس کا وہم اس قدر ان کے سرپر سوار رہتا کہ گفتگو کا موضوع جس قدر بھی تبدیل کرنے کی کوشش کی جاتی مگر وہ بیوی بچوں کی بیماری کا ہی وہم اور فکر لیے ہوتے تھے۔ جیسا کہ قول ہے:

                    ✌ "بےجا فکرمندی انسان کو وہمی بنا دیتی ہے اور  وہم کا علاج تو حکیم لقمان کے پاس بھی نہیں تھا"۔  ✌

                        مصنف کہتا ہے کہ اگر میں محمد تحسین سے سیاست یا علم و ادب کے حوالے سے کچھ بات کرنے کی کوشش کرتا تو وہ  اس پر کوئی بات کرنے سے انکار کرتے ہوئے عذر پیش کرتے کہ میرے گھر میں سب بیمار پڑے ہوئے ہیں اور مجھے ان کی فکر اور ان کی دیکھ بھال سے اتنی فرصت ہی نہیں ملتی کہ سیاسی اور ادبی خبروں کےلیے اخبار پڑھ سکوں۔اس لیے میں ان موضوعات پر کوئی بات کرنے سے قاصر ہوں.

                                                  

پیراگراف نمبر10 مجھے میرے دوستوں سے بچاؤ

 

سبق:مجھے میرے دوستوں سے بچاؤ

پیراگراف نمبر10

اقتباس:

یہ کہ کے وہ نہایت مصافحہ کرتے ہیں۔۔۔۔۔۔۔۔ اگرچہ کلیجے پر پتھر رکھنا پڑے۔

حوالۂ متن:

سبق کا عنوان: مجھے میرے دوستوں سے بچاؤ

مصنف کانام: سجاد حیدر یلدرم

صنف: مضمون

ماخذ: خیالستان

خط کشیدہ الفاظ کے معانی:

مصافحہ ۔۔۔۔ ہاتھ ملا کر سلام کرنا۔

جوش ۔۔۔۔ جذبہ۔

اس قدر ۔۔۔۔ اتنا۔

علاحدہ ۔۔۔۔ الگ، جدا

کُل خیالات ۔۔۔۔ مکمل تصورات، تمام سوچیں۔

کلیجے پر پتھر رکھنا ۔۔۔۔ مشکل سے گزرنا، خود پر جبر کرنا۔

سیاق و سباق:

        تشریح طلب اقتباس درسی سبق " مجھے میرے دوستوں سے بچاؤ " کے درمیان سے اخذ کیا گیا ہے۔ اس کا سیاق و سباق یہ ہے کہ مصنف اپنے دوست احمد مرزا کے متعلق بیان کرتا ہے کہ وہ مجھ سے ایک منٹ کےلیے ملنے آتا ہے مگر بھونچال مچا کر آتا ہے اور کہتا ہے کہ میں صرف تمھاری خیریت معلوم کرنے آیا تھا اس لیے بیٹھوں گا بالکل نہیں۔ اسی طرح میرے دوسرے دوست محمد تحسین ہیں یہ بال بچوں والے صاحب ہیں اور دن رات بچوں کی بیماری کی فکر میں رہتے ہیں۔

تشریح: 

            سجاد حیدر یلدرم اردو ادب کے نامور مصنف اور افسانہ نگار تھے۔ان کے افسانوں میں رومانیت کا رنگ غالب ہوتا ہے اور یہ انشائے لطیف کا بھی عمدہ نمونہ ہیں۔ ایسا ہی ان کا افسانہ "مجھے میرے دوستوں سے بچاؤ" ہے جس میں وہ اپنے مخلص دوستوں سے عاجز نظر آتے ہیں اور انھیں ہر صورت چھوڑ دینے کے درپے ہیں۔

           تشریح طلب اقتباس میں مصنف اپنے دوست احمد مرزا کے متعلق بیان کرتا ہے کہ وہ ایک منٹ کےلیے آتا ہے اور کہتا ہے کہ میں صرف تمھاری خیریت معلوم کرنے آیا تھا اس لیے بیٹھوں گا ہرگز نہیں۔ یہ بات کہنے کے بعد وہ رخصت طلب کرتے ہوئے بڑی چاہت اور اپنائیت بھرے انداز میں مجھے ہاتھ ملا کر سلام کرتا ہے اور بڑی شدت سے میرے ہاتھ کو دبا دیتا ہے جس سے میرے ہاتھ کی انگلیوں میں شدید درد ہونے لگتا ہے اور میرے لیے لکھنے کی غرض سے قلم پکڑنا بھی مشکل ہوجاتا ہے۔اس کی طرف سے دی گئی یہ تکلیف تو الگ رہی، اس کے آنے سے لکھنے کے دوران میری ساری یکسوئی ختم ہوکر رہ جاتی ہے اور میرے تمام تر تصورات اور خیالات بھی ختم ہو جاتے ہیں جو میں نے لکھنے کےلیے یکجا کر رکھے تھے۔ وہ تمام تر خیالات دوبارہ جتنا بھی یک سوئی کے ساتھ جمع کرنے کی کوشش کروں مگر وہ دوبارہ اس رنگ میں واپس نہیں آتے جیسے پہلے میرے ذہن میں جمع تھے۔

                    اب آپ غور کریں کہ میرا دوست میرے کمرے میں ایک منٹ سے زیادہ دیر نہیں رکا مگر میرے لکھنے کے کام میں وہ خلل آگیا کہ اب وہ کئی گھنٹے بھی میرے پاس بیٹھا رہتا تو اس سے بڑھ کر میرا مزید کوئی نقصان نہیں ہوسکتا تھا۔مجھے اس بات کا تھوڑا سا بھی انکار نہیں کہ احمد مرزا میرا پرانا دوست ہے اور وہ مجھ سے بہت محبت بھی کرتا ہے۔ وہ مجھے اپنے بھائیوں کی طرح چاہتا ہے۔ کیا ایسے دوست چھوڑنے کے قابل ہوسکتے ہیں؟ مگر میں اسے ضرور چھوڑ دوں گا چاہے اس کو چھوڑنے میں مجھے خود پر کتنا ہی جبر کرنا پڑے اور مجھے کتنا ہی صدمہ اٹھانا پڑے، میں اسے چھوڑ دوں گا کیونکہ مجھے اس دوستی سے فائدے کی بجائے نقصان زیادہ پہنچتا ہے۔ بقول شاعر:

    تیرے   قریب   آ کے   بڑی   الجھنوں   میں    ہوں

    میں دشمنوں میں ہوں کہ اپنے دوستوں میں ہوں

            

پیراگراف نمبر9 مجھے میرے دوستوں سے بچاؤ

 

سبق: مجھے میرے دوستوں سے بچاؤ

پیراگراف نمبر9

اقتباس :

آخر تمھیں میں نے پکڑ لیا ۔۔۔۔۔۔۔۔ تمھاری خیریت دریافت کرنی تھی۔

حوالۂ متن: 

سبق کا عنوان: مجھے میرے دوستوں سے بچاؤ

مصنف کا نام: سجاد حیدر یلدرم

صنف: مضمون

ماخذ: خیالستان

خط کشیدہ الفاظ کے معانی:

حرج ۔۔۔۔ نقصان۔

طبیعت ۔۔۔۔ مزاج، حالت۔

واللہ ۔۔۔۔ اللہ کی قسم۔

مضمون نگار ۔۔۔۔ مضمون لکھنے والا۔

لقب ۔۔۔۔ صفاتی نام۔

خیریت ۔۔۔۔ سلامتی، بہتری۔

دریافت کرنا ۔۔۔۔ پوچھنا۔

خداحافظ ۔۔۔۔ اللہ نگہبان۔

سیاق و سباق: 

تشریح طلب اقتباس درسی سبق " مجھے میرے دوستوں سے بچاؤ " کے درمیان سے اخذ کیا گیا ہے۔ اس کا سیاق و سباق یہ ہے کہ مصنف کہتا ہے کہ میرا دوست احمد مرزا جب مجھ سے ملنے آتا ہے تو اودھم مچا کر آتا ہے۔ دروازہ اس زور سے کھولتا ہے جیسے آندھی آگئی ہو۔ جب جانے لگتا ہے تو مصافحہ کرتے وقت اس قدر زور سے میرے ہاتھ دباتا ہے کہ پھر وہ ہاتھ لکھنے کےلیے قلم بھی نہیں پکڑ سکتا۔

تشریح:

  سجاد حیدر یلدرم اردو ادب کے نامور مصنف اور افسانہ نگار تھے۔ان کے افسانوں میں رومانیت کا رنگ غالب ہوتا ہے اور یہ انشائے لطیف کا بھی عمدہ نمونہ ہیں۔ ایسا ہی ان کا افسانہ "مجھے میرے دوستوں سے بچاؤ" ہے جس میں وہ اپنے مخلص دوستوں سے عاجز نظر آتے ہیں اور انھیں ہر صورت چھوڑ دینے کے درپے ہیں۔

         تشریح طلب اقتباس میں مصنف اپنے شوخ مزاج دوست احمد مرزا کے بارے میں بتاتا ہے کہ وہ جب بھی مجھ سے ملنے کےلیے آتا ہے تو کمرے میں آندھی کی طرح آتا ہے اور نہایت پُر مسرت لہجے میں شور مچاتا ہے کہ میں نے بالآخر تمھیں تلاش کر ہی لیا ہے۔ اس دوران میں مضمون لکھ رہا ہوتا ہوں تو کہتا ہے کہ میری وجہ سے اپنا لکھنے کا کام مت بند کرنا بلکہ اپنا لکھنا جاری رکھو کیونکہ میں تمھارے لکھنے میں خلل ڈال کر تمھارا نقصان کرنے نہیں آیا۔ تم ہر وقت لکھتے ہی رہتے ہو اور اس قدر لکھتے ہو کہ اللہ ہی پناہ دے۔ تم لکھنے سے تو تھکتے بھی نہیں ہو۔

مصنف کہتا ہے کہ یہ سب کہنے کے بعد وہ میری خیریت پوچھتا ہے اور کہتا ہے کہ میری آمد کا مقصد ہی تمھاری طبیعت اور تمھاری خیریت کے بارے میں آگاہی چاہنا تھا۔ وہ اللہ تعالیٰ کی قسم کھا کر مجھ سے اپنی دوستی پر ناز کرتا ہے اور کہتا ہےکہ میں اس پر خوشی محسوس کرنے کے ساتھ ساتھ نازاں بھی ہوں کہ میرے دوستوں میں تم واحد ایسے دوست ہو جسے لوگ مضمون نگار کےطور پر جانتے ہیں۔ خوشی ہے کہ مجھے تم جیسا ادبی دوست ملا ہے۔ یہ سب کچھ کہنے کے بعد وہ فوراً جانے کو تیار ہو جاتا ہے اور کہتا ہے کہ میں یہاں بالکل بھی نہیں رکوں گا۔بس ایک منٹ کےلیے آیا تھا اور تمھاری خیریت معلوم کرنا مقصود تھا۔اس لیے اب چلتا ہوں۔ اللہ تمھارا حامی و ناصر ہو۔

بقول شاعر: 

   ہوئے تم دوست جس کے

دشمن اس کا آسماں کیوں ہو

یا

دشمنوں کی جفا کا خوف نہیں

دوستوں کی وفا سے ڈرتے ہیں

پیراگراف نمبر8 مجھے میرے دوستوں سے بچاؤ

 

                                            سبق:    مجھے میرے دوستوں سے بچاؤ

                        پیراگراف نمبر8

                                                    ✍    اقتباس : 

                             میرے دوست احمد مرزا ہیں ۔۔۔۔۔۔۔ بھونچال کے آنے سے کم نہیں ہے۔

                                                   ✍   حوالۂ متن:

                                       سبق کا عنوان:                    مجھے میرے دوستوں سے بچاؤ

                                       مصنف کا نام:                            سجاد حیدر یلدرم

                                             صنف :                                مضمون

                                               ماخذ:                                  خیالستان

                                                 ✍   خط کشیدہ الفاظ کے معانی:

               بھڑ بھڑیا ۔۔۔۔ باتونی، بےدھڑک بولنے والا۔                        نہایت ۔۔۔۔ بہت زیادہ۔

                 معقول ۔۔۔۔ مناسب، بہتر ۔                                        پرانی ۔۔۔۔ قدیم۔

              بےتکلفی ۔۔۔۔ بےباکی، آزاد مزاجی۔                                 خلقت ۔۔۔۔ فطرت، جبلت۔

          نچلا نہ بیٹھنا ۔۔۔۔ آرام سے نہ بیٹھنا۔                                الٹ پلٹ ۔۔۔۔ بے ترتیبی۔

              بھونچال ۔۔۔۔ زلزلہ،ہل چل۔

          ✍    سیاق و سباق: 

                                  تشریح طلب اقتباس درسی سبق  " مجھے میرے دوستوں سے بچاؤ" کے درمیان سے اخذ کیا گیا ہے۔ اس کا سیاق و سباق یہ ہے کہ مصنف دوستوں سے بیزاری اور اکتاہٹ ظاہر کرتے ہوئے کہتا ہے کہ میرے دوست اگرچہ اچھے ہیں اور مجھے فائدہ پہنچانے کی غرض سے میرے پاس آتے ہیں مگر مجھے ان سے فائدہ ملنے کی بجائے نقصان ملتا ہے۔اس لیے مجھے اگر باتوں میں عمر نہیں گزارنی اور کچھ کام کرنا ہےتو ان دوستوں کو ہر صورت چھوڑنا پڑے گا۔ چاہے مجھے کتنا ہی صدمہ ہو۔ میرا دوست احمد مرزا بھی ایسا ہی ہے جو آتا تو کچھ منٹ کےلیے ہے مگر میرے لکھنے کے دوران اس کی وجہ سے میرے سارے خیالات غائب ہو جاتے ہیں۔

               ✍     تشریح:

                                 سجاد حیدر یلدرم اردو ادب کے نامور مصنف اور افسانہ نگار تھے۔ان کے افسانوں میں رومانیت کا رنگ غالب ہوتا ہے اور یہ انشائے لطیف کا بھی عمدہ نمونہ ہیں۔ ایسا ہی ان کا افسانہ "مجھے میرے دوستوں سے بچاؤ" ہے جس میں وہ اپنے مخلص دوستوں سے عاجز نظر آتے ہیں اور انھیں ہر صورت چھوڑ دینے کے درپے ہیں۔

                    تشریح طلب اقتباس میں مصنف دوستوں سے بیزاری ظاہر کرتے ہوئے اور اپنے ایک دوست کا واقعہ بیان کرتے ہوئے کہتا ہے کہ احمد مرزا میرا اچھا دوست ہے۔ وہ بہت زیادہ باتونی ہے اور جو منھ میں آتا ہےکہ دیتا ہےاس لیے میں اسے بھڑ بھڑیا دوست کہتا ہوں۔ وہ آدمی بھی ایسا نہیں کہ اس سے نفرت کی جائے کیونکہ وہ انتہائی سمجھ دار، مناسب طبع ہونے کے ساتھ ساتھ شوخ مزاج بھی ہے۔ میری اس سے دوستی کافی پرانی ہے اور ہم ایک دوسرے کے ساتھ کسی قسم کا فرق روا نہیں رکھتے۔وہ آزاد طبیعت کا ہے اور جب بھی مجھ سے ملنے آتا ہے تو کبھی بھی آرام سے نہیں بیٹھتا اور نہ ہی آرام و سکون سے بیٹھنا اس کی فطرت میں ہے۔

                مصنف کہتا ہے کہ احمد مرزا جب بھی مجھ سے ملنے میرے گھرآتا ہے تو خوب شور و غل  مچاتے اور ہنگامہ کرتےہوئے آتا ہے اور اپنی شوخ مزاجی کی وجہ سے کمرے میں پڑے ہوئےسازوسامان کو بھی ادھر ادھر کر دیتا ہے۔ اس کے آتے ہی میرے کمرے میں پڑا سب کچھ بےہنگم اور بےترتیب  ہوجاتا ہے بلکہ اس کے آنے سے یوں لگتا ہے جیسے کوئی زلزلہ آگیا ہو یا کوئی اچانک ہل چل مچ گئی ہو۔ایسالگتا ہے جیسے میرا دوست نہیں آیا بلکہ اچانک قیامت در آئی ہو۔ بقول شاعر:

                                              ؎   دشمنوں کی    جفا   کا خوف نہیں 

                                                دوستوں کی وفا سے ڈرتے ہیں

پیراگراف نمبر7 مجھے میرے دوستوں سے بچاؤ

 

سبق: مجھے میرے دوستوں سے بچاؤ

پیراگراف نمبر7

اقتباس: 

چاہے مجھ پر نفرین کی جائے۔۔۔۔۔۔۔۔ میرے دل پر کیسا ہی صدمہ ہو۔

حوالۂ متن:

سبق کا عنوان: مجھے میرے دوستوں سے بچاؤ

مصنف کا نام: سجاد حیدر یلدرم

صنف: مضمون

ماخذ: خیالستان

خط کشیدہ الفاظ کے معانی:

نفرین ۔۔۔۔ کوسنا، برابھلا کہنا۔

احباب ۔۔۔۔ حبیب کی جمع، دوست۔

جمِ غفیر۔۔۔۔ ہجوم، بھیڑ۔

شناسائی ۔۔۔۔ واقفیت ، جان پہچان۔

وسیع ۔۔۔۔ پھیلا ہوا۔

بعض ۔۔۔۔ کچھ، چند۔

عزیز ۔۔۔۔ پیارے۔

صدمہ ۔۔۔۔ دکھ، غم۔

سیاق و سباق:

     تشریح طلب اقتباس درسی سبق " مجھے میرے دوستوں سے بچاؤ " کے درمیان سے اخذ کیا گیا ہے۔ اس کا سیاق و سباق یہ ہے کہ مصنف اپنے دوستوں سے بیزاری ظاہر کرتے ہوئے کہتا ہے کہ اگرچہ میرے دوست میرے خیرخواہ بن کر مجھے خوش کرنے کےلیے آتے ہیں اور مجھے فائدہ پہنچانا چاہتے ہیں مگر مجھے ان سے فائدہ ملنے کی بجائے نقصان پہنچ جاتا ہے۔ اس لیے میں اپنے دوستوں کو چھوڑ دوں گا۔ایسے دوستوں میں میرا ایک دوست احمد مرزا ہے جو جب بھی آتا ہے بھونچال مچا کر آتا ہے۔

تشریح: 

          سجاد حیدر یلدرم اردو ادب کے نامور مصنف اور افسانہ نگار تھے۔ان کے افسانوں میں رومانیت کا رنگ غالب ہوتا ہے اور یہ انشائے لطیف کا بھی عمدہ نمونہ ہیں۔ ایسا ہی ان کا افسانہ "مجھے میرے دوستوں سے بچاؤ" ہے جس میں وہ اپنے مخلص دوستوں سے عاجز نظر آتے ہیں اور انھیں ہر صورت چھوڑ دینے کے درپے ہیں۔

      تشریح طلب اقتباس میں مصنف اپنے دوستوں سے بیزاری ظاہر کرتے ہوئے کہتا ہے کہ لوگ چاہے مجھے برا بھلا کہیں اور میری بات کا حقارت سے انکار کریں اور اسے بالکل تسلیم نہ کریں پھر بھی میں اپنی بات اور اپنا مدعا  ضرور بیان کروں گا کہ میرے نزدیک  زیادہ دوست رکھنے کا کوئی فائدہ نہیں ہے۔ آج تک کوئی میرے سامنے میرے اس مؤقف کو غلط بھی ثابت نہیں کرسکا۔ کوئی شخص میرے سامنے  یہ بات ثابت نہیں کر سکا کہ بہت زیادہ دوست احباب بنانے اور اپنی واقفیت اور جان پہچان کے سلسلے کو زیادہ سے زیادہ لوگوں تک بڑھانے میں کوئی فائدہ ہے۔

              مصنف کہتا ہے کہ میرے نزدیک دوستی اور شناسائی کو زیادہ وسعت دینے کا کوئی فائدہ نہیں بلکہ یہ الٹا نقصان دہ ثابت ہوتا ہے کیونکہ ان دوستوں کی وجہ سے انسان اپنی عملی زندگی میں صرف دوستوں سے باتیں کرنے اور گپ شپ کرنے تک محدود رہ جاتا ہے۔ اس لیے میں یہ بات باور کراتا ہوں کہ اگر آپ دنیا میں اپنے لیے کچھ عملی اقدامات اٹھانا چاہتے ہیں اور اپنی زندگی کو بامقصد بنانا چاہتے ہیں اور چاہتے ہیں کہ آپ کی زندگی محض دوستوں سے باتیں کرنے اور دوستوں میں رہ کر وقت ضائع کرنے میں نہ گزرے تو آپ کو اپنے کچھ عزیز ترین دوستوں کو ہر صورت چھوڑنا پڑے گا کیونکہ اس کے بغیر عملی اور بامقصد زندگی گزارنا محض ایک خواب رہے گا۔اس لیے میں بھی اپنے ایسے پیارے اور عزیز دوستوں کو چھوڑ دوں گا جن کی وجہ سے میری زندگی بامقصد ہونے کی بجائے باتوں میں گزرے۔ ان دوستوں کو چھوڑنے پر مجھے جس قدر بھی دکھ اور صدمہ ہوگا میں اسے برداشت کر لوں گا مگر ان کو ضرور چھوڑ دوں گا کیونکہ ایسی دوستی میرے نزدیک عملی زندگی میں بےفائدہ ثابت ہوتی ہے۔ بقول شاعر: 

   دشمنوں کی جفا کا خوف نہیں 

    دوستوں کی وفا سے ڈرتے ہیں