03065976174 سبق: استنبول aufsurani.blogspot.com
پیراگراف نمبر11
اقتباس:
فن خطاطی کے مظہر کی ۔۔۔۔۔۔۔۔۔۔ توپ کاپی میں موجود ہے۔
حوالۂ متن:
سبق کا عنوان: استنبول
مصنف کا نام: حکیم محمدسعید
صنف: سفرنامہ
ماخذ: سعیدسیاح ترکی میں
خط کشیدہ الفاظ کے معانی:
فن خطاطی ۔۔۔۔۔ خوش نویسی کا ہنر۔ مظہر ۔۔۔۔۔ ظاہر ہونے کی جگہ۔
حیثیت ۔۔۔۔۔ مقام و مرتبہ، اوقات۔ ہنرمندی ۔۔۔۔۔ کاری گری، مہارت۔
نمونے ۔۔۔۔۔ مثالیں۔ عالمی شہرت ۔۔۔۔۔ دنیا بھر میں مشہور ہونا۔
سوانح ۔۔۔۔۔ سانحہ کی جمع، واقعات، حالات زندگی۔ سیرت و سوانح ۔۔۔۔۔ زندگی کے کردار و واقعات۔
نسخ ۔۔۔۔۔ ایک عربی رسم الخط۔ مخطوطہ ۔۔۔۔۔ غیرمطبوعہ، قلمی کتاب۔
تشریح:
حکیم محمدسعید حکمت کے شعبے کے ساتھ ساتھ علم و ادب میں بھی بڑا گہر شغف رکھتے تھے۔ ان کا سماجی اور سیاسی حوالے سے بھی نمایاں مقام تھا۔انھیں حکمت اور علم و ادب کے حوالے سے کئی ممالک میں سفر کرنے کا موقع ملا۔ ان کے تحریر کردہ سفرنامے پڑھ کر یوں لگتا ہے جیسے ہم بھی ان کے ساتھ شریک سفر ہوں۔یہی ان کی تحریر کی نمایاں خوبی ہے۔ انھوں نے اپنا سفرنامہ" سعید سیاح ترکی میں" لکھا۔اس میں انھوں نے ترکی کے عظیم شہر استنبول کی تاریخی اور ثقافتی اہمیت کو اجاگر کیاہے۔
تشریح طلب اقتباس میں مصنف لکھتے ہیں کہ توپ کاپی ترکی کا ایک مشہور و معروف عجائب گھر ہے۔یہ عجائب گھر آثار قدیمہ کے حوالے سے نمایاں اہمیت کا حامل ہے۔یہ دیگر نوادرات کے ساتھ ساتھ خوش نویسی اور خطاطی کے قدیم ہنر اور طرز کو محفوظ کرنے میں بھی اپنا ثانی نہیں رکھتا۔خطاطی کے اعلیٰ نمونہ جات میں قرآن مجید کی وہ آیات قابلِ ذکر ہیں جو توپ کاپی میں موجود ہیں۔ جیسا کہ کہا جاتا ہے:
" کسی بھی ملک و قوم کی حقیقی پہچان اس کے علوم و فنون اور اس کی تہذیب و ثقافت سے ہوتی ہے۔"
خطاطی کے یہ نمونہ جات ترکی کے نامور خطاطوں کی ہنرمندی، کاری گری اور مہارت کا اعلیٰ نمونہ ہیں اور پوری دنیا میں مقبول ہیں۔اسی عجائب خانے میں حضوراکرمﷺ کے حالات زندگی اور آپﷺ کی سیرت مبارکہ پر مشہور عربی رسم الخط " نسخ" میں لکھا ہوا ایک نادر قلمی نسخہ بھی موجود ہے۔یہ قلمی نسخہ توپ کاپی کی قدروقیمت میں مزید اضافہ کر رہا ہے۔ بقول شاعر:
سیرِ دنیا کو جاتے ہو تو جاؤ
ہے کوئی شہر، اس شہر جیسا
------------------------------
محمدامیرعمرفاروق سہرانی 03065976174 aufsurani.blogspot.com
No comments:
Post a Comment