پیراگراف نمبر13 استنبول

                             03065976174              سبق:    استنبول              aufsurani.blogspt.com

                                                                 پیراگراف نمبر13

                                                                       اقتباس:

                                 حضرت ابو ایوب انصاریؓ کا مرتبۂ علم ۔۔۔۔۔۔۔۔۔۔ بےکراں محبت و عقیدت۔

                                                                   حوالۂ متن:

                                           سبق کا عنوان:                              استنبول

                                             مصنف کا نام:                              حکیم محمدسعید

                                                     صنف:                              سفرنامہ

                                                       ماخذ:                             سعیدسیاح ترکی میں

                                                             خط کشیدہ الفاظ کے معانی:

                          مرتبۂ علم ۔۔۔۔۔ علمی مقام۔                                   تحقیق ۔۔۔۔۔ تلاش کرنا ، کھوج لگانا۔

                        رجوع کرنا ۔۔۔۔۔ رابطہ کرنا ، متوجہ ہونا                      شخصیت ۔۔۔۔۔ ذات۔

                             نمایاں ۔۔۔۔۔ واضح، عیاں۔                            جوشِ ایمانی ۔۔۔۔۔ ایمان کا جذبہ۔

                          حق گوئی ۔۔۔۔۔ سچ کہنا ، راست بازی۔                    بےکراں ۔۔۔۔۔ بہت زیادہ ، بےحد ۔

                            عقیدت ۔۔۔۔۔ محبت، انسیت، لگاؤ۔                   مرتبہ و مقام ۔۔۔۔۔ رتبہ اور درجہ۔

                             میزبان ۔۔۔۔۔ مہمان نوازی کرنے والا۔

              تشریح: 

                             حکیم محمدسعید حکمت کے شعبے کے ساتھ ساتھ علم و ادب میں بھی بڑا گہر شغف رکھتے تھے۔ ان کا سماجی اور سیاسی حوالے سے بھی نمایاں مقام تھا۔انھیں حکمت اور علم و ادب کے حوالے سے کئی ممالک میں سفر کرنے کا موقع ملا۔ ان کے تحریر کردہ سفرنامے پڑھ کر یوں لگتا ہے جیسے ہم بھی ان کے ساتھ شریک سفر ہوں۔یہی ان کی تحریر کی نمایاں خوبی ہے۔ انھوں نے اپنا سفرنامہ" سعید سیاح ترکی میں" لکھا۔اس میں انھوں نے ترکی کے عظیم شہر استنبول کی تاریخی اور ثقافتی اہمیت کو اجاگر کیا ہے۔

                            تشریح طلب اقتباس میں مصنف اپنے دورہ استنبول کے آخری مرحلے کو اجاگر کرتاہے۔مصنف کہتا ہے کہ استنبول کے مختلف مقامات سے ہوتے ہوئے آخر میں ہم سب  ہم سفر دوستوں نے حضرت ابو ایوب انصاریؓ کے مزارِ اقدس پر حاضری دی۔ حضرت ابو ایوب انصاریؓ صاحبِ علم شخصیت تھے۔ان کے علمی مرتبے کی اہمیت کا اندازہ یوں بھی لگایا جاسکتا ہے کہ بہت سے صحابہ کرامؓ دینی و علمی مسائل کی جانچ پرکھ اور ان کے حل کےلیے حضرت ابو ایوب انصاریؓ سے ہی مدد لیتے تھے۔

               حضرت ابو ایوب انصاریؓ میں تین نمایاں صفات اور خصوصیات پائی جاتی تھیں۔ پہلی خصوصیت یہ تھی کہ وہ ایمانی جذبے سے سرشار شخصیت تھے۔ دوسری خوبی یہ تھی کہ وہ ہمیشہ سچ بولتے اور راست بازی ان کا شیوہ تھا۔ ان کی تیسری نمایاں خصوصیت یہ تھی کہ وہ حضوراکرم ﷺ سے بےپناہ محبت، انسیت اور عقیدت رکھتے تھے۔ جیسا کہ حضوراکرمﷺ کا فرمان بھی ہے: 

       " تم میں سے کوئی اس وقت تک مومن نہیں ہوسکتا جب تک میری محبت اس کے جان و مال ، ماں باپ ، اولاد یہاں تک کہ سب چیزوں سے بڑھ کر نہ ہوجائے۔"(صحیح بخاری)۔

                      بقول   شاعر: 

                                                  نہ جب تک کٹ مروں خواجۂ یثرب کی حرمت  پر

                                                  خدا    شاہد    ہے    کامل   میرا    ایماں  ہو نہیں سکتا

---------------------------------------------------------------------------------------------------------------

                محمدامیرعمرفاروق سہرانی                    03065976174                 aufsurani.blogspot.com