03065976174 سبق: استنبول aufsurani.blogspot.com
پیراگراف نمبر14
اقتباس:
حضرت ابو ایوب انصاریؓ کا ایک مرتبہ و مقام یہ ہے ۔۔۔۔۔۔۔۔۔۔۔۔۔حضرت ابو ایوب انصاریؓ کا کاشانہ تھا۔
حوالۂ متن:
سبق کا عنوان: استنبول
مصنف کا نام: حکیم محمدسعید
صنف: سفرنامہ
ماخذ: سعیدسیاح ترکی میں
خط کشیدہ الفاظ کے معانی:
مرتبہ و مقام ۔۔۔۔۔ رتبہ و درجہ۔ میزبان ۔۔۔۔۔ مہمان نوازی کرنے والے۔
قیام ۔۔۔۔۔ ٹھہرنا ، رہائش رکھنا۔ کارکنان ۔۔۔۔۔ کارکن کی جمع، کام پر معمور۔
قضاوقدر ۔۔۔۔۔ تقدیرالہٰی۔ کارکنانِ قضا و قدر ۔۔۔۔۔ اللہ کی منشا کے مطابق کام پر معمور فرشتے۔
شرف ۔۔۔۔۔ سعادت، خوش بختی۔ کاشانہ ۔۔۔۔۔ گھر مبارک، آستانہ مبارک۔
تشریح:
حکیم محمدسعید حکمت کے شعبے کے ساتھ ساتھ علم و ادب میں بھی بڑا گہر شغف رکھتے تھے۔ ان کا سماجی اور سیاسی حوالے سے بھی نمایاں مقام تھا۔انھیں حکمت اور علم و ادب کے حوالے سے کئی ممالک میں سفر کرنے کا موقع ملا۔ ان کے تحریر کردہ سفرنامے پڑھ کر یوں لگتا ہے جیسے ہم بھی ان کے ساتھ شریک سفر ہوں۔یہی ان کی تحریر کی نمایاں خوبی ہے۔ انھوں نے اپنا سفرنامہ"سعید سیاح ترکی میں"لکھا۔اس میں انھوں نےترکی کےعظیم شہر استنبول کی تاریخی اور ثقافتی اہمیت کو اجاگرکیا ہے۔
تشریح طلب اقتباس میں مصنف جلیل القدر صحابیِ رسولﷺ حضرت ابو ایوب انصاریؓ کے اعلیٰ مقام اور ان کے بلند رتبے کو بیان کر رہا ہے۔مصنف لکھتا ہے کہ حضرت ابو ایوب انصاریؓ کا رتبہ اور مقام اس لحاظ سے بلند و بالا اور اعلیٰ ہے کہ انھوں نے حضوراکرمﷺ کی اس وقت میزبانی اور مہمان نوازی کا شرف حاصل کیا تھا جب آپﷺ نے مکہ مکرمہ سے مدینہ منورہ ہجرت فرمائی تھی۔
حضوراکرمﷺ جب مدینہ منورہ میں داخل ہوئے تو ہر شخص اس بات کا خواہش مند تھا کہ آپﷺ ان کے گھر قیام فرمائیں۔لیکن اللہ کے حکم اور اللہ کی رضا سے معمور فرشتوں نے اللہ کے حکم سے آپﷺ کی میزبانی اور مہمان نوازی کی سعادت جس گھر کو بخشی وہ حضرت ابو ایوب انصاریؓ کا آستانہ مبارک ہی تھا۔ حضوراکرمﷺ کی اونٹنی ان کے دروازے پر جاکر ہی بیٹھ گئی تھی۔ جیساکہ حضوراکرمﷺ نے فرمایا:
" اےاللہ ابو ایوبؓ کو اپنےحفظ وامان میں رکھ جس طرح اس نےمیری نگہبانی کرتےہوئے رات گزاری۔" (سیرت ابن ہشام)۔
------------------------------
No comments:
Post a Comment