پیراگراف نمبر6 خطوط غالب

                                 03065976174            سبق:    خطوطِ غاؔلب           aufsurani.blogspot.com

                                                                     پیراگراف نمبر6

                                                                         اقتباس:

                                        برخوردار میرنصیرالدین پر ان کی بیٹی ۔۔۔۔۔۔۔۔۔۔۔ یہ بےادبی اچھی نہیں۔

                                                                     حوالۂ متن:

                                            سبق کا عنوان:                               خطوطِ غاؔلب

                                            مصنف کا نام:                               مرزا اسداللہ خاں غاؔلب

                                                    صنف:                               مکتوب نگاری

                                                      ماخذ:                              غاؔلب کے خطوط

                                              مرتب کردہ:                               ڈاکٹر خلیق انجم

                                                            خط کشیدہ الفاظ کے معانی:

                     بیٹی کا قدم ۔۔۔۔۔ بیٹی کی پیدائش۔                               مبارک ہو ۔۔۔۔۔ نصیب ہو۔

                        ڈھونڈنا ۔۔۔۔۔ تلاش کرنا۔                                   عظیم النساء ۔۔۔۔۔ عورتوں میں اعلیٰ۔

                         رعایت ۔۔۔۔۔ پاس، لحاظ، نسبت۔                              بےادبی ۔۔۔۔۔ بےتوقیری، بےقدری۔

                           مجتہد ۔۔۔۔۔    بڑا عالِم ، اجتہاد کرنے والا۔                   مجتہدالعصر ۔۔۔۔۔ زمانے کا عالِم، وقت کا   عالِم ۔

          تشریح: 

                    مرزااسداللہ خان غاؔلب اردو اور فارسی ادب کے بےتاج بادشاہ تھے۔وہ بلند پایہ شاعر ہونے کے ساتھ ساتھ صاحبِ طرز نثر نگار بھی تھے۔انھوں نے ہم عصروں اور اپنے دوستوں کو بےشمار خطوط لکھے۔مکتوب نگاری میں انھوں نے الگ راہ نکالی۔رسمی انداز ترک کرکے اپنے خطوط میں جدت کا رنگ بھرا۔وہ خود کہتے ہیں میں نے مراسلے کو مکالمہ بنا دیا۔

                   تشریح طلب اقتباس اُس خط سے اخذ کیا گیا ہے جو مرزاغاؔلب نے اپنے ہردلعزیز شاگرد اور قریبی دوست میرمہدی حسین مجروح کے نام 08۔نومبر 1859ء بروز منگل کو تحریر کیا تھا۔میرمہدی حسین مجروح دِلّی چھوڑ کر پانی پت چلے گئے تھے۔وہ غالؔب کا اس درجہ احترام کرتے تھے کہ ان کے کسی شعر کو غلط پڑھنا بھی گناہ سمجھتے تھے۔مرزاغاؔلب ان کو میرنصیرالدین کے متعلق بتاتے ہیں جو شاہ محمدعالم کی اولاد میں سے تھے۔غالؔب لکھتے ہیں کہ میرنصیرالدین کے ہاں بیٹی کی پیدائش ہوئی ہے۔میری طرف سے ان کو گھر میں بیٹی کی آمد پر بہت مبارک باد۔ جیسا کہ ایک قول ہے: 

                                                           " بیٹی اللہ کی رحمت ہوتی ہے۔ "

                     اور بقول شاعر:

                                                      بیٹیاں   سب کے مقدر میں کہاں ہوتی ہیں

                                                       گھر خدا کو جو پسند آئے    وہاں ہوتی ہیں

علم الاعداد اور حروف ابجد کے اعتبار سے ان کی بیٹی کا تاریخی نام تلاش کرنا میرے لیے بہت مشکل کام ہوجائے گا۔میرے خیال میں  شاہ محمدعظیم صاحب رحمتہ اللہ علیہ جیسے صاحبِ علم اور عظیم المرتبہ شخصیت کی نسبت سے ان کی بیٹی کا نام عظیم النساء بیگم بالکل ٹھیک  رہے گا: جیسا کہ حدیث مبارکہ ہے:

                                         " آدمی اسی کے ساتھ ہوگا جس سے اپنی نسبت اور محبت رکھتا ہے۔ " 

                  میرمہدی حسین مجروح کے چھوٹے بھائی میرسرفرازحسین کو مرزاغاؔلب مجتہدالعصر یعنی اپنے وقت کا بہت بڑا عالِم قرار دیتے تھے۔ان کے حوالے سے  میرمہدی حسین مجروح کو مخاطب کرکے لکھتے ہیں کہ میرسرفرازحسین کو میری طرف سے سلام اور دعا دینا۔ مانا کہ وہ آپ کا چھوٹا بھائی ہے لیکن اس کا یہ مطلب  ہرگز نہیں کہ ان کو چھوٹا بھائی سمجھ کر  ان کے علمی مرتبے کا خیال نہ رکھا جائے۔ آپ ان کو مجتہد العصر نہیں لکھا کرتے۔ یہ سراسر بےادبی والی بات ہے۔ان کے علمی مقام کی اس طرح بےادبی کرنا مجھے اچھا نہیں لگتا۔آپ کو بھی اس حوالے سے مکمل خیال رکھنا چاہیے۔ جیسا کہ قول ہے:

                                             " صاحب عِلم سے محبت کرنا دراصل عِلم سے محبت کرنا ہے۔ "

---------------------------------------------------------------------------------------------------------------------

                 محمدامیرعمرفاروق سہرانی                 03065976174               aufsurani.blogspot.com