پیراگراف نمبر4 خطوط غالب

                        03065976174          سبق:    خطوطِ غاؔلب            aufsurani.blogspot.com

                                                          پیراگراف نمبر4

                                                               اقتباس:

                          کل جمعے کے دن بارہ تاریخ نومبر کی ۔۔۔۔۔۔۔۔۔۔۔ بھیجی ہیں یا ابھی نہیں بھیجیں۔

                                                          حوالۂ متن:

                                  سبق کا عنوان:                          خطوطِ غاؔلب

                                   مصنف کا نام:                           مرزا اسداللہ خاں غاؔلب

                                          صنف:                           مکتوب نگاری

                                             ماخذ:                          غاؔلب کے خطوط

                                     مرتب کردہ:                          ڈاکٹرخلیق انجم

                                                خط کشیدہ الفاظ کے معانی:

              برخودار ۔۔۔۔۔سعادت مند، فرزند۔                            تقطیع ۔۔۔۔۔ حجم ، جسامت۔

                سیاہی ۔۔۔۔۔ روشنائی۔                                         چھاپا ۔۔۔۔۔ چھپائی ، طبع شدہ۔

                تحویل ۔۔۔۔۔ سپردگی ، حوالے کردی گئی۔                   یقین ۔۔۔۔۔ اعتماد ، بھروسا۔

                 اِندور ۔۔۔۔۔ ہندوستان کا شہر۔                              واسطے ۔۔۔۔۔ کےلیے۔

        تشریح:

                    مرزااسداللہ خان غاؔلب اردو اور فارسی ادب کے بےتاج بادشاہ تھے۔وہ بلند پایہ شاعر ہونے کے ساتھ ساتھ صاحبِ طرز نثر نگار بھی تھے۔انھوں نے ہم عصروں اور اپنے دوستوں کو بےشمار خطوط لکھے۔مکتوب نگاری میں انھوں نے الگ راہ نکالی۔رسمی انداز ترک کرکے اپنے خطوط میں جدت کا رنگ بھرا۔وہ خود کہتے ہیں میں نے مراسلے کو مکالمہ بنا دیا۔

                     تشریح طلب اقتباس مرزاغاؔلب کے دوسرے خط سے اخذ کیا گیا ہے۔یہ خط انھوں نے اپنے عزیز شاگرد اور دوست منشی ہرگوپال تفؔتہ کے نام 13۔نومبر1856ء برزو ہفتہ کو لکھا تھا۔غاؔلب ہرگوپال تفؔتہ کو اپنی کتاب " دستنبو " کےمتعلق بتاتے ہیں جو منشی شیونرائن کے مطبع آگرہ میں شائع ہو رہی تھی۔غاؔلب  لکھتے ہیں کہ بارہ نومبر بروز جمعتہ المبارک کو محترم شیونرائن کی طرف سے شائع کردہ کتاب کی تینتیس جلدیں مجھے مل گئی ہیں۔ان کتابوں میں استعمال کیا گیا کاغذ،ان میں کی گئی لکھائی،کتابوں  کی جسامت اور ان کا حجم،ان میں استعمال ہونے والی روشنائی سب شاندار تھا۔کتابوں کی چھپائی بھی عمدگی اور نفاست سے کی گئی۔سب کچھ اچھا پاکر دلی مسرت ہوئی اور شیونرائن کےلیے دل سے دعا نکلی۔ جیساکہ ایک قول ہے:

                     " انسان کو اگر امید کا تحفہ نہ ملا ہوتا تو زندگی ہمہ وقت دکھوں سے لبریز ہوتی۔ "

                   شیونرائن نے مزید سات کتابیں مرزا حاتم علی بیگ کے ہاتھوں سے بھجوا رکھی ہیں۔آج کل یا جب بھی حاتم علی آئیں گے تو وہ کتابیں بھی مجھے مل جائیں گی۔شیونرائن کو " دستنبو" کی کچھ جلدیں اِندور شہر میں رائے امید سنگھ کے پاس بھجوانے کا کہ رکھا تھا۔پتا نہیں انھوں نے وہاں کچھ کتابیں بھجوائی ہیں یا نہیں۔اگربھجوائی ہیں تو کس طرح بھجوائی ہیں  اس بارے مجھے کچھ معلوم نہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

           محمدامیرعمرفاروق سہرانی                  03065976174             aufsurani.blogspot.com