پیراگراف نمبر7 خطوط غالب

                              03065976174              سبق:    خطوط غاؔلب                 aufsurani.blogspot.com

                                                                     پیراگراف نمبر7

                                                                           اقتباس:

                                       شہر کا حال کیا جانوں کیا ہے ۔۔۔۔۔۔۔۔۔۔۔ باقی خیروعافیت ہے۔

                                                                      حوالۂ متن:

                                              سبق کا عنوان:                                خطوطِ غاؔلب 

                                               مصنف کا نام:                                مرزا اسد اللہ خاں غاؔلب

                                                      صنف:                                مکتوب نگاری

                                                         ماخذ:                                غاؔلب کے خطوط

                                                 مرتب کردہ:                                ڈاکٹر خلیق انجم

                                                               خط کشیدہ الفاظ کے معانی:

                 پون ٹوٹی ۔۔۔۔۔ ٹاؤن ڈیوٹی، محصول چنگی۔                           جاری ہونا ۔۔۔۔۔ شروع ہونا، آغاز ہونا۔

               جامع مسجد ۔۔۔۔۔ بڑی مسجد جہاں جمعہ پڑھا جائے۔                       دارالبقا ۔۔۔۔۔ باقی رہنےوالاگھر،مفتی صدرالدین آزردہ کامدرسہ۔

                   فنا ہونا ۔۔۔۔۔ ختم ہونا، تباہ ہونا۔                                     سوائے ۔۔۔۔۔ علاوہ، بغیر۔

                     اناج ۔۔۔۔۔ غلہ۔                                                       اُپلے ۔۔۔۔۔ ایندھن کےلیے گوبر تھاپنا۔

                  محصول ۔۔۔۔۔ لگان ، ٹیکس۔                                            پھاؤڑا ۔۔۔۔۔ بیلچہ، کُدال۔

          ڈھائی جائیں گی ۔۔۔۔۔ گرائی جائیں گی۔

      تشریح:

                    مرزااسداللہ خان غاؔلب اردو اور فارسی ادب کے بےتاج بادشاہ تھے۔وہ بلند پایہ شاعر ہونے کے ساتھ ساتھ صاحبِ طرز نثر نگار بھی تھے۔انھوں نے ہم عصروں اور اپنے دوستوں کو بےشمار خطوط لکھے۔مکتوب نگاری میں انھوں نے الگ راہ نکالی۔رسمی انداز ترک کرکے اپنے خطوط میں جدت کا رنگ بھرا۔وہ خود کہتے ہیں میں نے مراسلے کو مکالمہ بنا دیا۔

                    تشریح طلب اقتباس مرزاغاؔلب کے اُس خط کا اختتامیہ ہے جو انھوں نے اپنے ہردلعزیز شاگرد اور قریبی دوست میرمہدی حسین مجروح کے نام 08۔نومبر1859ء کو لکھا تھا۔میرمہدی حسین مجروح اپنے استاد مرزاغاؔلب کا اس قدر احترام کرتے تھے کہ ان کے کسی شعر کو غلط پڑھنا بھی گناہ سمجھتے تھے۔ مرزاغاؔلب اپنے خط میں  دِلیّ شہر کے تازہ حالات و واقعات کو بیان کرتے ہوئے لکھتے ہیں کہ شہر کے حالات معلوم نہیں کیوں روزبروز بدلتے جارہے ہیں۔انگریز حکومت نے روزمرہ میں استعمال ہونے والی اشیائے ضرورت پر محصول لینا شروع کر دیا ہے۔غلے اور ایندھن کے طور پر استعمال ہونے والی گوبر کے علاوہ ہر ضرورت کی چیز پر محصول جاری کردیا گیا ہے۔

                  شہر میں تعمیرشدہ عمارتوں اور شاہراؤں میں بڑے پیمانے پر تبدیلیاں لائی جارہی ہیں۔دِلیّ کی مرکزی جامع مسجد کے اردگرد پچیس پچیس فٹ کا گول میدان بنایا جا رہا ہے۔اس مقصد کےلیے مسجد کے گردونواح کی تمام دکانیں اور حویلیاں گرائی جا رہی ہیں۔مفتی صدرالدین آزردہ کی درس گاہ "دارالبقا " بھی شاید گرا دی جائے گی۔سب کچھ ختم ہوجائے گا صرف اللہ تعالیٰ کا نام باقی رہے گا جو ہمیشہ قائم رہنے والا ہے۔ جیسا کہ قرآن مجید میں ارشاد ہے :

                                                   " اللہ  ہمیشہ زندہ اور قائم رہنے والا ہے۔" (آیت الکرسی)۔

                            اور بقول میرتقی میرؔ:

                                                             گیا حسنِ خوباں بدراہ کا

                                                             ہمیشہ رہے    نام   اللہ کا 

خان چند کی گلی میں شاہ بولا کے بڑ کے درخت تک دونوں طرف سے پھاؤڑے چلاکر سب کچھ گرایا جارہا ہے۔اس کے علاوہ باقی یہاں  سب خیریت ہے۔

---------------------------------------------------------------------------------------------------------------------

                   محمدامیرعمرفاروق سہرانی                   03065976174                 aufsurani.blogspot.com