پیراگراف نمبر10 استنبول

                                 03065976174              سبق:    استنبول               aufsurani.blogspot.com

                                                                  پیراگراف نمبر10

                                                                        اقتباس:

                                             انگریزوں کے علمی ذوق ۔۔۔۔۔۔۔۔ یہاں موجود ہیں۔

                                                                     حوالۂ متن:

                                                سبق کا عنوان:                           استنبول

                                                 مصنف کا نام:                          حکیم محمدسعید

                                                        صنف:                          سفرنامہ

                                                          ماخذ:                          سعیدسیاح ترکی میں

                                                             خط کشیدہ الفاظ کے معانی:

               علمی ذوق ۔۔۔۔۔ علم کا شوق، جذبۂ علم۔                                      ذوق ۔۔۔۔۔ شوق، لگن

          مدح و ستائش ۔۔۔۔۔ تعریف۔                                                    مشہور ۔۔۔۔۔ معروف۔

                 تصنیف ۔۔۔۔۔ لکھی ہوئی کتاب، تحریرکردہ کتاب۔                             گلہ ۔۔۔۔۔ شکوہ، شکایت۔

            بیت الحکمت ۔۔۔۔۔ حکمت و دانائی کا گھر۔ بغداد کا کتب خانہ۔                    عہد ۔۔۔۔۔ دور، زمانہ۔

                    نادر ۔۔۔۔۔ قیمتی  ، نایاب۔                                               نایاب ۔۔۔۔۔ انمول، قیمتی۔

            نادر و نایاب ۔۔۔۔۔  قیمتی اور انمول۔                                         بہ کثرت ۔۔۔۔۔ بہت زیادہ، کثیر تعداد میں۔

                مخطوطات ۔۔۔۔۔ مخطوطہ کی جمع، قلمی کتابیں۔                             مسوّدات ۔۔۔۔۔ مسوّدہ کی جمع، ہاتھ سے لکھی تحریر، غیرمطبوعہ تحریر۔

                   میوزیم ۔۔۔۔۔ عجائب گھر۔                                                    ہیچ ۔۔۔۔۔ کم تر، کم حیثیت۔

                علم و فن ۔۔۔۔۔ تعلیم اور ہنر۔

          تشریح:

                      حکیم محمدسعید حکمت کے شعبے کے ساتھ ساتھ علم و ادب میں بھی بڑا گہر شغف رکھتے تھے۔ان کا سماجی اور سیاسی حوالے سے بھی نمایاں مقام تھا۔انھیں حکمت اور علم و ادب کے حوالے سے کئی ممالک میں سفر کرنے کا موقع ملا۔ ان کے تحریر کردہ سفرنامے پڑھ کر یوں لگتا ہے جیسے ہم بھی ان کے ساتھ شریک سفر ہوں۔یہی ان کی تحریر کی نمایاں خوبی ہے۔ انھوں نے اپنا سفرنامہ" سعید سیاح ترکی میں" لکھا۔اس میں انھوں نے ترکی کے عظیم شہر استنبول کی تاریخی اور ثقافتی اہمیت کو اجاگر کیا ہے۔

                       تشریح طلب اقتباس میں مصنف لکھتا ہے کہ انگریزوں کے علمی ذوق و شوق اور علم و آگاہی میں ترقی کے حوالے سے بہت زیادہ تعریفیں کی جاتی ہیں مگر ولیم راجرز جوکہ انگریز مصنف ہیں اپنی کتاب  " توپ کاپی " میں اس حقیقت کا کھلا اعتراف کرتے ہیں کہ انگریز مصنفین نے توپ کاپی کو نظرانداز کرکے تنگ نظری کا مظاہرہ کیا ہے۔انگریزوں نے اپنی کتابوں اور اپنی تحریروں میں مسلمانوں کے بہت سے اچھے  علمی اداروں کے ساتھ ساتھ عراق میں قائم عظیم اور تاریخی کتب خانے " بیت الحکمت" کا ذکر تو خاص طور پر کیا ہے لیکن توپ کاپی کو یکسر نظرانداز کردیا۔ یہ ان کی بہت بڑی کم ظرفی ، کوتاہی اور تاریخ سے نابلد ہونے کی نشانی ہے۔

                     توپ کاپی ترکی میں مسلمانوں کی قدیم تہذیب و ثقافت کو محفوظ رکھنے والا عظیم اور قدیم عجائب گھر ہے جہاں قدیم اسلامی دور کی بیش قیمت اور نایاب کتابیں کثیر تعداد رکھی گئی ہیں۔ ایک رومی فلسفی کا قول ہے:

                                         " کسی عمارت کا وجود بغیر کتاب کے ایسے ہے جیسے روح کے بغیر جسم۔ "

قلمی کتابوں اور ہاتھ سے لکھی گئی تحریروں کو محفوظ کرنے کے حوالے دیکھا جائے تو توپ کاپی کے علاوہ شاید ہی کوئی ایسا عجائب گھر ہو جہاں اتنی تعداد میں قدیم اور نایاب کتابیں اور قلمی تحاریر موجود ہوں۔گویا علمی حوالے اور تاریخی لحاظ سے توپ کاپی کے مقابلے میں باقی دنیا کے عجائب گھر  کم تر حیثیت کے حامل ہیں۔ بقول شاعر:

                                                                  سیر دنیا کو جاتے ہو تو جاؤ

                                                                 ہے کوئی شہر، اس شہر جیسا

---------------------------------------------------------------------------------------------------------------------------

                 محمدامیرعمرفاروق  سہرانی                          03065976174                    aufsurani.blogspot.com

پیراگراف نمبر9 استنبول

                                   03065976174            سبق:    استنبول             aufsurani.blogspot.com

                                                                    پیراگراف نمبر9

                                                                        اقتباس:

                                       اسلامی علوم و فنون اور ثقافت ۔۔۔۔۔۔۔۔ وہ نسخہ توپ کاپی میں ہے۔

                                                                      حوالۂ متن:

                                                 سبق کا عنوان:                          استنبول

                                                 مصنف کا نام:                           حکیم محمدسعید

                                                        صنف:                          سفرنامہ

                                                          ماخذ:                          سعیدسیاح ترکی میں

                                                              خط کشیدہ الفاظ کے معانی:

                    علوم و فنون ۔۔۔۔۔ تعلیم اور مہارتیں۔                               کردار ۔۔۔۔۔ کام و مقام، کارگزاری۔

                           ثقافت ۔۔۔۔۔ تہذیب و تمدن۔                                نمایاں ۔۔۔۔۔ واضح، عیاں۔

                       علمی ذوق ۔۔۔۔۔ علم کا شوق، جذبۂ علم۔                            نوادر ۔۔۔۔۔ نادر کی جمع، قیمتی، نایاب۔

                          مشہور ۔۔۔۔۔ معروف۔                                    آثار قدیمہ ۔۔۔۔۔ پرانی نشانیاں۔

                      علم و فن ۔۔۔۔۔ تعلیم اور ہنر۔                                 عالمِ مرکز ۔۔۔۔۔ دنیا کا محور۔

                        بیش بہا ۔۔۔۔۔ قیمتی، گراں قدر۔                              ذخیروں ۔۔۔۔۔ ذخیرہ کی جمع، جمع شدہ۔

                            نادر ۔۔۔۔۔ قیمتی،نایاب۔                                       مخزن ۔۔۔۔۔ جمع شدہ خزانہ۔ 

                      مخطوطات ۔۔۔۔۔ مخطوطہ کی جمع، قلمی کتابیں۔                        شعبے ۔۔۔۔۔ درجے، حصے۔

                           نسخہ ۔۔۔۔۔ ہاتھ سے لکھا ہوا نمونہ۔

            تشریح: 

                        حکیم محمدسعید حکمت کے شعبے کے ساتھ ساتھ علم و ادب میں بھی بڑا گہر شغف رکھتے تھے۔ ان کا سماجی اور سیاسی حوالے سے بھی نمایاں مقام تھا۔انھیں حکمت اور علم و ادب کے حوالے سے کئی ممالک میں سفر کرنے کا موقع ملا۔ ان کے تحریر کردہ سفرنامے پڑھ کر یوں لگتا ہے جیسے ہم بھی ان کے ساتھ شریک سفر ہوں۔یہی ان کی تحریر کی نمایاں خوبی ہے۔ انھوں نے اپنا سفرنامہ" سعید سیاح ترکی میں" لکھاہے۔اس میں انھوں نے ترکی کے عظیم شہر استنبول کی تاریخی اور ثقافتی اہمیت کو اجاگر کیا ہے۔

                         تشریح طلب اقتباس میں مصنف ترکی میں اسلامی علوم و فنون اور ان کی ثقافت کو پروان چڑھانے کے حوالے سے سلاجق ترک  اور عثمانی دور کے حکمرانوں کے کردار کو اجاگر کر رہا ہے۔مصنف لکھتا ہے کہ اسلامی تہذیب و ثقافت اور فنون لطیفہ کو فروغ دینے میں سلاجق ترک اور عثمانی حکمرانوں کی خدمات نمایاں اور آبِ زر سے لکھنے کے لائق ہیں۔یہ حکمران علمی و ادبی ذوق میں اپنا کوئی ثانی نہیں رکھتے تھے۔ ان کے ذوق اور علمی چاہت کی وجہ سے ہی استنبول کا عجائب گھر توپ کاپی قدیم ، قیمتی اور نایاب چیزوں کے حوالے سے دنیا بھر کی توجہ کا مرکز بنا ہوا ہے۔

          آثار قدیمہ کے تحفظ کے ساتھ ساتھ توپ کاپی علم و حکمت کے ذخائر کے حوالے سے بھی نمایاں مقام رکھتا ہے۔ یہ اپنے اندر قیمتی اور نایاب کتابوں کے عظیم خزانے کو سموئے ہوئے ہے۔ جیسا کہ ایک رومی فلاسفی کا قول ہے:

                                       " بغیر کتاب کے کوئی بھی عمارت ایسے ہے جیسے روح کے بغیر جسم۔ "

توپ کاپی میں مطبوعہ اور غیرمطبوعہ تمام تر کتابوں کےلیے الگ الگ شعبے مقرر کیے گئے ہیں۔یہاں  بہت ہی انمول اور نایاب  کتابیں محفوظ رکھی گئی ہیں۔ ان کتابوں میں ایسی کتابیں بھی موجود ہیں جن کا پوری دنیا میں صرف  ایک ہی نسخہ ہے اور وہ نسخہ صرف اور صرف توپ کاپی میں ہی پایا جاتا ہے۔ بقول شاعر:

                                                                 سیر دنیا کو جاتے ہو تو جاؤ 

                                                                 ہے کوئی شہر، اس شہر جیسا

---------------------------------------------------------------------------------------------------------------------

                     محمدامیرعمرفاروق سہرانی                       03065976174                 aufsurani.blogspot.com

پیراگراف نمبر8 استنبول

                       03065976174              سبق:    استنبول             aufsurani.blogspot.com

                                                          پیراگراف نمبر8

                                                                اقتباس: 

                              توپ کاپی میں آثار قدیمہ ۔۔۔۔۔۔۔۔۔۔۔۔ عثمانی حکمرانوں کا کردار بہت نمایاں ہے۔

                                                             حوالۂ متن:

                                    سبق کا عنوان:                              استنبول

                                       مصنف کا نام:                              حکیم محمدسعید

                                               صنف:                              سفرنامہ

                                                ماخذ:                               سعیدسیاح ترکی میں

                                                      خط کشیدہ الفاظ کے معانی: 

                        آثار قدیمہ ۔۔۔۔۔ پرانی نشانیاں۔                             علیحدہ ۔۔۔۔۔ الگ تھلگ، جدا

                             اوقاف ۔۔۔۔۔ وقف کی جمع، جدا، الگ۔                 آرٹ ۔۔۔۔۔ فن۔

                              نقاشی ۔۔۔۔۔ نقش نگاری، پچی کاری۔                مصوری ۔۔۔۔۔ تصاویر بنانے کا فن۔

                        حیرت انگیز ۔۔۔۔۔ حیران کن۔                               نمونہ ۔۔۔۔۔ مثال۔

                        علوم و فنون ۔۔۔۔۔ تعلیم اور مہارتیں۔                     ثقافت ۔۔۔۔۔ تہذیب و تمدن۔

                               کردار ۔۔۔۔۔ کام و مقام، کارگزاری۔              بالخصوص ۔۔۔۔۔  خاص طور پر۔

        تشریح: 

                     حکیم محمدسعید حکمت کے شعبے کے ساتھ ساتھ علم و ادب میں بھی بڑا گہر شغف رکھتے تھے۔ ان کا سماجی اور سیاسی حوالے سے بھی نمایاں مقام تھا۔انھیں حکمت اور علم و ادب کے حوالے سے کئی ممالک میں سفر کرنے کا موقع ملا۔ ان کے تحریر کردہ سفرنامے پڑھ کر یوں لگتا ہے جیسے ہم بھی ان کے ساتھ شریک سفر ہوں۔یہی ان کی تحریر کی نمایاں خوبی ہے۔ انھوں نے اپنا سفرنامہ" سعید سیاح ترکی میں" لکھا۔اس میں انھوں نے ترکی کے عظیم شہر استنبول کی تاریخی اور ثقافتی اہمیت کو اجاگر کیا۔

               تشریح طلب اقتباس میں مصنف  ترکی کے مشہور عجائب گھر توپ کاپی کی سیروتفریح کا حال بیان کر رہا ہے۔ مصنف لکھتا ہے کہ توپ کاپی استنبول کا قدیم عجائب گھر ہے اور ترکی کی قدیم نشانیوں کا امین ہے۔پرانے ادوار کے عجائبات کا محافظ ہے۔استنبول میں توپ کاپی کے علاوہ فوجی عجائبات اور نوادرات سے مزین ایک الگ عجائب خانہ بھی موجود ہے جو " اوقاف" کے نام سے جانا جاتا ہے۔اس فوجی عجائب گھر میں اسلامی ترک آرٹ اور علم و ادب کے علاوہ  نقش و نگاری اور فن مصوری کے اعلیٰ اور حیران کن نمونہ جات محفوظ کیے گئے ہی۔ جیسا کہ کہا جاتا ہے:

                        " کسی بھی ملک و قوم کی حقیقی پہچان اس کے علوم وفنون اور اس کی تہذیب و ثقافت ہوتی ہے۔ "

         ترکی اسلامی علم و فن اور اسلامی تہذیب و ثقافت میں اعلیٰ مقام رکھتا ہے۔اسلامی علوم و فنون اور اسلامی تہذیب و تمدن کو آگے بڑھانے میں سلاجق ترک حکمرانوں کا کردار بہت اہمیت کا حامل ہے۔ ان کے علاوہ عثمانی دور کے حکمرانوں نے بھی فنون لطیفہ اور تہذیب و ثقافت کو پروان چڑھانے میں نمایاں کردار ادا کیا تھا۔ بقول شاعر:

                                                         سیر دنیا کو جاتے ہو تو جاؤ

                                                        ہے کوئی شہر، اس شہر جیسا

----------------------------------------------------------------------------------------------------------

               محمدامیرعمرفاروق سہرانی                      03065976174                    aufsurani.blogspot.com

پیراگراف نمبر7 استنبول

                   03065976174            سبق:    استنبول            aufsurani.blogspot.com

                                                      پیراگراف نمبر7

                                                           اقتباس:

                         استنبول کے عجائب خانوں میں ۔۔۔۔۔۔۔۔۔ یورپی عجائب بھی رکھے گئے ہیں۔

                                                         حوالۂ متن:

                                  سبق کا عنوان:                          استنبول

                                   مصنف کا نام:                          حکیم محمدسعید

                                          صنف:                          سفرنامہ

                                             ماخذ:                          سعید سیاح ترکی میں

                                                  خط کشیدہ الفاظ کے معانی

               عجائب خانہ ۔۔۔۔۔ عجائب گھر، میوزیم۔                        حیثیت ۔۔۔۔۔ مقام و مرتبہ۔

              شہرہ آفاق ۔۔۔۔۔ عالمی شہرت یافتہ۔                           سلاطین ۔۔۔۔۔ سلطان کی جمع، بادشاہ، حکمران۔

                    آثار ۔۔۔۔۔ اثر کی جمع، نشانیاں۔                        جواہرات ۔۔۔۔۔ ہیرے موتی۔

                ملبوسات ۔۔۔۔۔ کپڑے اور لباس۔                    آرائش و تزئین ۔۔۔۔۔ سجاوٹ۔

      تشریح:        

                 حکیم محمدسعید حکمت کے شعبے کے ساتھ ساتھ علم و ادب میں بھی بڑا گہر شغف رکھتے تھے۔ ان کا سماجی اور سیاسی حوالے سے بھی نمایاں مقام تھا۔انھیں حکمت اور علم و ادب کے حوالے سے کئی ممالک میں سفر کرنے کا موقع ملا۔ ان کے تحریر کردہ سفرنامے پڑھ کر یوں لگتا ہے جیسے ہم بھی ان کے ساتھ شریک سفر ہوں۔یہی ان کی تحریر کی نمایاں خوبی ہے۔ انھوں نے اپنا سفرنامہ" سعید سیاح ترکی میں" لکھا۔اس میں انھوں نے ترکی کے عظیم شہر استنبول کی تاریخی اور ثقافتی اہمیت کو اجاگر کیا۔

            تشریح طلب اقتباس میں مصنف ترکی کے عظیم شہر استنبول کے عجائب خانوں کے متعلق لکھتا ہے کہ استنبول کے تمام عجائب گھروں میں توپ کاپی کو تاریخی اہمیت حاصل ہے۔ یہ عجائب خانہ دنیا بھر میں مشہور اور نمایاں حیثیت کا حامل ہے۔ جیسا کہ کہا جاتا ہے: 

                     " عجائب گھر کسی ملک کی تہذیب و ثقافت اور وہاں کے علمی ذوق کا عکاس ہوتے ہیں۔"

 یہ عجائب گھر اس لحاظ سے بھی نامی گرامی ہے کہ یہاں قدیم تہذیبوں کے عجائبات رکھے گئے ہیں۔اس میں رومی، بزنطینی اور عثمانی دور کی ہزاروں اور لاکھوں کی تعداد میں قیمتی اور نادر اشیا رکھی گئی ہیں جو ترکی کی عظیم تاریخ کا اعلیٰ نمونہ ہیں۔ عثمانی دور کے تمام بادشاہوں کی ساری نشانیاں توپ کاپی نے محفوظ کر رکھی ہیں۔ان بادشاہوں کے زیرِ استعمال قیمتی جواہرات، ہیرے موتی سے مزین زیورات ، ان کے خوب صورت لباس، نمود و نمائش اور سجاوٹ  کی دیگر اشیا بھی توپ کاپی نے محفوظ کر رکھی ہیں۔ ان چیزوں کے علاوہ دیگر ممالک جیساکہ چین، جاپان سے بھی قیمتی اشیا منگوا کر توپ کاپی میں رکھا گیا ہے۔ عرب اور یورپی ممالک کے عجائبات بھی یہاں آب و تاب کے ساتھ موجود ہیں۔ بقول شاعر:

                                                   سیر دنیا کو جاتے ہو تو جاؤ

                                                   ہے کوئی شہر، اس شہر جیسا

----------------------------------------------------------------------------------------------------

               محمدامیرعمرفاروق سہرانی              03065976174            aufsurani.blogspot.com

 

پیراگراف نمبر6 استنبول

                           03065976174            سبق:    استنبول               aufsurani.blogspot.com

                                                            پیراگراف نمبر6

                                                                  اقتباس:

                              سلیمانیہ سے ملحق ایک بڑا کتب خانہ   ۔۔۔۔۔۔۔۔۔۔ نہایت اہم عجائب گھر ہے۔

                                                              حوالۂ متن:

                                         سبق کا عنوان:                          استنبول

                                        مصنف کا نام:                          حکیم محمدسعید

                                                صنف:                          سفرنامہ

                                                  ماخذ:                          سعید سیاح ترکی میں

                                                       خط کشیدہ الفاظ کے معانی

                 ملحق ۔۔۔۔۔ جڑا ہوا، منسلک، وابستہ۔                                 کتب خانہ ۔۔۔۔۔ کتاب گھر۔

             مخطوطات ۔۔۔۔۔ مخطوطہ کی جمع،قلمی کتابیں۔                                 ذخیرہ ۔۔۔۔۔ جمع شدہ۔ 

             اندازے ۔۔۔۔۔ قیاس۔                                                 قلمی کتابیں ۔۔۔۔۔ ہاتھ سےلکھی کتابیں،غیرمطبوعہ کتابیں۔

       ترتیب و تنظیم ۔۔۔۔۔ نظم و نسق، سلیقہ مندی۔                                   رفیقوں ۔۔۔۔۔ رفیق کی جمع، دوست احباب۔

             باسفورس ۔۔۔۔۔ آبنائے استنبول۔                                       گولڈن ہارن ۔۔۔۔۔ استنبول کا خلیجی علاقہ۔

               ایاصوفیہ ۔۔۔۔۔  استنبول کا کلیسا جو مسجد میں بدل دیا گیا۔         حیرت و مسرت ۔۔۔۔۔ حیرانی اور خوشی۔

           انتہا نہ رہنا ۔۔۔۔۔  کوئی حد نہ ہونا۔

      تشریح:        

                  حکیم محمدسعید حکمت کے شعبے کے ساتھ ساتھ علم و ادب میں بھی بڑا گہر شغف رکھتے تھے۔ ان کا سماجی اور سیاسی حوالے سے بھی نمایاں مقام تھا۔انھیں حکمت اور علم و ادب کے حوالے سے کئی ممالک میں سفر کرنے کا موقع ملا۔ ان کے تحریر کردہ سفرنامے پڑھ کر یوں لگتا ہے جیسے ہم بھی ان کے ساتھ شریک سفر ہوں۔یہی ان کی تحریر کی نمایاں خوبی ہے۔ انھوں نے اپنا سفرنامہ" سعید سیاح ترکی میں" لکھا۔اس میں انھوں نے ترکی کے عظیم شہر استنبول کی تاریخی اور ثقافتی اہمیت کو اجاگر کیا۔

                   تشریح طلب اقتباس میں مصنف حکیم محمد سعید لکھتے ہیں کہ ترکی کے شہر استنبول میں موجود سلیمانیہ مسجد فن تعمیر کا اعلیٰ نمونہ ہے۔اس مسجد کو  سلطان سلیمان نے تعمیر کرایا۔اسے ترکی کی تمام مساجد میں نمایاں مقام حاصل ہے۔ اس مسجد کے ساتھ ایک بہت بڑا کتب خانہ  منسلک ہے۔اس کتب خانے میں کم و بیش ایک لاکھ نادر و قیمتی  کتابیں ایسی رکھی گئی ہیں جو ہاتھ سے لکھی گئی ہیں اور غیرمطبوعہ ہیں۔نادر کتابوں کا یہ ذخیرہ ترکوں کے علمی و ادبی ذوق کی اعلیٰ مثال ہے۔ترکوں کے علمی ذوق کا اندازہ یوں بھی لگایا جاسکتا ہے کہ یہ تمام قلمی اور غیرمطبوعہ کتابیں نہایت سلیقے، مکمل نظم و ضبط اور ترتیب سے رکھی گئی ہیں۔جیسا کہ رومی فلسفی کا قول ہے:

                                " کوئی بھی عمارت کتابوں کے بغیر ایسے ہی ہے جیسا کہ روح کے بغیر جسم ۔"

   مصنف استنبول کے متعلق مزید لکھتا ہے کہ میں جب اپنے دوستوں کو استنبول کے خلیجی علاقوں باسفورس،گولڈن ہارن کے ساتھ ساتھ ایاصوفیہ کی سیر کراتا ہوا سلیمانیہ مسجد لے آیا تو ان تمام مقامات کو دیکھنے کے بعد ان دوستوں کے  چہروں پر حیرانی اور خوشی کے جذبات نمایاں دیکھے جاسکتے تھے۔ بقول شاعر: 

                                                            سیر دنیا کو جاتے ہو تو جاؤ

                                                            ہے کوئی شہر اس شہر جیسا

---------------------------------------------------------------------------------------------------------------

                  محمدامیرعمرفاروق سہرانی                    03065976174                   aufsurani.blogspot.com

پیراگراف نمبر5 استنبول

                                 03065976174          سبق:    استنبول            aufsurani.blogspot.com

                                                                پیراگراف نمبر5

                                                                    اقتباس:

                    یہ مسجد ترکی کی تمام مساجد میں ممتاز ہے  ۔۔۔۔۔۔۔۔۔۔۔  نفاست پسندی کا حسین مرقع ہے۔

                                                                 حوالۂ متن:

                                          سبق کا عنوان:                           استنبول

                                            مصنف کا نام:                        حکیم محمدسعید

                                                    صنف:                        سفرنامہ

                                                      ماخذ:                        سعید سیاح ترکی میں

                                                          خط کشیدہ الفاظ کے معانی

                           ممتاز ۔۔۔۔۔ مشہور و معروف۔                                   دل نواز ۔۔۔۔۔ دل کو بھانے والا،  دل کش۔

                       اطراف ۔۔۔۔۔ طرف کی جمع، چاروں طرف۔                    محسوس ہونا ۔۔۔۔۔ احساس ہونا۔

                      بےانتہا ۔۔۔۔۔ بہت زیادہ۔                                        نقش و نگار ۔۔۔۔۔ پچی کاری۔

                          ایما ۔۔۔۔۔ خواہش ، چاہت۔                                    ماہر معمار ۔۔۔۔۔ عمارت بنانے میں مہارت رکھنے والا۔

               پایۂ تکمیل ہونا ۔۔۔۔۔ مکمل ہونا۔                                            فن تعمیر ۔۔۔۔۔ بنانے کی مہارت۔

                      حسین ۔۔۔۔۔ خوب صورت۔                                   نفاست پسندی ۔۔۔۔۔ خوب صورتی، صفائی پسندی۔

                       مرقع ۔۔۔۔۔   عملی تصویر، نمونہ۔

          تشریح:        

                       حکیم محمدسعید حکمت کے شعبے کے ساتھ ساتھ علم و ادب میں بھی بڑا گہر شغف رکھتے تھے۔ ان کا سماجی اور سیاسی حوالے سے بھی نمایاں مقام تھا۔انھیں حکمت اور علم و ادب کے حوالے سے کئی ممالک میں سفر کرنے کا موقع ملا۔ ان کے تحریر کردہ سفرنامے پڑھ کر یوں لگتا ہے جیسے ہم بھی ان کے ساتھ شریک سفر ہوں۔یہی ان کی تحریر کی نمایاں خوبی ہے۔ انھوں نے اپنا سفرنامہ" سعید سیاح ترکی میں" لکھا۔اس میں انھوں نے ترکی کے عظیم شہر استنبول کی تاریخی اور ثقافتی اہمیت کو اجاگر کیا ہے۔

                       تشریح طلب اقتباس میں مصنف ترکی کے شہر استنبول میں موجود تاریخی سلیمانیہ مسجد کے حوالے سے لکھتا ہے کہ یہ مسجد فن تعمیر کا اعلیٰ نمونہ ہے۔اپنی خوب صورتی کے سبب ترکی کی تمام مساجد میں صف اول کی مسجد شمار کی جاتی ہے۔سلطان سلیمان کی خواہش پر اس عظیم مسجد کی تعمیر ہوئی۔ انھوں اس کی تعمیر کا کام اپنے دور کے مشہور و معروف معمار محترم سنان کے ہاتھوں کرایا تھا۔اس مسجد کی تعمیر کا آغاز ۱۵۵۰ء میں ہوا اور سات سال کے عرصے کے بعد ۱۵۵۷ء میں اس کی تعمیر مکمل ہوئی۔ حدیث مبارکہ ہے:

                             " جس نے  اللہ کی رضا کےلیے ایک مسجد بنائی، اللہ اس کا جنت میں گھر بنائے گا۔"  (مسلم)۔

سلطان سلیمان کی چاہت پر قائم کردہ یہ سلیمانیہ مسجد ترکی کی تمام مساجد میں نمایاں مقام رکھتی ہے۔اس مسجد کی نمایاں خوبیوں میں اس کا دل کش گنبد شامل ہے۔اس گنبد کے چاروں طرف پانچ چھوٹے چھوٹے گنبد بنائے گئے ہیں۔ یہ چھوٹے گنبد بڑے اور مرکزی گنبد کے بیچ اس طرح دکھائی دیتے ہیں جیسے ستاروں کی محفل میں روشن چاند خوب صورت دکھائی دیتا ہے۔اس مسجد کے درودیوار، کھڑکیوں اور گنبدوں پر خوب صورت نقاشی کی گئی ہےجسے کوئی بھی دیکھے بغیر نہیں رہ سکتا۔یہ مسجد خلافت عثمانیہ کے حکمرانوں کی حسین یاد کے ساتھ ساتھ ترکوں کی نفاست پسندی کا اعلیٰ نمونہ بھی ہے۔ بقول اقبالؒ:

                                                        دی اذانیں کبھی یورپ کے کلیساؤں میں

                                                         کبھی افریقہ کے تپتے ہوئے صحراؤں میں

-----------------------------------------------------------------------------------------------------------

                       محمدامیرعمرفاروق سہرانی              03065976174             aufsurani.blogspot.com

پیراگراف نمبر4 استنبول

                     03065976174                سبق:     استنبول               aufsurani.blogspot.com

                                                          پیراگراف نمبر4

                                                                اقتباس:

                        ذرا سا یہ اعلان ہوتے ہی منبر ۔۔۔۔۔۔۔۔۔۔۔۔۔ دنیا کی بڑی قوم بنا رہا ہے

                                                            حوالۂ متن:

                                     سبق کا عنوان:                            استنبول

                                           مصنف:                             حکیم محمدسعید

                                            صنف:                             سفرنامہ

                                              ماخذ:                            سعیدسیاح ترکی میں

                                                    خط کشیدہ الفاظ کے معانی

                        رویہ ۔۔۔۔۔ راہ ، راستہ                                         اطمینان ۔۔۔۔۔ تسلی ، آرام وسکون

                       تنظیم ۔۔۔۔۔ نظم و ضبط                                           شائستہ ۔۔۔۔۔ سلیقہ مند،باتمیز،سلجھا ہوا

                       منظم ۔۔۔۔۔ نظم و ضبط کےساتھ، ترتیب اور سلیقےکےساتھ

           تشریح:

                      حکیم محمدسعید حکمت کے شعبے کے ساتھ ساتھ علم و ادب سے بڑا گہرا شغف رکھتے تھے۔انھیں حکمت اور علم و ادب کے حوالے سے کئی ممالک کا سفر کرنے کا موقع ملا اور انھوں نے اس حوالے سے اپنے متعدد سفرنامے بھی لکھے۔ان کے سفرنامے پڑھ کر یوں لگتا ہے جیسے ہم بھی ان کے ساتھ شریک سفر ہوں اور یہی ان کی تحریر کی خوبی ہے۔انھوں نے اپنا ایک سفرنامہ "سعید سیاح ترکی میں"  لکھا۔ اس میں انھوں نے  ترکی کے  عظیم شہر استنبول کی تاریخی اہمیت اجاگر کی۔

                      تشریح طلب اقتباس بھی ان کے تحریر کردہ مضمون" استنبول" سے اخذ کیا گیا ہے۔ حکیم محمدسعید لکھتے جب تین سال پہلے کویت کی مرکز طب اسلامی کے اجلاس میں شرکت کےلیے استنبول گئے تو وہ دن جمعہ کا تھا۔ان کے ہمراہ چار اور دوست بھی تھے جن میں محترمہ خانم ڈسلوا،محترم ڈاکٹر شعیب اختر، ڈاکٹر ظفراقبال اور ڈاکٹر عطاالرحمن شامل تھے۔ان سب کا استقبال وہاں حکیم صاحب کے دوست ڈوگواباچی نے کیا۔ترکی کے وزیراعظم ترگت اوزال نے ان کی میزبانی  کی۔ سارا وفد ترکی کے وزیراعظم کے ہمراہ نماز جمعہ کی ادائیگی کےلیے سلیمانیہ مسجد گیا۔ سلیمانیہ مسجد کی تعمیر سلطان سلیمان نے سنان کے ہاتھوں تعمیر کرائی۔یہ مسجد اپنی نفاست اور نقش نگاری میں اپنی مثال آپ ہے۔نماز جمعہ کی ادائیگی کے بعد مسجد میں موجود تمام مندوبینوں کو عزت و احترام سے باہر لے جانا مقصود تھا اس لیے مہمانوں کی عزت اور ان کی قدرافزائی   کےلیے اعلان کیا گیا کہ مندوبینوں کو مسجد سے باہر جانے کا راستہ دیا جائے۔اعلان سنتے ہی لوگوں نے فوراً اس پر عمل درآمد کرتے ہوئے راستہ دے دیا۔سب لوگ مسجد سلیمانیہ کے اندر دوطرف کھڑے ہوگئے اور درمیان میں چار فیٹ کا راستہ چھوڑ دیا تاکہ مہمان مندوبینوں کو تکلیف نہ پہنچے اور ان کو باہر آنے میں آسانی ہو۔ اس عمل کے دوران کوئی بھی شخص اپنی جگہ سے نہ ہلا یہاں  تک کہ تمام مندوبین مکمل آسانی اور عزت و احترام سے روانہ  ہوگئے۔ یہ سب تعظیم،تنظیم  ، نظم و ضبط  اور ادب کی بات ہے۔ جیسا کہ ایک قول ہے: 

                                           " نظم و ضبط صلاحیت کو کامیابی میں بدل دیتا ہے۔"

 ادب واحترام کے حوالے سے ترکی کا شمار اب بڑی قوموں میں ہوتا ہے اور کسی قوم کی اخلاقی ترقی کا انحصار بھی ادب و احترام اور ان کے منظم طور طریقوں میں پنہاں ہے کیونکہ اس کے بغیر نہ تو کوئی قوم اپنا اخلاقی حسن برقرار رکھ سکتی ہے اور نہ ہی مہذب معاشرے کی مثال بن سکتی ہے۔ترکی کی قوم مہذب قوم بن چکی ہے کیونکہ انھوں نے نظم و ضبط ،تنظیم اور ادب و احترام کے وہ تمام نمایاں اوصاف اپنے اندر سمو لیے ہیں جو ایک سلجھی ہوئی قوم کا ہمیشہ خاصا ہوتے ہیں  جیسا کہ  شاعر کہتا ہے:

                                                    حُسنِ کردار  سے تُو    نُورِ مجسم    ہو جا

                                                    تجھے ابلیس بھی دیکھے تو مسلماں ہو کر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

                      محمدامیرعمرفاروق سہرانی                 03065976174                aufsurani.blogspot.com