پیراگراف نمبر8 علی بخش

 aufsurani.blogspot.com                                                       aufsurani.blogspot.com

                                                           سبق: علی بخش

                                 پیراگراف نمبر8

                                                                اقتباس:

                          ڈاکٹر صاحب میں ایک عجیب بات تھی ۔۔۔۔۔۔ اپنے نزدیک سلایا کرتے تھے۔

                                                             حوالۂ متن:

                                         سبق کا عنوان:                      علی بخش

                                         مصنف کا نام:                      قدرت اللہ شہاب

                                                صنف:                      خاکہ نگاری

                                                  ماخذ:                       شہاب نامہ

                                                      خط کشیدہ الفاظ کے معانی:

                                 عجیب ۔۔۔۔ انوکھی۔                             جھٹکا لگنا ۔۔۔۔ دھچکا لگنا۔

                                ہدایت ۔۔۔۔ نصیحت، تاکید۔                    دبانا ۔۔۔۔ زور دینا۔

                                 نزدیک ۔۔۔۔ قریب۔

           سیاق و سباق:

                              تشریح طلب اقتباس درسی سبق " علی بخش " کے درمیان سے اخذ کیا گیا ہے۔ اس کا سیاق و سباق یہ ہے کہ علی بخش مصنف کو علامہ اقبالؒ کے حوالے سے بتاتا ہے کہ وہ رات کو دو اڑھائی بجے اٹھ کر نماز پڑھتے اور نماز کے بعد کافی دیر تک سجدے میں پڑے رہتے تھے۔ عبادت سے فراغت کے بعد وہ بستر پر آتے تو میں انھیں حقہ پیش کرتا۔ وہ درویش آدمی تھے۔ ان کے گھر کا سارا حساب کتاب میرے پاس ہوتا۔

               تشریح:     

                             قدرت اللہ شہاب اردو  کے نامور ادیب اور افسانہ نگار ہیں۔ انھوں نے علم و عمل کے میدان میں نمایاں کارنامے سرانجام دیے۔ وہ زبان و بیان پر دسترس رکھتے تھے۔ ان کا طرز تحریر انتہائی سادہ ہوتا  اور اپنے اندر جاذبیت اور دل کشی رکھتا تھا۔ " شہاب نامہ " ان کی خودنوشت ہے جو مقبول یادداشتوں کے مجموعے پر مشتمل ہے۔ درسی سبق " علی بخش " بھی شہاب نامہ سے اخذ کیا گیا ہے۔ اس سبق میں وہ علامہ اقبال کے دیرینہ اور وفادار ملازم علی بخش کی خدمات اور ان کی زندگی سے جڑے علامہ اقبال کے  حالات و واقعات کو اجاگر کرتے ہیں۔ 

                             تشریح طلب اقتباس میں مصنف کہتا ہے کہ علی بخش نے علامہ اقبالؒ سے وابستہ یادوں کو بیان کرتے ہوئے بتایا کہ میں نے علامہ اقبالؒ میں ایک عجیب بات دیکھی تھی۔ وہ بات یہ تھی کہ جب وہ رات کو سوئے ہوتے تو کبھی کبھی انھیں نیند میں جھٹکا سا لگتا تھا اور وہ بیدار ہوجاتے اور مجھے آواز دے کر بلاتے۔انھوں نے مجھے پہلے ہی ہدایت کر رکھی تھی کہ جب بھی ان کی ایسی کیفیت ہو تو میں فوراً ان کی گردن کی پچھلی رگوں اور پٹھوں کو دبا دیا کروں۔ چناں چہ میں ایسے موقع پر ان کے کہنے کے عین مطابق ان کی گردن کی پچھلی رگوں اور پٹھوں کو دبانا شروع کر دیتا۔ تھوڑی دیر کے بعد جب ان کی حالت ٹھیک ہوجاتی تو وہ مجھے پٹھے دبانے سے روک دیتے تھے اور میں انھیں دبانا چھوڑ دیتا تھا۔ یہی وجہ تھی کہ وہ ہمیشہ مجھے اپنے کمرے کے نزدیک ہی سلایا کرتے تھے۔ 

                                              ؎     ہمیں    کس    طرح    بھول پائے گی دنیا

                                                  کہ ڈھونڈے سے ہم سا نہ پائے گی دنیا

aufsurani.blogspot.com                                                          aufsurani.blogspot.com