پیراگراف نمبر10 علی بخش

 aufsurani.blogspot.com                                                           aufsurani.blogspot.com

                                                               سبق: علی بخش

                                    پیراگراف نمبر10

                                                                    اقتباس:

                          اب اس مربعے کے ٹنٹے کو دیکھ لیجیے ۔۔۔۔۔۔۔۔۔ ڈاکٹر صاحب کی برکت سے ہے۔

                                                                حوالۂ متن:

                                              سبق کا عنوان:                    علی بخش

                                               مصنف کا نام:                      قدرت اللہ شہاب

                                                      صنف:                      خاکہ نگاری

                                                        ماخذ:                      شہاب نامہ

                                                           خط کشیدہ الفاظ کے معانی:

                          ٹنٹا ۔۔۔۔ بکھیڑا، مسئلہ، جھگڑا۔                              مال افسر ۔۔۔۔ محکمہ مال کا ضلعی افسر۔

                          عملہ ۔۔۔۔ کسی محکمے کے ملازمین۔                          آؤ بھگت کرنا ۔۔۔۔ خاطر تواضع کرنا، عزت کرنا۔

                          اخلاق ۔۔۔۔ ادب، تمیز شعور۔                             پہچان لینا ۔۔۔۔ واقفیت ہوجانا، جان لینا۔

                          عزت ۔۔۔۔ قدر، احترام۔                                 برکت ۔۔۔۔ خوش بختی۔

            سیاق و سباق: 

                                 تشریح طلب اقتباس درسی سبق " علی بخش" کے آخری حصے سے اخذ کیا گیا ہے۔ اس کا سیاق و سباق یہ ہے کہ علی بخش مصنف کو علامہ اقبالؒ کے حوالے سے بتاتا ہے کہ ڈاکٹر صاحب بڑے درویش آدمی تھے۔ ان کے گھر کے خرچ کا حساب کتاب میرے پاس رہتا تھا۔ میں بڑی کفایت سے کام لیتا اور ان کا پیسا ضائع نہ کرتا۔ حتیٰ کہ سفر کے دوران ریلوے سٹیشن پر بھوک کے باوجود کھانا نہ کھاتا کیونکہ وہاں روٹی مہنگی ہوتی تھی۔ اس پر علامہ اقبالؒ  ناراض ہوتے اور کہتے کہ خواہ مخواہ بھوکے مت رہا کرو۔ایک مربع زمین کی بھاگ دوڑ میں میرے سر کچھ قرض چڑھ گیا ہے۔ اپنے کام کےلیے باربار لاہور نہیں چھوڑ سکتا۔ اس سے جاوید کا نقصان ہوتا ہے۔

                 تشریح:

                                قدرت اللہ شہاب اردو  کے نامور ادیب اور افسانہ نگار ہیں۔ انھوں نے علم و عمل کے میدان میں نمایاں کارنامے سرانجام دیے۔ وہ زبان و بیان پر دسترس رکھتے تھے۔ ان کا طرز تحریر انتہائی سادہ ہوتا  اور اپنے اندر جاذبیت اور دل کشی رکھتا تھا۔ " شہاب نامہ " ان کی خودنوشت ہے جو مقبول یادداشتوں کے مجموعے پر مشتمل ہے۔ درسی سبق " علی بخش " بھی شہاب نامہ سے اخذ کیا گیا ہے۔ اس سبق میں وہ علامہ اقبال کے دیرینہ اور وفادار ملازم علی بخش کی خدمات اور ان کی زندگی سے جڑے علامہ اقبال کے  حالات و واقعات کو اجاگر کرتے ہیں۔ 

                تشریح طلب اقتناس میں شاعرِ مشرق علامہ اقبالؒ کا دیرینہ ملازم علی بخش  مصنف قدرت اللہ شہاب کو اپنی ایک مربع زمین کے متعلق تفصیل بیان کرتا ہے جو حکومت نے انھیں لائل پور میں الاٹ کی تھی۔اس زمین پر کچھ شریر لوگوں نے قبضہ کر رکھا تھا۔ زمین کے اس مسئلے کو بیان کرتے ہوئے علی بخش نے مصنف سے کہا کہ اس ایک مربع زمین کے قبضے کےلیے میں جب بھی لائل پور ( موجودہ فیصل آباد) گیا تو وہاں کا ڈپٹی کمشنر، محکمہ مال کا افسر اور باقی سارے ملازمین مجھ سے اچھے طریقے سے پیش آتے ہیں اور میری عزت افزائی کرتے ہیں۔ سب مجھ سے حسن سلوک کا رویہ رکھتے ہیں اور  بڑے احترام کے ساتھ مجھے اپنے برابر کرسی پر بٹھاتے ہیں۔ حدیث مبارکہ ہے:

                                    " تم میں سے اچھا وہ ہے جس کا اخلاق سب سے اچھا ہو ۔" (مسلم)

                   علی بخش مزید کہتا ہے کہ ایک دن ایسا ہوا کہ میں کسی کام کے سلسلے میں بازار گیا تو وہاں پولیس کے ایک انسپکٹر نے مجھے پہچان لیا۔ اس نے بڑی عقیدت اور چاہت کے ساتھ مجھے گلے لگایا۔ وہ میرے گلے لگ کر کافی دیر تک روتا رہا۔ اس کی مجھ سے یہ عقیدت علامہ اقبالؒ کی وجہ سے تھی اور علامہ اقبالؒ ہی کی وجہ سے مجھے یہ ساری  عزت اور قدرومنزلت ملی ہوئی تھی۔ بقول شاعر:

                                             ؎      ہمیں    کس    طرح    بھول پائے گی دنیا

                                                   کہ ڈھونڈے سے ہم سا نہ پائے گی دنیا

aufsurani.blogspot.com                                                           aufsurani.blogspot.com