پیراگراف نمبر7 علی بخش

 aufsurani.blogspot.com                                                    aufsurani.blogspot.com

                                                          سبق: علی بخش

                                پیراگراف نمبر7

                                                               اقتباس:

                             ڈاکٹر صاحب عام طور پر مجھے ۔۔۔۔۔۔۔ اسی طرح کروٹیں بدلتے رہتے تھے۔

                                                          حوالۂ متن:

                                      سبق کا عنوان:                      علی بخش

                                      مصنف کا نام:                       قدرت اللہ شہاب

                                              صنف:                      خاکہ نگاری

                                                 ماخذ:                       شہاب نامہ

                                                    خط کشیدہ الفاظ کے معانی:

                        عام طور پر ۔۔۔۔ عموماً۔                                    نزدیک ۔۔۔۔ قریب۔

                        دبے پاؤں ۔۔۔۔ چپکے سے۔                                جانماز ۔۔۔۔ مصلیٰ، سجادہ۔

                        سجدے میں پڑنا ۔۔۔۔ اللہ کے حضور سر جھکانا۔            فارغ ہونا ۔۔۔۔ فراغت پانا، فرصت پانا۔

                        آلیٹنا ۔۔۔۔ سوجانا، آرام کرنا۔                              کش لگانا ۔۔۔۔ حقہ یا سگریٹ پینا۔

                        آنکھ لگنا ۔۔۔۔ نیند آنا۔                                     کروٹیں بدلنا ۔۔۔۔ پہلو بدلنا۔ 

         سیاق و سباق:

                              تشریح طلب اقتباس درسی سبق " علی بخش " کے درمیان سے اخذ کیا گیا ہے۔ اس کا سیاق و سباق یہ ہے کہ گاڑی میں سفر کے دوران مصنف قدرت اللہ شہاب نے علامہ اقبالؒ کے دیرینہ ملازم علی بخش سے پوچھا کہ کیا آپ کو علامہ اقبالؒ کے کچھ شعر یاد ہیں؟ علی بخش نے جواب میں کہا کہ میں ان پڑھ جاہل ہوں۔ مجھے ان باتوں کی کیا عقل۔ " کبھی اے حقیقت منتظر" والا کچھ یاد ہے۔ ڈاکٹر صاحب خود بھی اس کو گنگناتے رہتے تھے۔علی بخش نے مزید بتایا کہ علامہ اقبالؒ  مجھے اپنے کمرے کے نزدیک سلایا کرتے تھے۔

            تشریح:     

                            قدرت اللہ شہاب اردو   کے نامور ادیب افسانہ نگار ہیں۔ انھوں نے علم و عمل کے میدان میں نمایاں کارنامے سرانجام دیے۔ وہ زبان و بیان پر دسترس رکھتے تھے۔ ان کا طرز تحریر انتہائی سادہ ہوتا  اور اپنے اندر جاذبیت اور دل کشی رکھتا تھا۔ " شہاب نامہ " ان کی خودنوشت ہے جو مقبول یادداشتوں کے مجموعے پر مشتمل ہے۔ درسی سبق " علی بخش " بھی شہاب نامہ سے اخذ کیا گیا ہے۔ اس سبق میں وہ علامہ اقبال کے دیرینہ اور وفادار ملازم علی بخش کی خدمات اور ان کی زندگی سے جڑے علامہ اقبال کے  حالات و واقعات کو اجاگر کرتے ہیں۔ 

                 تشریح طلب اقتباس میں مصنف ، علی بخش کی علامہ اقبالؒ کے ساتھ وابستہ یادوں کو بیان کر رہا ہے جس کا احوال علی بخش خود مصنف کو دے رہا تھا۔ علی بخش نے بتایا کہ علامہ اقبالؒ  عام طور پر مجھے اپنے کمرے کے بالکل قریب ہی سلایا کرتے تھے۔اس کی وجہ یہ تھی کہ کسی بھی ضرورت کے وقت وہ  فوری بلا لیتے تھے۔ علامہ اقبالؒ بہت ہی پرہیزگار اور خوف خدا رکھنے والی شخصیت تھے۔ یہی وجہ ہے کہ وہ رات کو تقریباً دو اڑھائی بجے چپکے سے اٹھتے، وضو کرتے اور تہجد کی نماز ادا کرنے کےلیے مصلیٰ پر جا بیٹھتے تھے۔ نماز پڑھ کر کافی دیر تک اللہ تعالیٰ کے حضور سجدے میں پڑے رہتے تھے۔ 

                                             ؎     یہ اک سجدہ    جسے تُو    گراں سمجھتا ہے

                                                ہزار سجدے سے دیتا ہے آدمی کو نجات

                    علامہ اقبالؒ اللہ تعالیٰ کی یاد سے کبھی غافل نہ ہوتے تھے۔یہی وجہ ہے کہ وہ رات کوبہت دیر تک اللہ کی عبادت میں مصروف رہتے تھے۔ عبادت سے فراغت حاصل کرنے کے بعد وہ اپنے بستر پر لیٹ جاتے۔علی بخش اپنی بات کو جاری رکھتے ہوئے کہتا ہے کہ علامہ اقبالؒ  جیسے ہی اپنے بستر پر آتے تو میں تازہ دم حقہ ان کے پاس رکھ دیتا تھا۔وہ کبھی حقے کا ایک گھونٹ بھرتے اور کبھی دوکش لگاتے۔کبھی ان کو نیند آجاتی۔ کبھی صبح تک جاگتے رہتے اور کروٹیں بدلتے رہتے تھے۔ 

                                         ؎     ہزاروں سال نرگسس اپنی بےنوری پہ روتی ہے

                                            بڑی مشکل سے ہوتا ہےچمن میں دیدہ ور پیدا

aufsurani.blogspot.com                                                                   aufsurani.blogspot.com

پیراگراف نمبر6 علی بخش

 aufsurani.blogspot.com                                                                     aufsurani.blogspot.com

                                                                    سبق: علی بخش

                                            پیراگراف نمبر6

                                                                        اقتباس:

                                صاحب! جب ڈاکٹر صاحب نے دم دیا ۔۔۔۔۔۔۔ لیکن وہ رخصت ہوگئے تھے۔

                                                                    حوالۂ متن: 

                                                سبق کا عنوان:                        علی بخش

                                                  مصنف کا نام:                      قدرت اللہ شہاب

                                                          صنف:                      خاکہ نگاری

                                                             ماخذ:                       شہاب نامہ

                                                               خط کشیدہ الفاظ کے معانی:

                                   دم دینا ۔۔۔۔ وفات پانا۔                                    قریب ۔۔۔۔ نزدیک۔

                                  فروٹ سالٹ ۔۔۔۔ بدہضمی دور کرنے کی دوا۔             طبیعت ۔۔۔۔ حالت۔

                                  بحال ہونا ۔۔۔۔ بہتر ہونا۔                                  طبیعت بحال ہونا ۔۔۔۔ حالت بہتر ہونا۔

                                  عین ۔۔۔۔ بالکل۔                                          چمک ۔۔۔۔ روشنی۔

                                  جھنجھوڑنا ۔۔۔۔  زور سے ہلانا، حرکت دینا۔                  رخصت ہونا ۔۔۔۔ وفات پاجانا۔

                سیاق و سباق:

                                      تشریح طلب اقتباس درسی سبق " علی بخش" کے درمیان سے اخذ کیا گیا ہے۔ اس کا سیاق و سباق یہ ہے کہ مصنف کے ساتھ گاڑی میں بیٹھا علامہ اقبالؒ کا دیرینہ ملازم علی بخش، علامہ اقبالؒ سے جڑی یادوں کو تازہ کرتا ہے۔اس کی باتوں میں قصے کہانیوں کا رنگ نہیں بلکہ نشے کی سی کیفیت ہوتی ہے۔وہ علامہ اقبالؒ کی وفات کا واقعہ بیان کرتا ہے تو گاڑی میں ایک لمحے کےلیے سکوت طاری ہوجاتا ہے اس پر مصنف علی بخش کا موڈ بدلنے کےلیے اس سے سوال کرتا ہے کہ کیا اسے علامہ اقبالؒ کے کچھ اشعار یاد ہیں۔

                       تشریح:

                                      قدرت اللہ شہاب اردو  کے نامور ادیب اور افسانہ نگار ہیں۔ انھوں نے علم و عمل کے میدان میں نمایاں کارنامے سرانجام دیے۔ وہ زبان و بیان پر دسترس رکھتے تھے۔ ان کا طرز تحریر انتہائی سادہ ہوتا  اور اپنے اندر جاذبیت اور دل کشی رکھتا تھا۔ " شہاب نامہ " ان کی خودنوشت ہے جو مقبول یادداشتوں کے مجموعے پر مشتمل ہے۔ درسی سبق " علی بخش " بھی شہاب نامہ سے اخذ کیا گیا ہے۔ اس سبق میں وہ علامہ اقبال کے دیرینہ اور وفادار ملازم علی بخش کی خدمات اور ان کی زندگی سے جڑے علامہ اقبال کے  حالات و واقعات کو اجاگر کرتے ہیں۔ 

                         تشریح طلب اقتباس میں مصنف علامہ اقبالؒ کی وفات کے وقت کے حالات کو اجاگر کرتا ہے جو علی بخش نے گاڑی میں سفر کے دوران مصنف کو بتائے تھے۔علی بخش نے مصنف کو مخاطب ہوکر کہا کہ صاحب جی! جب ڈاکٹر علامہ محمد اقبالؒ نے وفات پائی تو اس وقت میں ان کے پاس ہی موجود تھا۔ اس وقت علامہ اقبالؒ کی طبیعت قدرے ناساز ہوئی تو میں نے انھیں صبح سویرے ہاضمے کی درستی کےلیے فروٹ سالٹ پلایا اور انھیں تسلی دیتے ہوئے کہا کہ آپ کی طبیعت بالکل ٹھیک ہوجائے گی مگر صبح پانچ بج کر دس منٹ پر ان کی طبیعت میں بدلاؤ آیا۔ ان کی آنکھوں میں ایک تیز اور نیلی سی چمک نمودار ہوئی اور ان کی زبان سے اللہ کا نام جاری ہوگیا۔ انھوں نے اللہ ہی اللہ کا ورد کرنا شروع کر دیا۔

                            علی بخش اپنی بات کو جاری رکھتے ہوئے کہتا ہے کہ میں نے فوراً ان کا سر اپنی چھاتی پر رکھ دیا اور انھیں زور زور سے ہلایا مگر افسوس کہ وہ اس فانی دنیا کو خیر آباد کہ کر خالق حقیقی سے جا ملے تھے۔ بقول شاعر:

                                                       ؎     آج تک اس کی محبت کا نشہ طاری ہے

                                                         پھول باقی نہیں خوشبو کا سفر جاری ہے

  aufsurani.blogspot.com                                                                   aufsueani.blogspot.com

     

پیراگراف نمبر5 علی بخش

 aufsurani.blogspot.com                                               aufsurani.blogspot.com

                                                       سبق: علی بخش

                               پیراگراف نمبر5

                                                            اقتباس: 

                          اب علی بخش کا ذہن بڑی تیزی ۔۔۔۔۔۔۔ روحانی تسکین نہیں ملتی۔

                                                         حوالۂ متن:

                                       سبق کا عنوان:                   علی بخش

                                       مصنف کا نام:                    قدرت اللہ شہاب

                                              صنف:                    خاکہ نگاری

                                                ماخذ:                     شہاب نامہ

                                                خط کشیدہ الفاظ کے معانی:

                       ذہن ۔۔۔۔ سوچ، فہم۔                               مرکز ۔۔۔۔ وسط، بنیادی نقطۂ نظر۔

                      سادگی ۔۔۔۔ سیدھا سادہ انداز۔                        قصہ ۔۔۔۔ کہانی، حکایت۔

                      نشہ ۔۔۔۔ خماری۔                                     کیفیت ۔۔۔۔ حالت۔

                      نشے کی کیفیت ۔۔۔۔ خماری کی حالت۔               روحانی ۔۔۔۔ باطنی، قلبی۔

                       تسکین ۔۔۔۔آرام ، سکون                            روحانی تسکین ۔۔۔۔ روح کو راحت ملنا۔

        سیاق و سباق: 

                            تشریح طلب اقتباس درسی سبق " علی بخش "کے درمیان سے اخذ کیا گیا ہے۔ اس کا سیاق و سباق یہ ہے کہ علی بخش علامہ اقبالؒ  سے وابستہ یادیں مصنف کے سامنے رکھ رہا تھا۔ وہ بتا رہا تھا کہ علامہ اقبالؒ کو پلاؤ اور سیخ کباب پسند تھے۔ وہ آم بھی شوق سے کھاتے تھے۔ جب ان کا گلا پہلی بار بیٹھا تو کھانا پینا کم ہوگیا تھا۔ علی بخش اپنی مکمل توجہ علامہ اقبالؒ سے وابستہ اپنی یادوں پر مرکوز کر رکھی تھی۔ وہ بتا رہا تھا کہ جب علامہ اقبالؒ نے دم دیا تو میں ان کے بالکل قریب تھا۔ 

             تشریح:

                            قدرت اللہ شہاب اردو زبان کے نامور ادیب اور افسانہ نگار ہیں۔ انھوں نے علم و عمل کے میدان میں نمایاں کارنامے سرانجام دیے۔ وہ زبان و بیان پر دسترس رکھتے تھے۔ ان کا طرز تحریر انتہائی سادہ ہوتا  اور اپنے اندر جاذبیت اور دل کشی رکھتا تھا۔ " شہاب نامہ " ان کی خودنوشت ہے جو مقبول یادداشتوں کے مجموعے پر مشتمل ہے۔ درسی سبق " علی بخش " بھی شہاب نامہ سے اخذ کیا گیا ہے۔ اس سبق میں وہ علامہ اقبال کے دیرینہ اور وفادار ملازم علی بخش کی خدمات اور ان کی زندگی سے جڑے علامہ اقبال کے  حالات و واقعات کو اجاگر کرتے ہیں۔ 

                          تشریح طلب اقتباس میں مصنف علامہ اقبالؒ کے دیرینہ ملازم علی بخش کی علامہ اقبالؒ  سے انسیت اور لگاؤ کو بیان کرتا ہے۔ مصنف کہتا ہے کہ علامہ اقبالؒ کی زندگی سے جڑے واقعات کو بیان کرنے کے دوران علی بخش کا دماغ اب بڑی تیزی کے ساتھ علامہ اقبالؒ  کے ساتھ گزری یادوں میں کھویا ہوا تھا اور ان یادوں کو تازہ کر رہا تھا۔ وہ ان بیتے واقعات کو بڑے سادہ انداز کے ساتھ بیان کر رہا تھا۔ اس کے اندازِ بیان سے علامہ اقبالؒ سے اس کی عقیدت و محبت نمایاں دکھائی دے رہی تھی۔اس کا طرزِ بیان  روایتی نہیں تھا اور نہ ہی اس کی باتوں میں ایسا رنگ تھا جیسے کوئی رسمی انداز میں قصے، کہانی اور واقعات سنا رہا ہو۔

                اس کی باتوں میں ایک سرور، مستی اور نشے جیسی کیفیت تھی اور یہ علامہ اقبالؒ سے والہانہ عقیدت و محبت کا نشہ اور سرور تھا۔ بقول شاعر:

                                         ؎       آج تک اس کی محبت کا نشہ طاری ہے

                                              پھول باقی نہیں خوشبو کا سفر جاری ہے

جس طرح ایک نشہ کرنے والا اپنی کیفیت دوسروں سے  چھپا نہیں سکتا بالکل اسی طرح علی بخش بھی علامہ اقبالؒ سے اپنی عقیدت اور ان سے وابستہ یادوں کو جب تک آگے نہ پہنچاتا اس وقت تک اسے ذہنی اور روحانی سکون نہیں ملتا تھا۔ بقول شاعر: 

                                                 ؎     پیار خوشبو ہے چھپائے نہ بنے

                                                    بات نکلی تو    بکھر    جائے گی

aufsurani.blogspot.com                                               aufsurani.blogspot.com

             

پیراگراف نمبر4 علی بخش

 aufsurani.blogspot.com                                               aufsurani.blogspot.com

                                                      سبق: علی بخش 

                              پیراگراف نمبر4

                                                             اقتباس:

                              میری توقع پوری ہوتی ہے ۔۔۔۔۔۔۔ ڈاکٹر صاحب بھی یہی کہا کرتے تھے۔

                                                         حوالۂ متن:

                                     سبق کا عنوان:                    علی بخش

                                       مصنف کا نام:                   قدرت اللہ شہاب

                                              صنف:                  خاکہ نگاری

                                                 ماخذ:                   شہاب نامہ

                                                خط کشیدہ الفاظ کے معانی:

                               توقع ۔۔۔۔ امید ۔                                   پریشان کن ۔۔۔۔ پریشان کرنے والی۔

                            گھورنا ۔۔۔۔ بغور دیکھنا، ٹکٹکی باندھ کر دیکھنا۔       عجیب ۔۔۔۔ انوکھا۔

                            سینما ۔۔۔۔ فلموں کی نمائش گاہ۔                    بھیڑ بھاڑ ۔۔۔۔ ہجوم۔

                            بُڑبُڑانا ۔۔۔۔ آہستہ آہستہ بولنا، زیرِلب بولنا۔

     سیاق و سباق: 

                        تشریح طلب اقتباس درسی سبق " علی بخش " کے درمیان سے اخذ کیا گیا ہے۔ اس کا سیاق و سباق یہ ہے کہ علی بخش جب گاڑی میں مصنف قدرت اللہ شہاب کے ساتھ بیٹھا تو مصنف نے عزم کرلیا کہ وہ علی بخش سے علامہ اقبالؒ کے متعلق کچھ نہیں پوچھے گا۔ اگر علامہ اقبالؒ علی بخش کی زندگی کا جزو ہیں تو یہ جوہر عشق و مشک کی طرح عیاں ہوکر ہی رہے گا۔ بالآخر ایسا ہی ہوا سینما کے سامنے سے گزرتے ہوئے علی بخش خود ہی بول پڑا اور جب مصنف نے پان خریدا تو علی بخش نے بتایا کہ علامہ اقبالؒ پان پسند نہیں کرتے تھے۔وہ حقہ خوب پیتے تھے۔

           تشریح:      

                         قدرت اللہ شہاب اردو زبان  کے نامور ادیب اور افسانہ نگار ہیں۔ انھوں نے علم و عمل کے میدان میں نمایاں کارنامے سرانجام دیے۔ وہ زبان و بیان پر دسترس رکھتے تھے۔ ان کا طرز تحریر انتہائی سادہ ہوتا  اور اپنے اندر جاذبیت اور دل کشی رکھتا تھا۔ " شہاب نامہ " ان کی خودنوشت ہے جو مقبول یادداشتوں کے مجموعے پر مشتمل ہے۔ درسی سبق " علی بخش " بھی شہاب نامہ سے اخذ کیا گیا ہے۔ اس سبق میں وہ علامہ اقبال کے دیرینہ اور وفادار ملازم علی بخش کی خدمات اور ان کی زندگی سے جڑے علامہ اقبال کے  حالات و واقعات کو اجاگر کرتے ہیں۔

                     تشریح طلب اقتباس میں مصنف قدرت اللہ شہاب علی بخش کے ساتھ ہونے والے اپنے سفر کے حوالے سے بتاتا ہے کہ دورانِ سفر میں نے یہ پختہ ارادہ کرلیا تھا کہ علی بخش خود ہی علامہ اقبالؒ کے بارے میں کچھ بتائے گا تو ٹھیک ورنہ میں اس سے علامہ اقبالؒ کے بارے میں کچھ نہ پوچھوں گا۔ مصنف کہتا ہے کہ سفر کے دوران میں بالکل خاموش رہا اور علی بخش نے بھی کوئی بات نہ کی۔ گاڑی میں سکوت کی کیفیت طاری تھی۔ یہ خاموشی اور سکوت میرے اور علی بخش دونوں کےلیے پریشانی کا سبب بن رہی تھی کیونکہ میں اس امید میں بیٹھا تھا کہ علی بخش خود ہی بولے گا اور علامہ اقبالؒ کے حوالے سے کچھ بتائے گا جبکہ علی بخش یہ سوچ رہا تھا کہ میں ہی اس سے علامہ اقبالؒ کے متعلق کچھ پوچھوں گا۔ چناں چہ کچھ لمحے کی پریشان کر دینے والی خاموشی کے بعد علی بخش میری طرف بغور دیکھنے لگا۔اس نے مجھے تکتے ہوئے دل میں سوچا کہ یہ عجیب آدمی ہے جو ڈاکٹر علامہ محمد اقبالؒ  کے بارے میں کچھ پوچھتا ہی نہیں۔ 

                مصنف کہتا ہے کہ جب علی بخش نے دیکھا کہ میں بالکل ہی خاموش ہوں تو اس نے خود ہی خاموشی توڑ دی۔ سینما کے سامنے لوگوں کا ہجوم دیکھ کر اس نے آہستہ سے اپنی بات کا آغاز کر ہی دیا۔ وہ کہنے لگا کہ لوگوں کا جتنا ہجوم فلم دیکھنے کےلیے سینما کے سامنے ہوتا ہے اتنا مسجدوں کے سامنے کبھی نظر نہیں آتا۔ علامہ اقبالؒ لوگوں کے اس رویے کو ناپسند کرتے تھے۔ وہ بھی یہی کہتے تھے کہ جتنا لوگ سینما میں فلم بینی کی طرف رجوع کرتے ہیں اتنا مسجد میں جاکر اللہ تعالیٰ سے رجوع نہیں کرتے۔اس لیے مسجد کی نسبت سینما میں لوگوں کا ہجوم زیادہ ہوتا ہے۔ بقول اقبالؒ :  

                                               ؎   مسجد تو بنا دی شب بھر میں، ایماں کی حرارت والوں نے

                                                من اپنا    پرانا پاپی    ہے ، برسوں   سے    نمازی  بن نہ سکا

       aufsurani.blogspot.com                                                    aufsurani.blogspot.com

               

              

پیراگراف نمبر3 علی بخش

 aufsurani.blogspot.com                                                                     aufsurani.blogspot.com

                                                                        سبق: علی بخش

                                                پیراگراف نمبر3

                                                                        👌  اقتباس: 

                                         لیکن خواجہ صاحب کے اصرار پر وہ ۔۔۔۔۔۔ مُشک کی طرح ہو کر رہے گا۔

                                                                  👌    حوالۂ متن:

                                                        سبق کا عنوان:                    علی بخش

                                                         مصنف کا نام:                      قدرت اللہ شہاب

                                                                صنف:                      خاکہ نگاری

                                                                  ماخذ:                       شہاب نامہ

                                                            👌     خط کشیدہ الفاظ کے معانی:

                                      اصرار ۔۔۔۔ ضد، زور دینا۔                                 آمادہ ۔۔۔۔ تیار۔

                                      غالباً ۔۔۔۔ شاید۔                                           وہم ۔۔۔۔ گمان، شک۔

                                      سرکھپانا ۔۔۔۔ تنگ کرنا، پریشان کرنا۔                     عزم ۔۔۔۔ پختہ ارادہ۔

                                      جزو ۔۔۔۔ حصہ۔                                          جوہر ۔۔۔۔ خوبی، خاصیت۔

                                      عشق ۔۔۔۔ جنون، جذبہ۔                                  مشک ۔۔۔۔ کستوری۔

                 👌 سیاق وسباق:

                                           تشریح طلب اقتباس درسی سبق " علی بخش " کے ابتدائی حصے سے اخذ کیا گیا ہے۔ اس کاسیاق وسباق یہ ہے کہ لاہور کے معروف بیرسٹر خواجہ عبدالرحیم نے علی بخش کو زمین کے قبضے کے سلسلے میں مصنف قدرت اللہ شہاب کےساتھ جھنگ جانے کوکہا تو علی بخش جانے سے ہچکچایااور کہا کہ میں زمین کے قبضے کےلیے کب تک مارا مارا پھروں گا۔ قبضہ نہیں ملتا تو کھائے کڑھی۔ لاہور جاتا ہوں تو جاوید کا نقصان ہوتا ہے۔ علی بخش نہ چاہتے ہوئے بھی جانے پر رضامند ہوگیا۔مصنف کہتا ہے کہ گاڑی میں سفر کےدوران علی بخش مجھے گھورنے لگا کہ عجیب شخص ہے جو علامہ اقبالؒ کے متعلق کچھ پوچھتا ہی نہیں۔

                       👌 تشریح:

                                            قدرت اللہ شہاب اردو زبان  کے نامور ادیب اور افسانہ نگار ہیں۔ انھوں نے علم و عمل کے میدان میں نمایاں کارنامے سرانجام دیے۔ وہ زبان و بیان پر دسترس رکھتے تھے۔ ان کا طرز تحریر انتہائی سادہ ہوتا  اور اپنے اندر جاذبیت اور دل کشی رکھتا تھا۔ " شہاب نامہ " ان کی خودنوشت ہے جو مقبول یادداشتوں کے مجموعے پر مشتمل ہے۔ درسی سبق " علی بخش " بھی شہاب نامہ سے اخذ کیا گیا ہے۔ اس سبق میں وہ علامہ اقبال کے دیرینہ اور وفادار ملازم علی بخش کی خدمات اور ان کی زندگی سے جڑے علامہ اقبال کے  حالات و واقعات کو اجاگر کرتے ہیں۔ 

                       تشریح طلب اقتباس میں مصنف قدرت اللہ شہاب کہتا ہے کہ علی بخش کی زمین پر شریر لوگوں نے قبضہ کر رکھا تھا۔ اس قبضے کو واگزار کرانے کی غرض سے جب خواجہ عبدالرحیم نے علی بخش کو میرے ساتھ جھنگ چلنے کو کہا تو علی بخش نے پہلے تو انکار کیا مگر خواجہ صاحب کی بار بار تاکید پر وہ میرے ساتھ کچھ وقت کےلیے جھنگ جانے پر رضامند ہوگیا۔ جب وہ میرے ساتھ گاڑی میں بیٹھ گیا تو میرے دل میں خیال آیا کہ علی بخش دل ہی دل میں شاید یہ سوچ اور گمان لیے بیٹھا ہوگا کہ میں بھی اس سے دوسرے لوگوں کی طرح علامہ اقبالؒ کے متعلق باتیں پوچھ پوچھ کر دوران سفر اسے ذہنی طور پر پریشان کروں گا۔اس خیال کے آتے ہی میں نے پختہ ارادہ کرلیا کہ میں علی بخش سے علامہ اقبالؒ کے بارے میں کچھ بھی نہیں پوچھوں گا۔ اگر علامہ اقبالؒ  واقعی علی بخش کی زندگی کا لازمی حصہ ہیں اور علی بخش کو ان سے سچ مچ میں لگاؤ تھا تو وہ علامہ اقبالؒ سے وابستہ یادوں کو خود ہی بیان کرنا شروع کر دے گا۔ بقول شاعر:

                                                            ؎       پیار خوشبو ہے چھپائے نہ بنے

                                                                  بات    نکلی   تو    بکھر جائے گی

ایک انسان کو جس شخص سے بھی لگاؤ ہوتا ہے، وہ اسے بالکل بھی نہیں بھولتا۔ اس سے جڑی یادیں اسے بےچین کرتی ہیں کہ وہ دوسروں کو بھی اپنی ان یادوں میں شامل کرے۔ اس لیے یہ جذبہ عشق اور مشک کی خوش بو کی طرح خود بخود ہی عیاں ہو ہی جاتا ہے۔ جیسا کہ مقولہ ہے:

                                                                       "   عشق اور مشک  کبھی چھپائے نہیں چھپتے۔"

aufsurani.blogspot.com                                                                              aufsurani.blogspot.com

پیراگراف نمبر2 علی بخش

 aufsurani.blogspot.com                                                                     aufsurani.blogspot.com

                                                                         سبق: علی بخش 

                                                پیراگراف نمبر2

                                                                    👌     اقتباس : 

                                                علی بخش کسی قدر ہچکچایا ۔۔۔۔۔۔۔ بابا کن جھگڑوں میں پڑ گیا ہے۔

                                                                👌     حوالۂ متن:

                                                     سبق کا عنوان:                      علی بخش 

                                                    مصنف کا نام:                       قدرت اللہ شہاب

                                                           صنف:                        خاکہ نگاری

                                                             ماخذ:                        شہاب نامہ

                                                          👌   خط کشیدہ الفاظ کے معانی:

                         ہچکچانا ۔۔۔۔ تامل کرنا، تردد کرنا، کترانا، جھجھکنا۔                         سوچیے ۔۔۔۔ غوروفکر کیجیے۔

                        قبضہ ۔۔۔۔ گرفت، تصرف۔                                           مارا مارا پھرنا ۔۔۔۔ سرگرداں، ٹھوکریں کھانا۔

                        کھائے کڑھی ۔۔۔۔ بھاڑ میں جائے، جہنم میں جائے۔                 نقصان ۔۔۔۔ زیاں، خسارہ۔

                        جھگڑوں ۔۔۔۔ قضیوں، مسئلوں۔

       👌   سیاق و سباق: 

                                  تشریح طلب اقتباس درسی سبق " علی بخش " کے ابتدائی حصے سے اخذ کیا گیا ہے۔اس کا سیاق و سباق یہ ہے کہ مصنف، علامہ اقبال کے دیرینہ اور وفادار ملازم علی بخش کے متعلق بتاتا ہے کہ اس کی زمین پر شریر لوگوں نے  قبضہ کیا ہوا تھا۔ خواجہ عبدالرحیم اس قبضے کو واگزار کراناچاہتے تھے اس لیے وہ مجھے جاویدمنزل لے گئے اور علی بخش سے میرا تعارف کراتے ہوئے کہا کہ یہ جھنگ کے ڈپٹی کمشنر ہیں۔ تم ان کے ساتھ چلو۔ یہ جلد تمھاری زمین کا قبضہ دلوا دیں گے۔ علی بخش پہلے تو ہچکچایا مگر  پھر خواجہ صاحب کے اصرار پر ایک آدھ روز کےلیے جھنگ چلنے پر آمادہ ہوگیا۔

            👌     تشریح:

                                   قدرت اللہ شہاب اردو زبان کے نامور ادیب اور افسانہ نگار ہیں۔ انھوں نے علم و عمل کے میدان میں نمایاں کارنامے سرانجام دیے۔ وہ زبان و بیان پر دسترس رکھتے تھے۔ ان کا طرز تحریر انتہائی سادہ ہوتا  اور اپنے اندر جاذبیت اور دل کشی رکھتا تھا۔ " شہاب نامہ " ان کی خودنوشت ہے جو مقبول یادداشتوں کے مجموعے پر مشتمل ہے۔ درسی سبق " علی بخش " بھی شہاب نامہ سے اخذ کیا گیا ہے۔ اس سبق میں وہ علامہ اقبال کے دیرینہ اور وفادار ملازم علی بخش کی خدمات اور ان کی زندگی سے جڑے علامہ اقبال کے  حالات و واقعات کو اجاگر کرتے ہیں۔

                    تشریح طلب اقتباس میں مصنف قدرت اللہ شہاب ، علی بخش کے حوالے سے اپنی روداد بیان کررہا ہے۔ مصنف کہتا ہے کہ جب لاہور کے مشہور بیرسٹر خواجہ عبدالرحیم نے علی بخش کو زمین کے قبضے کےلیے میرے ساتھ چلنے کو کہا تو علی بخش میرے ساتھ چلنے پر آمادہ نہیں تھا۔ اس لیے اس نے تردد اور جھجھک کا اظہار کیا۔ علی بخش جانتا تھا کہ قبضہ مافیا سے زمین حاصل کرنا آسان کام نہیں ہے اس لیے اس نے کہا کہ آپ مجھے یہاں سے لے تو جاناچاہتے ہیں مگر آپ اس بات  پر بھی غوروفکر کیجیے کہ زمین کا قبضہ مجھے کیونکر مل سکے گا اور میں کب تک اس زمین کے قبضے کےلیے ٹھوکریں کھاتا پھروں گا۔

                    علی بخش کو اپنی زمین کے قبضے سے زیادہ علامہ اقبال کے گھر اور ان کے بیٹے جاوید اقبال کی فکر تھی۔اس لیے اس نے دوٹوک انداز میں کہا کہ  زمین کا قبضہ اگر نہیں ملتا تو مجھے اس کی کوئی فکر نہیں۔ یہ زمین اور اس کا قبضہ جائے بھاڑ میں۔ میں اس کےلیے لاہور چھوڑ کر نہیں جاسکتا کیونکہ اگر میں اپنی زمین کے چکروں میں پڑا رہا تو لاہور میں جاوید اقبال کے کاموں کا حرج ہوگا۔ وہ پریشانی کا شکار ہوگا اور سوچے گا کہ پتا نہیں بابا علی بخش  کن مسائل اور جھگڑوں میں الجھا ہوا ہے کہ اسے ہماری پروا ہی نہیں اور اس کے بغیر گھر کے معاملات سنبھالنا بہت مشکل ہوچکا ہے۔ بقول شاعر:

                                                          ؎       ہمیں کس طرح    بھول    پائے گی   دنیا

                                                               کہ ڈھونڈے سے ہم سا نہ پائے گی دنیا

aufsurani.blogspot.com                                                                         aufsurani.blogspot.com

پیراگراف نمبر1 علی بخش

 aufsurani.blogspot.com                                                                             aufsurani.blogspot.com

                                                                      سبق: علی بخش

                                              پیراگراف نمبر1

                                                                  👌      اقتباس: 

                                          ایک روز میں کسی کام سے لاہور ۔۔۔۔۔۔۔ ناجائز طور پر قابض ہیں۔

                                                                  👌  حوالۂ متن:

                                                    سبق کا عنوان:                      علی بخش

                                                     مصنف کا نام:                      قدرت اللہ شہاب

                                                            صنف:                      خاکہ نگاری

                                                              ماخذ:                      شہاب نامہ

                                                          👌  خط کشیدہ الفاظ کے معانی:

                                ملاقات ہونا ۔۔۔۔ میل میلاپ ہونا، بات چیت ہونا۔                    دیرینہ ۔۔۔۔ پرانا، تجربہ کار۔

                                وفادار ۔۔۔۔ باوفا، مخلص، خیرخواہ۔                                        ایک مربع ۔۔۔۔ پچیس ایکڑ اراضی۔

                                 شریر ۔۔۔۔ شرارتی، فسادی۔                                              ناجائز ۔۔۔۔ غیرقانونی و غیراخلاقی۔

                                قابض ہونا ۔۔۔۔ تسلط جمانا۔

              👌 سیاق و سباق:

                                    تشریح طلب اقتباس درسی سبق " علی بخش " کا ابتدائی اقتباس ہے۔مصنف کہتا ہے کہ میری ملاقات لاہور میں خواجہ عبدالرحیم سے ہوئی ۔انھوں نے مجھے علامہ اقبالؒ کے وفادار ملازم علی بخش سے ملوایا۔ وہ چاہتے تھے کہ میں علی بخش کو حکومت سے ملنے والی ایک مربع زمین کا شریر لوگوں سے قبضہ واگزار کراؤں۔ اس مقصد کےلیے انھوں نے میرا علی بخش سے تعارف کرایا اور علی بخش کو بھی زمین کے قبضے کی غرض سے میرے ساتھ جھنگ چلنے پر آمادہ کیا۔ علی بخش پہلے تو ہچکچایا مگر خواجہ صاحب کے اصرار پر ایک آدھ دن کےلیے جھنگ  چلنے کےلیے تیار ہوگیا۔

                  👌  تشریح:

                                       قدرت اللہ شہاب اردو زبان کے نامور ادیب اور افسانہ نگار ہیں۔ انھوں نے علم و عمل کے میدان میں نمایاں کارنامے سرانجام دیے۔ وہ زبان و بیان پر دسترس رکھتے تھے۔ ان کا طرز تحریر انتہائی سادہ ہوتا  اور اپنے اندر جاذبیت اور دل کشی رکھتا تھا۔ " شہاب نامہ " ان کی خودنوشت ہے جو مقبول یادداشتوں کے مجموعے پر مشتمل ہے۔ درسی سبق " علی بخش " بھی شہاب نامہ سے اخذ کیا گیا ہے۔ اس سبق میں وہ علامہ اقبال کے دیرینہ اور وفادار ملازم علی بخش کی خدمات اور علامہ اقبال کی زندگی سے جڑے  چند حالات و واقعات کو اجاگر کرتے ہیں۔

                 تشریح طلب اقتباس میں مصنف قدرت اللہ شہاب کہتا ہے کہ مجھے کسی کام کی غرض سے لاہور جانا پڑا۔ لاہور میں مجھے خواجہ عبدالرحیم سے ملنے کا اتفاق ہوا جو وہاں کے مشہور و معروف وکیل تھے اور ان کے علامہ اقبالؒ کے ساتھ بھی گہرے تعلقات رہے تھے۔ اس ملاقات میں ہماری  مختلف امور پر گفتگو ہوئی تو ان باتوں کے دوران خواجہ صاحب نے علامہ اقبالؒ کے  پرانے، زیرک اور تجربہ کار ملازم علی بخش کا ایک مسئلہ میرے سامنے پیش کیا۔ انھوں نے کہا علی بخش نے جس طرح علامہ اقبالؒ کی خدمت کی اور اپنی تمام عمر ان کی خدمت میں بسر کی اس کی ان خدمات کے اعتراف میں حکومت نے  لائل پور ( موجودہ فیصل آباد) میں ایک مربع یعنی پچیس ایکڑ رقبہ اس کے نام کیا ہے۔ وہ اس اراضی کے حصول کےلیے متعدد بار کوشش کرچکا ہے مگر اسے وہ رقبہ نہیں مل سکا۔ رقبہ نہ ملنے کی وجہ یہ ہے کہ کچھ بااثر، فسادی اور سرکش لوگوں نے اس کی جائیداد پر ناجائز اور غیرقانونی طور پر تسلط جمایا ہوا ہے۔ آپ جھنگ کے ڈپٹی کمشنر ہیں اور لائل پور بھی جھنگ کے قریب ہے  تو اگر آپ   اس سلسلے میں  اس کی مدد کرسکتے ہیں تو ضرور اس کی مدد کریں۔ جیسا کہ حدیث مبارکہ ہے:

            " ایک مسلمان دوسرے مسلمان کا بھائی ہے۔ وہ نہ اس پر ظلم کرتا ہے اور نہ ہی اسے بےیارومددگار چھوڑتا ہے۔ "  ( بخاری و مسلم) ۔

aufsurani.blogspot.com                                                                             aufsurani.blogspot.com